05/03/2020 09:33 GMT+7 print

ຊຸກຍູ້ການເຄື່ອນໄຫວຂອງ ກຸ່ມແມ່ຍິງປະຊາຄົມ ອາຊຽນ

      ວັນທີ 3 ມີນາ, ກຸ່ມແມ່ຍິງປະຊາຄົມ ອາຊຽນ ຢູ່ ຮ່າໂນ້ຍ (AWCH) ໂດຍທ່ານນາງ ຫງວຽນຫງວຽດງາ, ປະທານກິດຕິມະສັກ AWCH, ນຳໜ້າ, ໄດ້ເຂົ້າຄ່ຳນັບທ່ານນາງ ເຈືອງທິມາຍ ຫົວໜ້າຄະນະຂົນຂວາຍປະຊາຊົນສູນກາງ. ນີ້ແມ່ນໜຶ່ງໃນບັນດາການເຄື່ອນໄຫວຢ່າງເປັນທາງການຂອງ AWCH ໃນປີ ອາຊຽນ 2020 ຢູ່ ຫວຽດນາມ ເພື່ອແນໃສ່ ສະເຫຼີມສະຫຼອງ 110 ປີ ແຫ່ງວັນແມ່ຍິງສາກົນວັນທີ 8 ມີນາ.

ນາງ ເຈືອງທິມາຍຫົວໜ້າຄະນະຂົນຂວາຍປະຊາຊົນສູນກາງ ແລະ ບັນດາຜູ້ແທນ AWCH
(ພາບ: ກະຊວງການຕ່າງປະເທດ ຫວຽດນາມ)
      ທີ່ການຕ້ອນຮັບ, ທ່ານນາງເຈືອງທິມາຍ ແບ່ງປັນບັນດາຄວາມກ້າວໜ້າໃນຂົງເຂດຄວາມສະເໝີພາບລະຫວ່າງ ຍິງ - ຊາຍ ຢູ່ ຫວຽດນາມໃນໄລຍະຜ່ານມາ, ພ້ອມທັງ ຢັ້ງຢືນວ່າ ແມ່ຍິງ ຫວຽດນາມ ນັບມື້ນັບເປັນເຈົ້າການ, ຕັ້ງໜ້າ ແລະ ຢັ້ງຢືນຕົນເອງໃນຫຼາຍຂົງເຂດຂອງ ຊີວິດສັງຄົມ, ໃນນັ້ນມີຂົງເຂດການຕ່າງປະເທດ. ທ່ານນາງ ເຈືອງທິມາຍ ໄດ້ສະເໜີວ່າ: ໃນໄລຍະຈະມາເຖິງ, ກຸ່ມ AWCH ຈະສືບຕໍ່ຈັດຕັ້ງບັນດາການເຄື່ອນໄຫວທີ່ມີຄວາມໝາຍ, ແທດຈິງ, ປະກອບສ່ວນເຂົ້າໃນການຊຸກຍູ້ປະຕິບັດບັນດາບຸລິມະສິດຂອງ ອາຊຽນໃນປີ 2020, ເພີ່ມທະວີ ສ້າງຄວາມຜູກພັນສູນຮັກແພງລະຫວ່າງ ເອື້ອຍນ້ອງໃນອາຊຽນ, ເພື່ອນມິດສາກົນ, ໜູນຊ່ວຍສ້າງສີສັນວັດທະນະທຳ ລວມອາຊຽນ, ເພື່ອການພັດທະນານັບມື້ນັບເຂັ້ມແຂງຂອງ ປະຊາຄົມ.
        ບັນດາສະມາຊິກ AWCH ໄດ້ສະແດງຄວາມຮັກແພງຕໍ່ປະເທດຊາດ ແລະ ຊາວ ຫວຽດນາມ, ສະແດງຄວາມນິຍົມນັບຖືຕໍ່ບັນດາບົດບາດທີ່ຕັ້ງໜ້າ ແລະ ການປະກອບສ່ວນພົ້ນເດັ່ນຂອງ ແມ່ຍິງ ຫວຽດນາມ, ຢັ້ງຢືນບັນດາຄວາມມານະພະຍາຍາມຂອງ ຕົນເພື່ອເຂົ້າໃຈຫຼາຍກ່ວາອີກກ່ຽວກັບວັດທະນະທຳ, ຊາວຫວຽດນາມ. ນັ້ນແມ່ນບັນດາການກະທຳອັນແທດຈິງທີ່ສຸດເພື່ອແນໃສ່ປະກອບສ່ວນເຂົ້າໃນການສ້າງຄວາມຜູກພັນລະຫວ່ງແມ່ຍິງອາຊຽນ ຢູ່ ຮ່າໂນ້ຍ, ຍົກສູງຄວາມຮັບຮູ້ຂອງ ປະຊາຊົນກ່ຽວກັບ ປະຊາຄົມອາຊຽນ.
 (ແຫຼ່ງຄັດຈາກ VOV)