ທ່ານປະທານປະເທດ ສະເໜີໃຫ້ແຂວງ ສືບຕໍ່ປົວແປງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງແຮງກວ່າອີກ; ຂຸດຄົ້ນກຳລັງ, ທ່າແຮງບົ່ມຊ້ອນຂອງທ້ອງຖິ່ນຕົນໃຫ້ດີກວ່າອີກ ເພື່ອບັນລຸລະດັບເຕີບໂຕທີ່ໄວກວ່າ.
ທ່ານປະທານປະເທດ ຫວຽດນາມ ຫງວຽນຊວັນຟຸກ ກ່າວຄຳເຫັນທີ່ການເຮັດວຽກ
ວັນທີ 17 ກຸມພາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ມີການເຮັດວຽກກັບຄະນະປະຈຳຄະນະພັກແຂວງ ກວ໋າງຫງາຍ. ກ່າວຄຳເຫັນຊີ້ນຳ, ທ່ານປະທານປະເທດ ຫງວຽນຊວັນຟຸກ ໄດ້ເນັ້ນໜັກເຖິງມູນເຊື້ອຂອງພໍ່ແມ່ປະຊາຊົນ ແລະ ເຂດດິນແດນທີ່ສະຫງ່າອົງອາດ ກວ໋າງຫງາຍ ໂດຍມີກຳລັງຄວາມສາມາດຂະໜາດໃຫຍ່ໃນຫຼາຍຂົງເຂດ; ພ້ອມທັງຕີລາຄາສູງໝາກຜົນ ເປັນແຂວງຢືນອັນດັບທີ 5 ໃນຂົງເຂດເສດຖະກິດພາກກາງ, ມີລະດັບການເຕີບສູງທີ່ສຸດໃນເຂດນີ້, ພິເສດແມ່ນຜົນງານໃນການເກັບລາຍຮັບເຂົ້າງົບປະມານ, ການສົ່ງອອກ, ການສ້າງຊົນນະບົດໃໝ່…
ເມື່ອເນັ້ນໜັ້ກເຖິງ 3 ເສົາຄ້ຳເສດຖະກິດ - ສັງຄົມ - ສະພາບແວດລ້ອມ, ທ່ານປະທານປະເທດ ສະເໜີໃຫ້ແຂວງ ສືບຕໍ່ປົວແປງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງແຮງກວ່າອີກ; ຂຸດຄົ້ນກຳລັງ, ທ່າແຮງບົ່ມຊ້ອນຂອງທ້ອງຖິ່ນຕົນໃຫ້ດີກວ່າອີກ ເພື່ອບັນລຸລະດັບເຕີບໂຕທີ່ໄວກວ່າ.
ເນື່ອງໃນໂອກາດນີ້, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ໄປຖະຫວາຍທູບທຽນ ແລະ ວາງພວງມາລາຢູ່ ເຂດຝັງສົບຂອງນັກປັນຍາຊົນຜູ້ຮັກຊາດ ຮວິ່ງທຸກຄ໊າງ ທີ່ຕັ້ງຢູ່ຈອມພູ ທຽນເອີນ ແລະ ມອບເຮືອນຈຳນວນ 150 ຫຼັງໃຫ້ແກ່ປະຊາຊົນເຜົ່າສ່ວນໜ້ອຍທີ່ປະສົບຄວາມຫຍຸ້ງຍາກຢູ່ແຂວງ ກວ໋າງຫງາຍ