ໄລ່​ຮອດ​ວັນ​ທີ 07 ມິ​ຖຸ​ນາ, ສ​ປ​.ກົງ​ໂກ ໄດ້​ຮັບ​ຮູ້​ 515 ກໍ​ລະ​ນີ​ຕິດ​ເຊື້ອ (ພ​າບ: REUTERS/Gradel Muyisa Mumbere)  

ວັນ​ທີ 8 ມິ​ຖຸ​ນາ, ອົງ​ການ​ອະ​ນາ​ໄມ​ໂລກ (WHO) ໃຫ້​ຮູ້​ວ່າ ໂລກ​ລະ​ບາດ Ebola ຢູ່ ສ​ປ. ກົງ​ໂກ ພວມ​ແຜ່​ລາມ​ອອ​ກ​ສູ່​ວົງ​ກວ້າງ, ຈຳ​ນວນ​ກໍ​ລະ​ນີ​ຕິດ​ເຊື້ອ​ນັບ​ມື້​ນັບ​ເພີ່ມ​ຂຶ້ນ, ຂອບ​ເຂດ​ພູ​ມີ​ສາດກວ້າງກວ່າ ແລະ ແຜ່​ລະ​ບາດ​ຂ້າມ​ຊາຍ​ແດນ​ໄປ​ຍັງ Uganda. ໃນລາຍ​ການ​ຂ່າວ​​ທີ່ອັບ​ເດັດຫຼ້າ​ສຸດ​ນີ້, ອົງ​ການ WHO ຕີ​ລາ​ຄາວ່າ​ປະ​ຈຸ​ບັນ, ຄວາມ​ສ່ຽງໃນ​ລະ​ດັບ “ສູ​ງ​ທີ່​ສຸດ” ​ແມ່ນສຳ​ລັບ ສ​ປ. ກົງ​ໂກ ແລະ ລະ​ດັບ “ສູງ” ​ສຳ​ລັບ Ugandaແລະບັນ​ດາ​ປະ​ເທດ​ບ້ານ​ໃກ້​ເຮືອນ​ຄຽງ​ທີ່​ມີ​ຊາຍ​ແດນ​ດິນ​ຕິດ​ຈອດ​ກັນ​ທາງ​ບົກ​ກັບ​ບັນ​ດາ​ເຂດ​ຖືກ​ຜົນ​ກະ​ທົບ, ແລະ ລະ​ດັບ “ຕ່ຳ” ສຳ​ລັບ​ບັນ​ດາ​ປະ​ເທດ​ຍັງ​ເຫຼືອ​ຢູ່​ ອາ​ຟະ​ລິ​ກາ ແລະ ໃນ​ທົ່ວ​ໂລກ.

ໄລ່​ຮອດ​ວັນ​ທີ 07 ມິ​ຖຸ​ນາ, ສ​ປ​.ກົງ​ໂກ ໄດ້​ຮັບ​ຮູ້​ 515 ກໍ​ລະ​ນີ​ຕິດ​ເຊື້ອ, ໃນ​ນັ້ນ ມີ 91 ກໍ​ລະ​ນີ​ເສຍ​ຊີ​ວິດ. Uganda ລາ​ຍ​ງານ​ວ່າ​ມີ 19 ກໍ​ລະ​ນີ​ຕິດ​ເຊື້ອ​, ໃນ​ນັ້ນ ມີ 2 ກໍ​ລະ​ນີ​ເສຍ​ຊີ​ວິດ. ປັດ​ຈຸ​ບັນ, WHO ພວມ​ສົມ​ທົບ​ກັບ​ອຳ​ນາດ​ການ​ປົກ​ຄອງ​ແຫ່ງ​ຊາດ ແລະ ບັນ​ດາ​ຄ່​ູ່​ຮ່ວມ​ມື​ເພື່ອປະ​ຕິ​ບັດບັນ​ດາມ​າດ​ຕະ​ການ​ຮັບ​ມື.