ແຂວງ ແຄ໋ງຮ່ວາ ພວມບຸກບືນເພື່ອກາຍເປັນສູນກາງພະລັງງານທົດແທນແຫ່ງໃໝ່ຂອງຫວຽດນາມ ໂດຍຜ່ານການຈັດຕັ້ງປະຕິບັດ ບັນດາມະຕິທີ່ສຳຄັນຂອງກົມການເມືອງຢ່າງເປັນຮູບປະທຳ. ດ້ວຍການ ລວບລວມເອົາ ບັນດາໂຄງການຍຸດທະສາດ ເຊັ່ນ: ໄຟຟ້າພະລັງງານລົມ, ພະລັງງານແສງຕາເວັນ ແລະ ໂດຍສະເພາະແມ່ນໂຮງໄຟຟ້ານິວເຄຼຍແຫ່ງສະຕະວັດ, ແຂວງ ແຄ໋ງຮ່ວາ ບໍ່ພຽງແຕ່ຮັບປະກັນຄວາມໝັ້ນຄົງທາງດ້ານພະລັງງານແຫ່ງຊາດເທົ່ານັ້ນ ແຕ່ຍັງສ້າງກຳລັງຊຸກຍູ້ອັນແຂງແຮງ ໃຫ້ແກ່ການພັດທະນາເສດຖະກິດ-ສັງຄົມ ແບບຍືນຍົງໃນອະນາຄົດ.
ປະຕິບັດມະຕິເລກທີ 70-NQ/TW ລົງວັນທີ 20 ສິງຫາ 2025 ຂອງກົມການເມືອງ (ສະໄໝທີ XIII) ວ່າດ້ວຍການຮັບປະກັນຄວາມໝັ້ນຄົງທາງດ້ານພະລັງງານແຫ່ງຊາດ ຮອດປີ 2030 ແລະ ວິໄສທັດຮອດປີ 2045, ແຂວງ ແຄ໋ງຮ່ວາ ໄດ້ ເປັນເຈົ້າການກວດຄືນ, ລວບລວມເອົາ ບັນດາເປົ້າໝາຍ ແລະ ໜ້າທີ່ເຂົ້າໃນການວາງແຜນຜັງ, ແຜນພັດທະນາເສດຖະກິດ-ສັງຄົມ. ເປົ້າໝາຍທີ່ມຸ່ງໄປເຖິງແມ່ນເຮັດໃຫ້ ແຄ໋ງຮ່ວາ ກາຍເປັນສູນກາງພະລັງງານທົດແທນຂອງທົ່ວປະເທດ, ໂດຍສະເພາະແມ່ນການຜັນຂະຫຍາຍປະຕິບັດສອງໂຄງການແຫ່ງສະຕະວັດ ຄື: ໂຮງໄຟຟ້ານິວເຄຼຍ ນິງທ້ວນ 1 ແລະ ນິງທ້ວນ 2.
ຟາມພະລັງງານແສງຕາເວັນ Gelex ນິງທ້ວນ ໄດ້ຮັບການລົງທຶນຢູ່ຕາແສງ ເຟືອກຢິງ (ແຂວງ ແຄ໋ງຮ່ວາ). ພາບ: ຫງວຽນແທ່ງ – VNA
ໂຄງການໄຟຟ້າພະລັງງານລົມ ແລະ ພະລັງງານແສງຕາເວັນ ໄດ້ຮັບການລົງທຶນຢູ່ຕາແສງ ເຟືອກຢິງ (ແຂວງ ແຄ໋ງຮ່ວາ). ພາບ: ຫງວຽນແທ່ງ – VNA
ກວດກາການດຳເນີນງານທີ່ປອດໄພຂອງລະບົບສົ່ງໄຟຟ້າ ຢູ່ສະຖານີ ໝໍ້ແປງໄຟ 220kV ນິງເຟືອກ ແລະ ສາຍສົ່ງເຊື່ອມຕໍ່ (ຕາແສງ ເຟືອກຫືວ, ແຂວງ ແຄ໋ງຮ່ວາ). ພາບ: VNA
ເຂດບ້ານ ຫວີງເຈື່ອງ (ຕາແສງ ເຟືອກຢິງ, ແຂວງ ແຄ໋ງຮ່ວາ) ນອນໃນແຜນຜັງການກໍ່ສ້າງໂຄງການ ໂຮງໄຟຟ້ານິວເຄຼຍ ນິງທ້ວນ 1. ພາບ: ຫງວຽນແທ່ງ – VNA
ທ່ານຮອງນາຍົກລັດຖະມົນຕີ ບຸ່ຍແທັງເຊີນ ຢ້ຽມຢາມຖາມຂ່າວປະຊາຊົນຢູ່ເຂດໂຄງການຍົກຍ້າຍຈັດສັນ ເພື່ອກໍ່ສ້າງໂຮງໄຟຟ້ານິວເຄຼຍ ນິງທ້ວນ 1 (ຕາແສງ ເຟືອກຢິງ, ແຂວງ ແຄ໋ງຮ່ວາ) ໃນວັນທີ 15 ມັງກອນ 2026. ພາບ: ຫງວຽນແທ່ງ – VNA