01/02/2020 15:31 GMT+7 print

ສ້າງຕັ້ງ 45 ທິມງານເຄື່ອນທີ່ໄວເພື່ອຕ້ານເຊື້ອພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ຫຼື ໄວຣັດ ໂກໂຣນາ

      ຕອນບ່າຍວັນທີ 30 ມັງກອນ, ທ່ານຮອງສາດສະດາຈານ, ປະລິນຍາເອກ ເລືອງງອັກເຄ, ຫົວໜ້າກົມຄວບຄຸມ, ກວດ, ປິ່ນປົວພະຍາດ (ກະຊວງສາທາລະນະສຸກ ຫວຽດນາມ) ໃຫ້ຮູ້ວ່າ: 
           
      ໂດຍປະຕິບັດຄຳສັ່ງຂອງນາຍົກລັດຖະມົນຕີກ່ຽວກັບການປ້ອງກັນ, ຕ້ານເຊື້ອຈຸລະໂລກສາຍພັນໃໝ່ໂດຍໄວຣັດ ໂກໂຣນາ ກໍ່ຂຶ້ນ, ກະຊວງສາທາລະນະສຸກ ໄດ້ສ້າງຕັ້ງ 45 ທິມງານເຄື່ອນທີ່ໄວເພືື່ອຕ້ານເຊື້ອຈຸລະໂລກສາຍພັນໃໝ່ດັ່ງກ່າວ.
        ບັນດາທິມງານມີໜ້າທີ່ປະຈຳການ ກຽມພ້ອມມີການເຄື່ອນໄຫວຢ່າງວ່ອງໄວ, ໜູນຊ່ວຍດ້ານວິຊາສະເພາະໃຫ້ແກ່ບັນດາໂຮງໝໍປິ່ນປົວ, ເບິ່ງແຍງດູແລ ແລະ ຄວບຄຸມການຕິດເຊື້ອຈຸລະໂລກດັ່ງກ່າວຢູ່ບັນດາຮາກຖານກວດ, ປິ່ນປົວພະຍາດ ເມື່ອມີຄວາມຮຽກຮ້ອງຕ້ອງການ, ປະຕິບັດຕາມຄຳສັ່ງຂອງກະຊວງສາທາລະນະສຸກ ແລະ ຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານເຊື້ອຈຸລະໂລກສາຍພັນໃໝ່ nCoV.
 (ແຫຼ່ງຄັດຈາກ VOV)