ຕອນຄໍ່າວັນທີ 7 ພຶດສະພາ, ຢູ່ນະຄອນ ເຊີນລາ, ແຂວງເຊີນລາ ຂອງຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 60 ປີ ແຫ່ງວັນປະທານໂຮ່ຈີມິນ ແລະ ຄະນະປະຕິບັດງານ ຂອງສູນກາງ ລົງຢ້ຽມຢາມ, ໂອ້ລົມສົນທະນາກັບພໍ່ແມ່ພີ່ນ້ອງບັນດາເຜົ່າເຂດໄຕບັກ; ພ້ອມທັງຈັດພິທີເປີດສະຫຼອງ ອະນຸສາວະລີ ປະທານໂຮ່ຈີມິນ ກັບພໍ່ແມ່ພີ່ນ້ອງບັນດາເຜົ່າເຂດໄຕບັກ.
ລາຍການສະແດງສິລະປະ ດ້ວຍຫົວຂໍ້ວ່າ “ໄຕບັກ - ເຊີນລາ ຊື່ຂອງປະທານໂຮ່ຈີມິນ ຮຸ່ງເຮືອງໃສແຈ້ງຕະຫຼອດການ”.
ກ່ອນນີ້ 60 ປີ, ເນື່ອງໃນໂອກາດສະເຫຼີມສະຫຼອງ 5 ປີ ແຫ່ງວັນໄຊຊະນະດ້ຽນບຽນຝູ, 04 ປີ ແຫ່ງວັນສ້າງຕັ້ງເຂດປົກຄອງດ້ວຍຕົນເອງ ຜູ້ໄທ - ມົ້ງ; ວັນທີ 7 ພຶດສະພາ 1959, ອົງຄະນະພັກ, ອໍານາດການປົກຄອງ ແລະ ປະຊາຊົນບັນດາເຜົ່າເຂດ ໄຕບັກ ໄດ້ເປັນກຽດຕ້ອນຮັບ ປະທານໂຮ່ຈີມິນ ມາຢ້ຽມຢາມ ເມືອງທ້ວນເຈົາ, ເຊິ່ງແມ່ນເມືອງເອກຂອງເຂດເຂດປົກຄອງດ້ວຍຕົນເອງຜູ້ໄທ - ມົ້ງ ໃນຄາວນັ້ນ, ປະທານໂຮ່ຈີມິນ ໄດ້ໂອ້ລົມກັບພໍ່ແມ່ພີ່ນ້ອງ, ທະຫານ ແລະ ພະນັກງານ ຢ່າງສະໜິດສະໜົມ.
ທີ່ພິທີສະເຫຼີມສະຫຼອງ, ທ່ານ ກວ່າງວັນລ້າຍ, ຢູ່ຕາແສງ ກວຽດຖັ໊ງ, ນະຄອນເຊີນລາ ໄດ້ແບ່ງປັນວ່າ:
“ເພື່ອສະແດງຄວາມຮູ້ບຸນຄຸນຕໍ່ນໍ້າໃຈຂອງ ປະທານໂຮ່ຈີມິນ ທີ່ມີຕໍ່ພໍ່ແມ່ພີ່ນ້ອງບັນດາເຜົ່າເຂດໄຕບັກ, ພວກຂ້າພະເຈົ້າ ຍາມໃດກໍສາມັກຄີກັນ, ກໍ່ສ້າງເຂດ ໄຕບັກ ໃຫ້ກາຍເປັນໜ່ວຍໄຂ່ມຸກໃນພາຍໜ້າຂອງປະເທດຊາດ ແລະ ພວກຂ້າພະເຈົ້າຕັດສິນໃຈສູ້ຊົນກໍ່ສ້າງຄຸ້ມ, ໜ່ວຍ, ບ້ານວັດທະນະທໍາ ແລະ ເຮັດໃຫ້ນະຄອນ ເຊີນລາ ກ້າວຂຶ້ນໄປທັນກັບ ບັນດາແຂວງເຂດທົ່ງພຽງ”.
ທີ່ພິທີສະເຫຼີມສະຫຼອງ ໄດ້ດໍາເນີນລາຍການສະແດງສິລະປະ ດ້ວຍຫົວຂໍ້ວ່າ “ໄຕບັກ - ເຊີນລາ ຊື່ຂອງປະທານໂຮ່ຈີມິນ ຮຸ່ງເຮືອງໃສແຈ້ງຕະຫຼອດການ”.
(ແຫຼ່ງຄັດຈາກ VOV)