19/06/2019 09:30 GMT+7 print

ເພີ່ມທະວີການພົວພັນມິດຕະພາບລະຫວ່າງ ຫວຽດນາມ - ມຽນມາ ກ່ວາອີກ

ທີ່ການພົບປະເຈລະຈາກັບທ່ານຮອງປະທານາທິບໍດີ ມຽນມາ Myint Swe ໃນວັນທີ 17 ມິຖຸນາ, ທ່ານຮອງນາຍົກລັດຖະມົນຕີ ຫວຽດນາມ ເວືອງດີ່ງເຫ້ວ ຢືນຢັນວ່າ ຫວຽດນາມ ຖືເປັນສຳຄັນທີ່ສຸດ ແລະ ປາດຖະໜາຢາກພັດທະນາການພົວພັນກັບ ມຽນມາ ໃຫ້ເປັນປົກກະຕິ ແລະ ຍາວນານກັບ ມຽນມາ ຢ່າງບໍ່ຢຸດຢັ້ງ, ເພື່ອຜົນປະໂຫຍດຂອງປະຊາຊົນ 2 ປະເທດ, ເພື່ອສັນຕິພາບ, ການຮ່ວມມື ແລະ ພັດທະນາຂອງ ອາຊຽນ ແລະ ພາກພື້ນ.
ເມື່ອແລກປ່ຽນກ່ຽວກັບການພົວພັນ 2 ຝ່າຍ, ທັງ 2 ຝ່າຍໄດ້ເຫັນດີເປັນເອກະພາບ ຈະສືບຕໍ່ເພີ່ມທະວີການພົບປະແລກປ່ຽນຄະນະຜູ້ແທນຂັ້ນສູງໃນໄລຍະຈະມາເຖິງ. 2 ຝ່າຍປາດຖະໜາຢາກຊອກຫາບັນດາມາດຕະການທີ່ມີປະສິດທິຜົນ ແນໃສ່ນຳວົງເງິນການຄ້າ 2 ສົ້ນເຕີບໂຕຢ່າງແຮງກ່ວາອີກ, ບັນລຸໄດ້ຄາດໝາຍ 1 ຕື້ USD ໂດຍໄວ. ທ່ານຮອງນາຍົກລັດຖະມົນຕີ ເວືອງດີ່ງເຫ້ວ ສະເໜີລັດຖະບານ ມຽນມາ ສືບຕໍ່ສ້າງເງື່ອນໄຂສະດວກໃຫ້ແກ່ບັນດາວິສາຫະກິດ ຫວຽດນາມ ທີ່ລົງທຶນ ແລະ ດຳເນີນທຸລະກິດຢູ່ ມຽນມາ. ທ່ານຮອງນາຍົກລັດຖະມົນຕີ ເວືອງດີ່ງເຫ້ວ  ກໍ່ຢືນຢັນວ່າ ລັດຖະບານ ຫວຽດນາມ ຍາມໃດກໍ່ຮຽກຮ້ອງບັນດາວິສະກິດ ຫວຽດນາມ ເຄົາລົບກົດໝາຍ ມຽນມາ ຢ່າງເດັດຂາດ, ປະກອບສ່ວນຢ່າງຕັ້ງໜ້າເຂົ້າໃນກິດຈະການພັດທະນາເສດຖະກິດ - ສັງຄົມຂອງ ມຽນມາ.

 ເພີ່ມທະວີການພົວພັນມິດຕະພາບລະຫວ່າງ ຫວຽດນາມ - ມຽນມາ ກ່ວາອີກ (ພາບ: TTXVN)

 2 ຝ່າຍກໍ່ເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ ແລະ ການຮ່ວມມືເພື່ອການພັດທະນາ ແລະ ວັດທະນາຖາວອນລວມ, ສົມທົບກັນແກ້ໄຂບັນດາສິ່ງທ້າທາຍລວມກ່ຽວກັບຄວາມໝັ້ນຄົງໃນພາກພື້ນ, ໃນນັ້ນ ມີບັນຫາທະເລຕາເວັນອອກ. 2 ຝ່າຍຢັ້ງຢືນວ່າ ຈະສະໜັບສະໜູນການແກ້ໄຂບັນດາການຂັດແຍ້ງຢູ່ທະເລຕາເວັນອອກໂດຍສັນຕິວິທີ ບົນພື້ນຖານເຄົາລົບກົດໝາຍສາກົນ, ພິເສດແມ່ນສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ບໍ່ນາບຂູ່ ຫຼື ນຳໃຊ້ກຳລັງອາວຸດ; ໃຫ້ຄຳໝັ້ນສັນຍາສະໜັບສະໜູນການປະຕິບັດ DOC ຢ່າງຄົບຖ້ວນ ແລະ ມີປະສິດທິຜົນ ແລະ ມານະພະຍາຍາມເພື່ອບັນລຸໄດ້ COC ທີ່ມີຜົນສັກສິດ ແລະ ແທດຈິງໂດຍໄວ. 2 ຝ່າຍກໍ່ຢືນຢັນວ່າ ຈະສືບຕໍ່ຮ່ວມມືຢ່າງແໜ້ນແຟ້ນທີ່ບັນດາເວທີປາໄສພາກພື້ນ ແລະ ສາກົນ, ເປັນຕົ້ນແມ່ນໃນຂອບເຂດ ສະຫະປະຊາຊາດ, ອາຊຽນ…
(ແຫຼ່ງຄັດຈາກ VOV)