25/02/2019 09:00 GMT+7 print

ລັດຖະມົນຕີກະຊວງຖະແຫຼງຂ່າວ - ວັດທະນະທຳ ແລະ ທ່ອງທ່ຽວ ລາວ ໃຫ້ການຕ້ອນຮັບ ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ

ທ່ານລັດຖະມົນຕີ ບໍ່ແສງຄຳ ວົງດາລາ ໄດ້ຕີລາຄາສູງຄວາມມານະພະຍາຍາມຂອງວິທະຍຸກະຈາຍສຽງ ຫວຽດນາມ ໃນການສົ່ງເສີມບັນດາໂຄງການຊ່ວຍເຫຼືອວິທະຍຸກະຈາຍສຽງແຫ່ງຊາດ ລາວ ແລະ ບາງວິທະຍຸ - ໂທລະພາບ ທ້ອງຖິ່ນ.

ທ່ານລັດຖະມົນຕີກະຊວງຖະແຫຼງຂ່າວ - ວັດທະນະທຳ ແລະ ທ່ອງທ່ຽວ ລາວ ບໍ່ແສງຄຳ ວົງດາລາ ແລະ ທ່ານຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຫງວຽນເຖ໊ກິ 
ອນບ່າຍວັນທີ 23 ກຸມພາ, ທີ່ການຕ້ອນຮັບທ່ານຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຫງວຽນເຖ໊ກິ, ທ່ານລັດຖະມົນຕີກະຊວງຖະແຫຼງຂ່າວ - ວັດທະນະທຳ ແລະ ທ່ອງທ່ຽວ ລາວ ບໍ່ແສງຄຳ ວົງດາລາໄດ້  ຊົມເຊີຍທ່ານຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ຫງວຽນເຖ໊ກິ ພ້ອມກັບຄະນະປະຕິບັດວຽກງານຂອງ ວິທະຍຸກະຈາຍສຽງ ຫວຽດນາມ ມາຢ້ຽມຢາມລາວ ໃນໂອກາດການຢ້ຽມຢາມສັນທະວະໄມຕີຢ່າງເປັນທາງການຂອງທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຟູ້ຈ້ອງ ແລະ ຢັ້ງຢືນວ່າການເດີນທາງປະຕິບັດ ງານຂອງຄະນະຈະປະກອບສ່ວນຢ່າງແທດຈິງເຂົ້າໃນການເພີ່ມທະວີການຮ່ວມມືກ່ວາອີກ ລະຫວ່າງ ວິທະຍຸກະຈາຍສຽງ ຫວຽດນາມ ແລະ ວິທະຍຸກະຈາຍສຽງແຫ່ງຊາດ ລາວ ໃນໄລຍະຈະມາເຖິງ. ທ່ານລັດຖະມົນຕີ ບໍ່ແສງຄຳ ວົງດາລາ ໄດ້ຕີລາຄາສູງຄວາມມານະພະຍາຍາມຂອງວິທະຍຸກະຈາຍສຽງ ຫວຽດນາມ ໃນການສົ່ງເສີມບັນດາໂຄງການຊ່ວຍເຫຼືອວິທະຍຸກະຈາຍສຽງແຫ່ງຊາດ ລາວ ແລະ ບາງວິທະຍຸ - ໂທລະພາບ ທ້ອງຖິ່ນ, ປະກອບສ່ວນເຂົ້າໃນການຍູ້ແຮງວຽກງານໂຄສະນາ, ສົ່ງສຽງຂອງພັກ - ລັດລາວເຖິງປະຊາຊົນ, ໂດຍສະເພາະແມ່ນປະຊາຊົນທີ່ດຳລົງຊີວິດຢູ່ເຂດຊົນນະບົດ, ເຂດພູດອຍ ແລະ ເຂດຫ່າງໄກສອກຫຼີກ.
(ແຫຼ່ງຄັດຈາກ VOV)