21/05/2020 05:05 GMT+7 print

ບັນ​ດາ​ການ​ເຄື່ອນ​ໄຫ​ວ​ສະ​ເຫຼີ​ມ​ສະຫຼອງ 130 ປີ​ແຫ່ງວັນ​ຄ້າຍ​ວັນ​ເກີດ​ຂອງ​ປະ​ທານ​ໂຮ່​ຈີ​ມິນ​ໄດ້​ຈັດ​ຂຶ້​ນ​ທັງ​ຢູ່​ພາຍ​ໃນ​ແລະ​ຕ່າງ​ປະ​ເທດ

ເນື່ອງໃນໂອກາດສະເຫຼີມສະຫຼອງ 130 ປີ ແຫ່ງວັນຄ້າຍວັນເກີດປະທານໂຮ່ຈີມິນ (ວັນທີ 19 ພຶດສະພາ 1890 – 19 ພຶດສະພາ 2020), ຕອນບ່າຍວັນທີ 19 ພຶດສະພາ, ສະມາຄົມນັກຂ່າວແຂວງເທື່ອທຽນ - ເຫ້ວ ໄດ້ຈັດຕັ້ງງານວາງສະແດງ “ຮູບປະພັນລຸງໂຮ່ໃນໜັງສືພິມປະຕິວັດຢູ່ພາກໃຕ້, ໄລຍະ 1945 - 1975” ງານວາງສະແດງໄດ້ວາງສະແດງຮູບພາບ, ເອກະສານ 70 ຢ່າງກ່ຽວກັບປະທານໂຮ່ຈີມິນໃນໜັງສືພິມປະຕິວັດຢູ່ພາກໃຕ້, ເຊິ່ງສະແດງໃຫ້ເຫັນອາລົມຈິດ, ເຈດຈຳນົງຂອງພະນັກງານ, ນັກຮົບ, ປະຊາຊົນພາກໃຕ້ລ້ວນແຕ່ມຸ່ງໄປສູ່ລຸງໂຮ່.

ພະນັກງານສະຖານທູດລາວ ແລະພໍ່ແມ່ພີ່ນ້ອງຊາວຫວຽດນາມອາໄສຢູ່ຕ່າງປະເທດເຂົ້າຢ້ຽມຊົມງານສາງສະແດງຮູບພາບກ່ຽວກັບຊີວິດ ແລະ ພາລະກິດຂອງປະທານໂຮ່ຈີມິນ

ແລະກໍ່ໃນວັນດຽວກັນ, ສູນກາງຄະນະຊາວໜຸ່ມກອມມູນິດໂຮ່ຈີມິນ ໄດ້ຍ້ອງຍໍຊົມເຊີຍ ຊາວໜຸນ17 ຄົນທີ່ເປັນແບບຢ່າງດີເດັ່ນ ໃນການຮ່ຳຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ, ຈັດຕັ້ງກອງປະຊຸມຮ່ຳຮຽນຕາມບັນດາຫົວຂໍ້ສະເພາະກ່ຽວກັບດ້ານແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ.

ລັດຖະບານບັນດາປະເທດ, ສະຖານທູດຫວຽດນາມປະຈຳບາງປະເທດກໍ່ໄດ້ຈັດຕັ້ງບັນດາການເຄື່ອນໄຫວເພື່ອສະເຫຼີມສະຫຼອງ 130 ປີແຫ່ງວັນຄ້າຍວັນເກີດປະທານໂຮ່ຈີມິນ.

        ວັນທີ 19 ພຶດສະພາ(ຕາມເວລາທ້ອງຖິ່ນ), ຄະນະຜູ້ຕາງໜ້າຫວຽດນາມປະຈຳ ສປຊ ໄດ້ສົມທົບກັບບັນດາອົງການຕາງໜ້າ ຫວຽດນາມຢູ່ ອາເມລິກາ ແລະ ສະມາຄົມນັກສຶກສາ ຫວຽດນາມຢູ່ ນິວຢອກ ແລະ Boston ຈັດຕັ້ງການໂອ້ລົມສົນທະນາທາງອອນລາຍດ້ວຍຫົວຂໍ້ “ຊີວິດ, ແນວຄິດ ແລະ ພາລະກິດຂອງໂຮ່ຈີມິນ”. ທ່ານເອກອັກຄະລັດຖະທູດດັ້ງດິ່ງກຸ໊ຍ,ຫົວໜ້າຄະນະຜູ້ຕາງໜ້າຫວຽດນາມປະຈຳ ສປຊ, ພ້ອມທັງເປັນນັກຮຽນຮູ້ທີ່ມີການຄົ້ນຄ້ວາກ່ຽວກັບປະທານໂຮ່ຈີມິນມາເປັນເວລາຫຼາຍປີ ໄດ້ເປັນປະທານການໂອ້ລົມສົນທະນາ.

        ແລະກໍ່ໃນວັນທີ 19 ພຶດສະພາ, ຢູ່ນະຄອນຫຼວງ ວຽງຈັນ, ສະຖານທູດຫວຽດນາມ, ຜູ້ຕາງໜ້າການນຳລາວຈຳນວນໜຶ່ງ, ພໍ່ແມ່ພີ່ນ້ອງຊາວ ຫວຽດນາມອາໄສຢູ່ລາວພ້ອມກັບບັນດາພະສົງສາມະເນນ ແລະ ພຸດທະສາສະນິກະຊົນຢູ່ລາວໄດ້ເຂົ້າຮ່ວມພິທີໂຮມຊຸມນຸມ ມິດຕິງສະເຫຼີມສະຫຼອງ 130 ປີແຫ່ງວັນຄ້າຍວັນເກີດປະທານໂຮ່ຈີມິນ.

(ແຫຼ່ງຄັດຈາກ VOV)