ປັດຈຸ​ບັນ, ຫໍພິພິທະ​ພັນ​ ເປັນ​ບ່ອນ​ວາງສະ​ແດງ​ວັດຖຸ​ພັນ ​ອັນ​ລ້ຳ​ຄ່າ​ກວ່າ 3.000 ສິ້ນ ​ທີ່​ກ່ຽວ​ພັນ​ເຖິງ​ ການ​ແພດ​ພື້ນ​ເມືອງ​ ຫວຽດນາມ ​ແຕ່​ສະ​ໄໝ​ຍຸກ​ຫີນ​ ມາ​ຮອດ​ປັດຈຸ​ບັນ ເຊັ່ນ: ມີດໃຊ້ ຊອຍຢາພື້ນ ເມືອງ, ເຄື່ອງຕັດ ແລະ ເຄື່ອງບົດຢາ ພື້ນເມືອງ ມີຮູບຄືເຮືອ ​ມີ​ອາຍຸ​ປະມານ 2.500 ປີ, ​ໃນ​ນັ້ນມີ​ມີດ ໃຊ້ຊອຍຢາພື້ນເມືອງ​ ຈຳນວນ​ໜຶ່ງ ​ໄດ້​ນຳ​ມາຈາກ ​ບ້ານ​ເກີດ ​ຂອງ​ ໝໍຢາທີ່ມີຊື່ສຽງສອງອົງຄື: ເຕ້ວຕິ້ງ ແລະ ຫາຍເຖື້ອງລ້ານອົງ-ເລຮື້ວຈາ໋ກ. 

ຊຸດສະສົມ ຊີງ, ເຄື່ອງຕຳ​ຢາ ​ແມ່ນ​ມີ​ເອກະລັກ​ສະ​ເພາະ, ​ໃນ​ນັ້ນ​ມີ ສາກ, ຄົກ, ຊີງ ແບບຕາເວັນອອກ, ຊີງ ແບບຕາເວັນຕົກ, ເຄື່ອງຂູດຢາ, ແປ້ນໄມ້, ກາຈໍ້າໄມ້ ສຳລັບພິມໃບສັ່ງຢາ ແລະ ໃບບິນ, ຊຸດຄົກສາກ ດ້ວຍຫີນ ຂອງຄົນ ຫວຽດ ໃນສະໄໝບູຮານ ເພື່ອປຸງແຕ່ງຢາ.  

ມີ​ຄວາມຫຼາກ​ຫຼາຍ​ທີ່​ສຸດ ແມ່ນຕ້ອງກ່າວເຖິງຊຸດສະສົມ ໝໍ້ຕົ້ມຢາ ​ທີ່ຖືກ​ເກັບກຳ​ມາ​ຈາກ ​ທ້ອງຖິ່ນຕ່າງໆ ໃນທົ່ວປະ​ເທດ​ຄື: ຮ່າ​ດົງ (ຮ່າ​ໂນ້ຍ), ໂຮ້ຍອານ (ແຂວງ ກວາງ​ນາມ), ລ໋າຍທຽວ (ແຂວງ ບິ່ງເຢືອງ)...

ຕັ້ງຢູ່ໃຈກາງຫໍພິພິທະພັນ ແມ່ນແທ່ນບູຊາ ບັນພະບຸລຸດອາຊີບ ການແພດສອງອົງຄື: ເຕ້ວຕິ້ງ ແລະ ຫາຍເຖື້ອງລ້ານອົງ. ທັງສອງ ດ້ານໄດ້ແຂວນປ້າຍ ໂຕໜັງສື, ຄໍາກອນ ດ້ວຍໄມ້ ຟອກຄຳປີວ ຄ້າຍຄືແທ່ນບູຊາ ບັນພະບຸລຸດ ຂອງບັນດາ ຄອບຄົວທີ່ຮັ່ງມີ ໃນສະໄໝກ່ອນ. ຢູ່​ເບື້ອງ​ຂວາ​ ​ແມ່ນຫ້ອງ ໝໍຢາ ທີ່ໂດ່ງດັງ ມີຊື່ສຽງ ຂອງ ຫວຽດນາມ 15 ອົງ ໃນລະຫວ່າງສະຕະວັດທີ XIII-XIX ທີ່ຟອກດ້ວຍ ຄຳປີວ.

ມາຍັງຫໍພິພິທະພັນ, ນັກທ່ອງທ່ຽວ ຍັງໄດ້ຮັບຊົມ ຜົນງານ “ຫວຽດ ນາມ ແບັກຢາອີ” ຊຶ່ງແມ່ນ ຮູບແກະສະຫຼັກໄມ້ ຈາລຶກ ຊື່ຂອງ 100 ທ່ານໝໍທີີ່ມີຊື່ສຽງ ແລະ ຜູ້ມີຄຸນງາມຄວາມດີ ກັບພື້ນຖານ ການແພດພື້ນເມືອງ ຫວຽດນາມ ນັບແຕ່ສະຕະວັດທີ XII-XX. ພົ້ນເດັ່ນທີສຸດແມ່ນພາບຝັງມຸກ ພັນລະນາກ່ຽວກັບອາຊີບ ການແພດພື້ນເມືອງໃນຊີວິດ ຂອງ ວົງຄະນາຍາດຊາວ ຫວຽດນາມ ຢູ່ຕະຫຼາດ ຖ໋ວດບັກ, ຕະຫຼາດ ເບັ໋ນແທ່ງ, ກຳແພງເມືອງ ເຫວ້, ໜອງເກືອມ ຊຶ່ງໄດ້ບັນທຶກໄວ້ໃນປຶ້ມສະຖິຕິ Guinness ຫວຽດນາມ... ເຈົ້າຂອງຫໍພິພິທະພັນ ຍັງໄດ້ຈັດກຸ່ມ ບັນດາຕົ້ນໄມ້ ເປັນຢາ, ສັດ, ບໍ່ແຮ່ ເພື່ອການຜະລິດຢາ ໃຫ້ເປັນລະບົບ, ​ມີ​ແບບແຜນ ​ແລະ ມີວິທະຍາສາດ. 

ພາຍຫຼັງ​ການ​ຢ້ຽມຢາມ, ທ່ານ​ ສາມາດ​ ເຂົ້າ​ຮ່ວມ​ໂດຍ​ກົງ​ໃນ​ຂະ​ບວນການປຸງແຕ່ງຢາ​ ເຊັ່ນ: ການ​ຊອຍ​ຢາ, ບົດ​ຢາ, ​ຊີມ​ລົດ​ຊາດຢາ ​ແລະ ​ບໍລິການຕ່າງໆ ​ໃນການກວດ, ປິ່ນປົວ​ພະຍາດ ແລະ ຂາຍ​ຢາແຜນຕາເວັນອອກ​ ຢູ່​ທີ່​ນີ້.

ນັກທ່ອງທ່ຽວ ຜ່ານປະສົບການຕົວຈິງ ກັບບັນດາຂັ້ນຕອນ ຈັດຢາ ຢູ່ຫ້ອງວາງສະແດງ ຢາແຜນບູຮານ.