29/03/2020 13:58 GMT+7 print

ປະຊາຊົນ​ນະຄອນ ຮ່າ​ໂນ້ຍ ຈົ່ງ​ອຸ່ນ​ອ່ຽນ​, ທຸຸ່ນ​ທ່ຽງ ​ແລະ ​ເຊື່່ອໝັ້ນຕໍ່​ບັນດາ​ມາດ​ຕະການ​ປ້ອງ​ກັນ ​ແລະ ສະກັດ​ກັ້ນ​ໂລກລະບາດ​ໂຄ​ວິດ - 19

ນະຄອນຮ່າໂນ້ຍຕ້ອງເປັນເຈົ້າການໃນການຄົ້ນພົບກໍລະນີຕິດເຊື້ອ ແລະຈັດຕັ້ງການແຍກຕົວໃຫ້ໄດ້ຢ່າງທັນການ; ຮຽກຮ້ອງໃຫ້ບັນດາໜ່ວຍງານຕ່າງໆຈົ່ງຍູ້ໄວວຽກງານເກັບເອົາຕົວຢ່າງມາວິໄຈ...

ທ່ານ ຫງວຽນດຶກຈູງ, ປະທານຄະນະກໍາມະການປະຊາຊົນນະຄອນ ຮ່າໂນ້ຍ (ພາບ: hanoimoi.com.vn)

ກ່າວຄໍາເຫັນທີ່ກອງປະຊຸມປ້ອງກັນ ແລະສະກັດກັ້ນໂລກລະບາດໂຄວິດ - 19 ຂອງນະຄອນຮ່າໂນ້ຍທີ່ຈັດຂຶ້ນໃນຕອນບ່າຍວັນທີ 27 ມີນາ, ທ່ານຫງວຽນດຶກຈູງ, ປະທານຄະນະກໍາມະການປະຊາຊົນນະຄອນຮ່າໂນ້ຍ ເນັ້ນໜັກວ່າ ນະຄອນຮ່າໂນ້ຍຕ້ອງເປັນເຈົ້າການໃນການຄົ້ນພົບກໍລະນີຕິດເຊື້ອ ແລະຈັດຕັ້ງການແຍກຕົວໃຫ້ໄດ້ຢ່າງທັນການ; ຮຽກຮ້ອງໃຫ້ບັນດາໜ່ວຍງານຕ່າງໆຈົ່ງຍູ້ໄວວຽກງານເກັບເອົາຕົວຢ່າງມາວິໄຈ; ການນໍາເມືອງ, ຕາແສງຕ່າງໆກຽມພ້ອມປະຕິບັດໜ້າທີ່ເມື່ອມີຄວາມຮຽກຮ້ອງຕ້ອງການ. ພ້ອມທັງສະເໜີໃຫ້ປະຊາຊົນນະຄອນຈົ່ງມີຄວາມອຸ່ນອ່ຽນ, ທຸ່ນທ່ຽງ ແລະສືບຕໍ່ເຊື້ອໝັ້ນຕໍ່ບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19 ເຊິ່ງລັດຖະບານ ແລະນະຄອນກໍາລັງຜັນຂະຫຍາຍ.

“ໃນສອງອາທິດຈະມາເຖິງຈະແມ່ນຈຸດເວລາຍອດສູງດັ່ງນັ້ນພວກເຮົາຕ້ອງປະຕິບັດຢ່າງຂ້ຽວຂາດກວ່າອີກຈິ່ງສາມາດຕອບສະໜອງໄດ້ວຽກງານປ້ອງກັນ ແລະສະກັດກັ້ນໂລກລະບາດ.  ເມື່ອໄດ້ຮັບການສະໜັບສະໜູນ ແລະມີຄວາມເຫັນດີເຫັນພ້ອມຈາກປະຊາຊົນ ແນ່ນອນວ່າພວກເຮົາຈະຫຼຸດຜ່ອນ ແລະສະກັດກັ້ນໄດ້ການແຜ່ລະບາດໃນວົງຄະນະຍາດ”.

(ແຫຼ່ງຄັດຈາກ VOV)