Lumi ມີບາດກ້າວຢ່າງແຂງແຮງໃນການຫັນເປັນຈິງຄວາມຝັນໃຫຍ່ຄື: ສ້າງເຄື່ອງໝາຍ ຫວຽດນາມ ໃນແຜນທີ່ IoTໂລກ,ກາຍເປັນເຄື່ອງໝາຍພາກພູມໃຈຂອງ ຫວຽດນາມ.
Lumi Smart Factory-ໂຮງງານຜະລິດອຸປະກອນ IoT/Smarthome ຫາກໍ່ໄດ້ເປີດນຳໃຊ້ຢູ່ເຂດ ອຸດສາຫະກໍາ ທັງລອງ 3-ບິ່ງຊວຽນ-ຫວິງຟຸກ. ນີ້ແມ່ນຄວາມພາກພູມໃຈຂອງຫວຽດນາມ ໃນຂົງເຂດຜະລິດອຸປະກອນ IoT ເທິງເວທີສາກົນ.
ພາບທັງໝົດຂອງໂຮງງານ Lumi Smart Factory, ຍີ່ຫໍ້ smarthome Make in Vietnam. ພາບ: ຫວຽດເກື່ອງ/VNP
ໂຮງງານ Lumi ໄດ້ເລີ່ມການກໍ່ສ້າງໃນຕົ້ນປີ 2022 ມີຂະໜາດ6000 ມ2 ດ້ວຍຍອດເງິນລົງທຶນກວ່າ100 ຕື້ດົ່ງ. ບໍ່ພຽງແຕ່ຜະລິດອຸປະກອນ smarthome ແລະ ອຸປະກອນ lighting (ແສງສະຫວ່າງ), Lumi Smart Factory ຍັງຜະລິດອຸປະກອນIoT ເຕັກໂນໂລຊີລະດັບສູງ, ສະໜອງການບໍລິການ ODM, OEM, EMS ໃຫ້ແກ່ຄູ່ຮ່ວມງານພາຍໃນ ແລະ ຕ່າງປະເທດ. ຕັ້ງແຕ່ເດືອນ ເມສາ 2024, ໂຮງງານ ໄດ້ເລີ່ມດໍາເນີນການ ເຄື່ອນໄຫວ ໂດຍກຳລັງຄວາມສາມາດໃນການອອກແບບເຖິງ1.000.000 ອຸປະກອນ smart home; 500.000 ອຸປະກອນ smart lighting ແລະ ຫຼາຍລ້ານອຸປະກອນ IoT ຕໍ່ປີ.
ໃນຖານະເປັນໂຮງງານຜະລິດອຸປະກອນ ເອເລັກໂຕຣນິກ ຊັ້ນນໍາຂອງ ຫວຽດນາມ ຕາມມາດຕະຖານສາກົນ, Lumi SmartFactory ມີລະບົບຄຸ້ມຄອງການຜະລິດແບບມືອາຊີບ. ບັນດາ ຕ່ອງໂສ້ຜະລິດໄດ້ລົງທຶນຕິດຕັ້ງລະບົບເຄື່ອງພິມທູບຈອດ, ເຄື່ອງຄີບສິ້ນສ່ວນອຸປະກອນ, ເຄື່ອງກວດກາ 3D ແບບອັດຕະໂນມັດ ຈາກ Yamaha - ຍີ່ຫໍ້ຊັ້ນນໍາ ຂອງ ຍີ່ປຸ່ນ; ເຕົາຈອດຄຸນນະພາບສູງ Heller ຂອງ ອາເມລິກາ ແລະ ບັນດາອຸປະກອນ, ອຸປະກອນ ໜູນຊ່ວຍ ອື່ນໆຈາກ ສ ອາເມລິກາ, ຍີ່ປຸ່ນ ແລະ ສ ເກົາຫຼີ.
ຜະລິດຕະພັນທັງໝົດຂອງ Lumi Smart Factory ເມື່ອສໍາເລັດແລ້ວ ລ້ວນແຕ່ຮັບປະກັນຄວາມຖືກຕ້ອງ, ຄວາມເຊື່ອຖື, ການດໍາເນີນງານທີ່ໝັ້ນຄົງ ແລະ ມີຄວາມງາມດີທີ່ສຸດ.
ທ່ານ ຫງວຽນດຶກຕ່າຍ, CEO Lumi ຫວຽດນາມໃຫ້ຮູ້ວ່າ: “ການເຂົ້າສູ່ຕະຫຼາດ smarthome ຫວຽດນາມ ໃນຂະນະທີ່ຍັງເລີ່ມຕົ້ນ ແມ່ນໂອກາດເພື່ອໃຫ້ພວກຂ້າພະເຈົ້າ ເປັນເຈົ້າໃນທ່າອ່ຽງຜະລິດອຸປະກອນ IoT ຢູ່ ຫວຽດນາມ. ຂ້າພະເຈົ້າເຊື່ອໝັ້ນວ່າ ໃນ 5-10 ປີຂ້າງໜ້າ, ພວກເຮົາຈະຮູ້ສຶກພາກພູມໃຈເມື່ອນຳໃຊ້ຜະລິດຕະພັນຂອງ ຫວຽດນາມ ຄື ຊາວ ສ ເກົາຫຼີ ແລະ ຍີ່ປຸ່ນ ພວມນຳໃຊ້ຜະລິດຕະພັນຂອງປະເທດເຂົາເຈົ້າ”.
ທ່ານ ບຸ່ຍເຖຢຸຍ, ຮອງລັດຖະມົນຕີກະຊວງວິທະຍາສາດ ແລະເຕັກໂນໂລຊີໄດ້ແບ່ງປັນຄວາມເຊື່ອໝັ້ນ ຕໍ່ການພັດທະນາໃນອະນາຄົດຂອງ Lumi ໃນຕະຫຼາດ IoT ທົ່ວໂລກວ່າ: “Lumi ໄດ້ ເລືອກເສັ້ນທາງທີ່ທ້າທາຍ ແລະ ໜັກໜ່ວງທີ່ສຸດ, ແຕ່ຂ້າພະເຈົ້າເຊື່ອວ່າ Lumi ຈະປະສົບຜົນສຳເລັດຄືກັບບັນດາບໍລິສັດລາຍໃຫຍ່ດ້ານເຕັກໂນໂລຊີໃນໂລກ, ກາຍເປັນຄວາມພາກພູມໃຈຂອງ ຫວຽດນາມ”.
ຄູ່ຮ່ວມງານ ແລະ ລູກຄ້າໄປຢ້ຽມຢາມໂຮງງານ Lumi Smart. ພາບ: ຫວຽດເກື່ອງ/VNP