ປະທານກຳມະການເອີລົບ ອູຊູລາ ວອນເດີ ເລີແຢນ ໄດ້ຖະແຫຼງເມື່ອວັນທີ 12 ມິຖຸນາວ່າ ສະຫະພາບເອີລົບຫຼື EU ວາງເປົ້າໝາຍສົ່ງອອກວັກຊີນກັນໂຄວິດ - 19 ຈຳນວນ 700 ລ້ານໂດສ ກ່ອນທ້າຍປີ 2021
ການຜະລິດວັດຊິນກັນໂຄວິດ-19 ຂອງລັດເຊຍ
ຕາມທ່ານນາງ ວອນເດີ ເລີແຢນ ແລ້ວມາຮອດປັດຈຸບັນ EU ໄດ້ປະກອບສ່ວນ 3 ຕື້ ເອີໂຣໃຫ້ແກ່ໂຄງການ ໂກວັກ ເຊິ່ງແມ່ນກົນໄກໂດຍອົງການອານະໄມໂລກລິເລີ່ມແນໃສ່ຮັບປະກັນວັກຊີນກັນໂຄວິດ - 19 ໃຫ້ແກ່ບັນດາປະເທດທີ່ມີລາຍຮັບຕ່ຳ. ນອກຈາກນັ້ນ EU ໄດ້ສົ່ງອອກວັກຊີນ 350 ລ້ານໂດສ ກວມເອົາເຄິ່ງໜຶ່ງປະລິມານວັກຊີນຂອງກຸ່ມ.
ໃນວັນດຽວກັນທ່ານຮອງປະທານາທິບໍດີ ສ. ເກົາຫຼີປະກາດວ່າ ປະທານາທິບໍດີ ມູນເຊອິນ ແລະ ນາຍົຍກລັດຖະມົນຕີເຢຍລະມັນ ອານເຊລາເມີແຄນ ໄດ້ເຫັນດີນຳກັນກ່ຽວກັບການຮ່ວມມືຜະລິດ ແລະ ສະໜອງວັກຊີນກັນໂຄວິດ - 19 ປະເພດຕ່າງໆ. ການນຳ ສ ເກົາ ແລະເຢຍລະມັນໄດ້ເຫັນດີນຳກັນຊອກຫາວິທີຮ່ວມມືແນໃສ່ຮັບປະກັນໃຫ້ທຸກປະເທດມີສິດສຳຜັດຢ່າງຍຸຕິທຳກັບວັກຊີນກັນໂຄວິດ - 19 ກໍ່ຄືເປີດກວ້າງການເຄື່ອນໄຫວຜະລິດ ແລະ ສະໜອງວັກຊີນ.
(ແຫຼ່ງຄັດຈາກ VOV)