13/02/2020 11:20 GMT+7 print

ປະທານລັດຖະສະພາ ເອີລົບ ສະໜັບສະໜູນຊຸກຍູ້ການພົວພັນຮ່ວມມືຮອບດ້ານລະຫວ່າງ ເອີລົບ ແລະ ຫວຽດນາມ

ໃນຂອບເຂດການຢ້ຽມຢາມ ແລະ ເຮັດວຽກຢູ່ ບຣຸກແຊນ, ປະເທດ ແບນຊິກ ແລະ Strasbourg, ປະເທດ ຝລັ່ງ, ດ້ວຍຖະນະເປັນທູດພິເສດຂອງທ່ານນາຍົກລັດຖະມົນຕີ, ຕອນບ່າຍວັນທີ 11 ກຸມພາ, ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ມີການພົບປະກັບທ່ານ David Sassoli ປະທານລັດຖະສະພາ ເອີລົບ.

ທ່ານຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ມີການພົບປະກັບທ່ານ David Sassoli ປະທານລັດຖະສະພາ ເອີລົບ (ພາບ: TTXVN) 

ທີການພົບປະທ່ານ David Saasoli ຢັ້ງຢືນວ່າຈະສະໜັບສະໜູນຊຸກຍູ້ການພົວພັນຮ່ວມມືຮອບດ້ານລະຫວ່າງ ເອີລົບ ແລະ ຫວຽດນາມ, ທ່ານເນັ້ນໜັກວ່າ ເອີລົບ ຖື ຫວຽດນາມ ແມ່ນ ຄູ່ຮ່ວມມືສຳຄັນຢູ່ ອາຊີ-ປາຊີຟິກ, ຫວັງວ່າ ຫວຽດນາມຈະສືບຕໍ່ ສະໜັບສະໜູນ, ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການພົວພັນຮ່ວມມືລະຫວ່າງສະຫະພາບ ເອີລົບ ແລະ ສະມາຄົມປະຊາຊາດບັນດາປະເທດ ອາຊີຕາເວັນອອກສຽງໃຕ້. ປະທານລັດຖະສະພາ ເອີລົບ ຢັ້ງຢືນວ່າຈະສະໜັບສະໜູນເລື່ອງ EP ໃຫ້ສັດຕະຍາບັນສັນຍາການຄ້າເສລີ (EVFTA)  ແລະ ສັນຍາອາລັກຂາການລົງທຶນ (EVIPA) ລະຫວ່າງສະຫະພາບ ເອີລົບ ແລະ ຫວຽດນາມ; ສະເໜີໃຫ້ສອງຝ່າຍສືບຕໍ່ສົມທົບກັນຢ່າງແໜ້ນແຟ້ນເພື່ອຮັບປະກັນປະຕິບັດບັນດາສັນຍາໃຫ້ມີປະສິດທິຜົນ, ນຳເອົາຜົນປະໂຫຍດແທດຈິງມາໃຫ້ວິສາຫະກິດ ແລະ ປະຊາຊົນສອງຝ່າຍ.
(ແຫຼ່ງຄັດຈາກ VOV)