07/12/2019 08:36 GMT+7 print

VOV ປາດຖະໜາຢາກເພີ່ມທະວີການຮ່ວມມືກັບຄະນະຜູ້ແທນສະຫະພາບເອີລົບປະຈຳຫວຽດນາມ

ຕອນບ່າຍວັນທີ 06 ທັນວາ, ຢູ່ຮ່າໂນ້ຍ, ທ່ານຜູ້ອຳນວຍການໃຫຍ່ VOV ຫງວຽນເທ໊ກີ ໄດ້ໃຫ້ການຕ້ອນຮັບທ່ານ Giorgio Aliberti, ເອກອັກຄະລັດຖະທູດ, ຫົວໜ້າຄະນະຜູ້ແທນສະຫະພາບເອີລົບ (ອີຢູ) ປະຈຳຫວຽດນາມ.


(ທ່ານຜູ້ອຳນວຍການໃຫຍ່ VOV ຫງວຽນເທ໊ກີ ຕ້ອນຮັບທ່ານ Giorgio Aliberti)

ທີ່ການຕ້ອນຮັບ, ທ່ານຜູ້ອຳນວຍການໃຫຍ່ VOV ຫງວຽນເທ໊ກີ ຢືນຢັນວ່າ, ໃນການເຄື່ອນໄຫວທາງສື່ມວນຊົນ, ຍາມໃດ VOV ກໍ່ສະຫງວນຄວາມສົນໃຈເຖິງບັນດາຂໍ້ມູນຂ່າວສານກ່ຽວກັບສະຫະພາບເອີລົບ, ບົດບາດຂອງອີຢູ ໃນບັນດາບັນຫາທົ່ວໂລກ ແລະ ພິເສດແມ່ນການພົວພັນລະຫວ່າງຫວຽດນາມ - ອີຢູ. ທ່ານ ຫງວຽນເທ໊ກີ ຢືນຢັນວ່າ.

        “ໜ້າທີ່ຄວາມຮັບຜິດຊອບ ກໍຄືຄວາມປາດຖະໜາຂອງພວກຂ້າພະເຈົ້າ ແມ່ນເຮັດແນວໃດຈະປະກອບສ່ວນນຳການພົວພັນຮ່ວມມືລະຫວ່າງຫວຽດນາມ - ອີຢູ ໃຫ້ນັບມື້ນັບໄດ້ຮັບການເພີ່ມທະວີ. ປີ 2020, ຫວຽດນາມ ຈະດຳລົງຕຳແໜ່ງເປັນປະທານອາຊຽນ 2020, ເປັນກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ ແລະ ຫວຽດນາມ - ອີຢູ ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ. ພວກຂ້າພະເຈົ້າຫວັງວ່າ ຈະໄດ້ສົມທົບກັບຄະນະຜູ້ແທນສະຫະພາບເອີລົບປະຈຳຫວຽດນາມ ເພີ່ມທະວີການພົວພັນ, ຮ່ວມມື”.

        ສ່ວນທ່ານ Giorgio Aliberti ເນັ້ນໜັກວ່າ, ຍາມໃດອີຢູ ກໍປາດຖະໜາຢາກພັດທະນາການພົວພັນກັບບັນດາປະເທດອາຊີຕາເວັນອອກສ່ຽງໃຕ້, ໃນນັ້ນມີຫວຽດນາມ ແລະ ຢືນຢັນວ່າ ພ້ອມແລ້ວທີ່ຈະແບ່ງປັນກັບ VOV ບັນດາຂໍ້ມູນຂ່າວສານກ່ຽວກັບອີຢູ.

(ແຫຼ່ງຄັດຈາກ VOV)