27/07/2019 11:37 GMT+7 print

ຄະນະປະຈຳລັດຖະບານປະຊຸມກ່ຽວກັບການພັດທະນາເຂດເສດຖະກິດຈຸດສຸມ

      ຕອນເຊົ້າວັນທີ 26 ກໍລະກົດ, ຄະນະປະຈຳລັດຖະບານປະຊຸມກັບບັນດາກະຊວງ, ຂະແໜງການທີ່ກ່ຽວຂ້ອງ ເພື່ອຕີລາຄາສະພາບການ ແລະ ປຶກສາຫາລືບັນດາມາດຕະການຊຸກຍູ້ການເຕີບໂຕບັນດາເຂດເສດຖະກິດຈຸດສຸມໃນທົ່ວປະເທດ. ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ເປັນປະທານກອງປະຊຸມ.
          ກ່າວຄຳເຫັນສະຫລຸບ, ຕີລາຄາລວມກ່ຽວກັບສະພາບການພັດທະນາຂອງ 4 ເຂດເສດຖະກິດຈຸດສຸມ, ທ່ານນາຍົກລັດຖະມົນຕີ ຫງວຽນຊວັນຟຸກ ຖືວ່າ: ໄດ້ມີຄວາມມານະພະຍາຍາມຫລາຍຢ່າງໃນການຊີ້ນຳບໍລິຫານ, ປະກອບສ່ວນໂດຍກົງເຂົ້າໃນການພັດທະນາຂອງປະເທດຊາດ, ນຳໜ້າແມ່ນເຂດເສດຖະກິດຈຸດສຸມພາກໃຕ້, ເປັນຕົ້ນແມ່ນນະຄອນ ໂຮ່ຈີມິນ. ທ່ານນາຍົກລັດຖະມົນຕີ ສະເໜີໃຫ້ບັນດາກະຊວງ, ຂະແໜງການ, ອົງການສຳນັກງານ ແລະ ທ້ອງຖິ່ນທີ່ກ່ຽວຂ້ອງ ຈົ່ງຮັບຮູ້ກ່ຽວກັບບັນຫານີ້ຢ່າງຈະແຈ້ງ ເພື່ອໃຫ້ມີການກຳນົດທິດແກ້ໄຂໃຫ້ດີກ່ວາໃນໄລຍະຈະມາເຖິງ.
 

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ (ພາບ: VGP)
      ກ່ຽວກັບໜ້າທີ່ໃນໄລຍະຈະມາເຖິງ, ທ່ານນາຍົກລັດຖະມົນຕີ ຫງວຽນຊວັນຟຸກ ຊີ້ນຳວ່າ ຄວນຕັ້ງໜ້າແກ້ໄຂຄວາມຫຍຸ້ງຍາກໃຫ້ແກ່ການຜະລິດ, ເພີ່ມທະວີການລົງທຶນ; ສືບຕໍ່ໝູນໃຊ້ຄວາມກ້າວໜ້າທາງດ້ານວິທະຍາສາດເຕັກໂນໂລຊີ. ທ່ານນາຍົກລັດຖະມົນຕີກໍ່ໃສ່ໃຈເຖິງໜ້າທີ່ປົກປັກຮັກສາສິ່ງແວດລ້ອມ.
 (ແຫຼ່ງຄັດຈາກ VOV)