17/08/2016 15:37 GMT+7 print

ຜູ້ສືບທອດທີ່ສົມບຸນແບບ

ນັກແຕ່ງດົນຕີໂດ໊ຮົ່ງກວນເປັນນັກປະສານດົນຕີແຖວໜ້າ ຂອງ ຫວຽດນາມ ທ່ານໄດ້ສ້າງບົດດົນຕີພື້ນເມືອງຕ່າງໆ ທີ່ເຮັດໃຫ້ ທ່ານຜູ້ຟັງຮູ້ສຶກເຖິງຄວາມສະຫງົບສຸກ ຢູ່ໃນ ສ່ວນເລິກຂອງຫົວໃຈ. ໂດຍເປັນລູກຊາຍຂອງອະດີດນັກດົນຕີທີ່ມີຊື່ສຽງໂດ໊ຍ້ວນ, ດັ່ງນັ້ນເມື່ອເອື່ອຍເຖິງ ນັກດົນ ຕີໂດ໊ຮົ່ງກວນ, ທ່ານສາດສະດາຈານ, ນັກສິລະປິນ ປະຊາຊົນ ຈ້ອງບັ່ງ (ຫົວໜ້າວົງດົນຕີຜູ້ທຳອິດຂອງຫວຽດນາມ) ໄດ້ໃຫ້ວ່າ: “ເຂົາຄົນນັ້ນຄືຜູ້ສືບທອດທີ່ສົມບຸນແບບ”. 

ພວກຂ້າພະເຈົ້າໄດ້ມີໂອກາດລົມກັນ ກ່ຽວກັບແຫລ່ງດົນ ໃຈໃນການປະດິດແຕ່ງ ທີ່ສຳນັກງານຂອງສະມາຄົມນັກດົນຕີຫວຽດນາມ, ເປັນບ່ອນທີ່ນັກດົນຕີ ໂດ໊ຮົ່ງກວນ ກຳລັງດຳລົງຕຳແໜ່ງເປັນປະທານສະມາຄົມ. ທ່ານໄດ້ເວົ້າວ່າ, ໃນໄລຍະທີ່ໂຮງຮຽນດົນຕີອົບພະຍົບ ຢູ່ເຂດອຽນຢຸ໊ງ (ແຂວງບັກຢາງ) ໄດ້ເຕີມເຕັມແນວຄິດຈິດໃຈຂອງລາວ ເພື່ອໃຫ້ກາຍເປັນນັກແຕ່ງບົດດົນຕີໃນອານາຄົດ. ສຳລັບທ່ານໂດ໊ຮົ່ງກວນ, ແຮງບັນດານໃຈ ເພື່ອສ້າງເປັນບົດດົນ ຕີຕ່າງໆນັ້ນແມ່ນກຳເນີດມາຈາກສິ່ງແວດລ້ອມ ຂອງເຂດຊົນນະບົດ, ບ່ອນທີ່ທ່ານໄດ້ດຳລົງຊີວິດນຳຊາວກະສິກອນຜູ້ໃຈດີ, ໃນບັນຍາກາດຂອງມະຫາຄອບຄົວ.

ໃນຊຸມມື້ທີ່ຄອບຄົວຕ້ອງໄປອົບພະຍົບຢູ່ແຂວງບັກຢາງ,ເຖິງແມ່ນວ່າໄດ້ປະສົບກັບຄວາມຫຍຸ້ງຍາກນາໆປະການແຕ່ນັກດົນຕີໂດ໊ຍ້ວນໄດ້ພະຍາຍາມນຳເອົາເຄື່ອງ ປີອາໂນເກົ່່າ ຂອງຕົນມາເຂດຊົນນະບົດ ເພື່ອໃຫ້ ລູກຝຶກຊ້ອມ. ນັກດົນຕີ ໂດ໊ຮົ່ງກວນ ໄດ້ໄຂຄວາມໃນໃຈ ອອກມາດ້ວຍ ຄວາມຕື້ນຕັນໃຈວ່າ: “ເມື່ອຂ້າພະເຈົ້າ ມີອາຍຸສີ່ປີ, ພໍ່ໄດ້ ຈັບມືຂ້າພະເຈົ້າ ແລະ ເລີ່ມຕົ້ນສອນໃຫ້ຂ້າພະເຈົ້າ ຫຼິ້ນ ປີອາໂນ…” ບົດດົນຕີທີ່ມີຊື່ສຽງຂອງເພິ່ນຄື: “ຝາກເຖິງແມ່ ນ້ຳລູກ, ພູຮວ່ຽນ”  ນັ້ນກໍແມ່ນແຫຼ່ງ ຄວາມຄິດສ້າງສັນ ທີ່ກຳເນີດຈາກເຂດຊົນນະບົດ ລູກງ້ານ ແລະ ກັບສຽງກ່ອມລູກນອນທີ່ແມ່ຂອງລາວມັກຮ້ອງໃນຊ່ວງເວລາລາວຍັງນ້ອຍ. 

ນັກດົນຕີ ໂດ໊ຮົ່ງກວນ ຕາງໜ້າສະມາຄົມດົນຕີ ຫວຽດ ນາມ ມອບພິນສາຍດຽວໃຫ້ແກ່ທ່ານປະທານປະເທດ ເຈືອງເຕິນຊາງໃນປີ 2014. ພາບ: ເອກະສານ


ນັກດົນຕີ ໂດ໊ຮົ່ງກວນ ພ້ອມກັບບັນດານັກດົນຕີ ຂອງ ປະເທດຕ່າງໆ ໃນການພົບປະທ່ານປະທານປະເທດ ເຈືອງເຕິນຊາງ ທີ່ສຳນັກງານປະທານປະເທດ
ກ່ອນການດຳເນີນງານມະໂຫລານດົນຕີອາຊີ-ເອີຣົບ ຈັດຕັ້ງຂຶ້ນ ທີ່ຫວຽດນາມໃນປີ 2014. ພາບ: ເອກະສານ



ນັກດົນຕີ ໂດ໊ຮົ່ງກວນ ໃນການພົບປະ ແລະ ມອບປຶ້ມກ່ຽວ ກັບດົນຕີ ຊື່ງທ່ານເອງເປັນຜູ້ແຕ່ງ ແລະ ຮຽບຮຽງ
ມອບໃຫ້ ແກ່ ທ່ານພົນເອກ ຫວໍງວຽນຢາບ. ພາບ: ເອກະສານ



ນັກດົນຕີ ໂດ໊ຮົ່ງກວນ ໃນບົດບາດເປັນຫົວໜ້າວົງດົນຕີ ທີ່ງານມະໂຫລານດົນຕີອາຊີ-ເອີຣົບ 2014 ຊຶ່ງໄດ້ຈັດຕັ້ງຂຶ້ນຢູ່ຮ່າໂນ້ຍ. 


ນັກດົນຕີ ໂດ໊ຮົ່ງກວນ ຮັບເສື້ອ, ໝວກກິຕິມະສັກຈາກ ຄະນະຈັດຕັ້ງ ງານມະໂຫລານດົນຕີອາຊີ-ເອີຣົບ 2014 ໄດ້ຈັດຕັ້ງຂຶ້ນຢູ່ຮ່າໂນ້ຍ.  ພາບ: ເອກະສານ


ນັກດົນຕີ ໂດ໊ຮົ່ງກວນ ຊ່ວງໄລຍະກຳລັງຮຽນດົນຕີ ຢູ່ສະຫະ ພາບໂຊວຽດເກົ່າ. ພາບ: ເອກະສານ


ນັກດົນຕີ ໂດ໊ຮົ່ງກວນ ພ້ອມກັບພໍ່ຂອງຕົນແມ່ນນັກດົນຕີ ໂດ໊ຍ້ວນ (ຜູ້ນອກສຸດທາງເບື້ອງຊ້າຍ). ພາບ: ເອກະສານ


ນັກດົນຕີ ໂດ໊ຮົ່ງກວນ ທົດລອງບົດດົນຕີບົດໃໝ່ທີ່ ຕົນເອງປະດິດແຕ່ງຂຶ້ນ. ພາບ: ເຕິດເຊີນ


ນັກດົນຕີ ໂດ໊ຮົ່ງກວນ ເມື່ອເດືອນກັນຍາ 2015. ພາບ: ເຕິດເຊີນ
 

ຄັ້ງສະແດງສູ່ສາຍຕາມວນຊົນຂອງນັນດົນຕີ ໂດ໊ຮ່ົງກວນ ແມ່ນລາຍການ “ອິງຫຼາເອີຍ” ຢູ່ໂຮງໝໍລະສົບຮ່າໂນ້ຍ ໃນເມື່ອລາວຍັງເປັນເດັກ. ໃນເວລານັ້ນ, ຍ້ອນລາວນ້ອຍໂພດພໍ່ຂອງລາວຕ້ອງໄດ້ຍອງຕັ່ງວາງຕີນນ້ອຍສອງໜ່ວຍຂຶ້ນໃຫ້ມີລວງສູງພໍດີໃຫ້ລາວນັ່ງ ແລະ ຫຼິ້ນປີອາໂນ. ຫຼັງຈາກລາຍການສະແດງສິ້ນສຸດລົງ, ລາວເກືອບລົ້ມຍ້ອນກະວົນກະວາຍເຕັ້ນລົງທ່າມກາງສຽງຫົວ ແລະ ສຽງຕົບມື ຂອງທ່ານຜູ້ຟັງ.

ຫຼັງ 9 ປີບຳລຸງວິຊາຊີບຢູ່ສະຖາບັນ Tchaikovsky (ສະຫະ ພາບໂຊວ໋ຽດເກົ່າ), ປີ 1986, ນັກດົນຕີ ໂດ໊ຮົ່ງກວນ ໄດ້ກັບ ຄືນຫວຽດນາມ, ທ່ານເຮັດວຽກດ້ວຍຄວາມຈູບຈ້າວຫ້າວຫັນ  ແລະ ຍາດໄດ້ຜົນສຳເລັດໃນຂົງເຂດດົນຕີຂອງຕົນແມ່ນເລື່ອງບັນຍາກາດຂອງດົນຕີ. ລາວເປັນທີ່ຮູ້ຈັກ ເໝືອນ ດັ່ງຄົນທີ່ຂຽນສະເພາະກ່ຽວກັບດົນຕີຢູ່ຫວຽດນາມ. ມີບົດ ດົນຕີເປັນ ຈຳນວນຫຼາຍ ຂອງລາວໄດ້ກາຍເປັນຂີດໝາຍ ໃນຂົງເຂດດົນຕີ ຫວຽດນາມ ເຊັ່ນ: ບົດດົນຕີບາເລ “ຮົ່ງຮວາງ” (Primeval Age); ລະຄອນລຳ “ນາງຊາມີ” ອາລາບຳ  “ໃບໄມ້ໃບ ທຳອິດ” ຊຶ່ງຕ່າງກໍມີຮູບແບບ, ຈັງຫວະດົນຕົນຕີ ສະເພາະຕ່າງຫາກທີ່ບໍ່ສັບປົນຄົນເລໄດ້ ໃນສາງພິພິດທະພັນດົນຕີມູນເຊື້ອຂອງຫວຽດນາມ.



ພໍ່ຂອງນັກດົນຕີ ໂດ໊ຮົ່ງກວນແມ່ນອະດີດນັກດົນຕີ ໂດ໊ຍ້ວນ (1922 - 1991). ເພິ່ນເປັນເລຂາທິການໃຫຍ່ຜູ້ທຳອິດ ຂອງສະມາຄົມດົນຕີຫວຽດນາມ ສະໄຫມທີ I  ແລະ ທີ II  ປີ 1958 – 1983. ນັກດົນຕີໂດ໊ຍ້ວນ ເປັນໜຶ່ງໃນຈຳນວນ ນັກດົນຕີທີນຳໜ້າໃນຂົງເຂດດົນຕີປະຕິວັດ. ທັງຍັງເປັນນັກ ດົນຕີຫວຽດນາມຄົນທຳອິດສ້າງບົດ ໂອເປຣາ “ນາງຊາວ” (Aunt Sao) ແລະ ກໍທັງເປັນນັກປະດິດແຕ່ງໃນບົດ “ກອງຫຼອນແມ່ນ້ຳທາວ” ທີ່ຂຶ້ນຊື່ລືສຽງ.


ບົດ: ຖາວວີ - ພາບ: ເຕິດເຊີນ, ເອກະສານ