ນັກລົງທຶນໄດ້ລະດົມຊັບພະຍາກອນມະນຸດ ແລະ ວັດຖຸອຸປະກອນຈຳນວນຫຼວງຫຼາຍ ເພື່ອດຳເນີນການກໍ່ສ້າງອາຄານຜູ້ໂດຍສານ VIP ຢູ່ໂຄງການສະໜາມບິນສາກົນ ຢາບິ່ງ. ພາບ: VNA  

ຕາມ​ແຜນ​ການ​ແລ້ວ, ອົງ​ການ​ຈັດ​ອັນ​ດັບ​ຄວາມ​ໄວ້​ເນື້ອ​ເຊື່ອ​ໃຈ​ສາ​ກົນ FTSE Russell ຈະ​ເລືອກໃນ​ຫຸ້ນ​ຫວຽດນາມ ແລະ ນຳ​ເຂົ້າ​ບ້ວງ​ດັດ​ຊະ​ນີລົງ​ທຶນ​ຂອງ​ອົງ​ການ​ນີ້​ຢ່າງ​ເປັນ​ທາງ​ການ ນັບ​ແຕ່​ທ້າຍ​ເດືອນ​ກັນ​ຍາ​ປີ​ນີ້. ນີ້​ແມ່​ນ​ໂອ​ກາດ​ເພື່ອ​ໃຫ້​ຕະຫຼາດຫຼັກ​ຊັບ ຫວຽດ​ນາມ ເພີ່ມທະ​ວີ​ການ​ດຶງ​ດູດ​ແຫຼ່ງ​ທຶນ​ສາ​ກົນ.

ວັນ​ທີ 21 ສິງ​ຫາ​ຜ່ານ​ມາ, FTSE Russell ໄດ້​ປະ​ກາດ​ໝາກ​ຜົນ​ຂອງ​ການ​ສຳຫຼວດກວ​ດາ​ໄລ​ຍະ​ເຄິ່ງ​ປີ ໃນ​ເດືອນ​ກັນ​ຍາ 2026 ຂອງ​​ປະ​ມວນດັດ​ຊະ​ນີ​ທຶນ​ຫຸ້ນສ່ວນ​ທົ່ວ​ໂລກ (FTSE). ຕາມ​ນັ້ນ​ແລ້ວ, 27 ໃນຫຸ້ນ​ຂອງ ຫວຽດ​ນາມ ໄດ້​ນຳ​ເຂົ້າ​ກຸ່ມ​ດັດ​ຊະ​ນີ​ທຶນ​ທົ່ວ​ຕະຫຼາດ (FTSE Emerging), ນັບ​ແຕ່​ວາ​ລະ​ທຸ​ລະ​ກຳ​ໃນ​ວັນ​ທີ 21 ກັນ​ຍາ, ກໍ່​ແມ່​ນ​ຈຸດ​ເວ​ລາ ຫວຽດ​ນາມ​ ຫັນ​ປ່ຽນ​ກາຍ​ເປັນ​ກຸ່ມ​ຕະຫຼາດ​ພົ້ນ​ເດັ່ນ​ ຂັ້ນ​ສອງ​ຢ່າງ​ເປັນ​ທາງ​ການ ຕາມ​ການ​ຕີ​ລາ​ຄາ​ຂອງ​ອົງ​ການ​ນີ້. ທ່ານ​ນາງ ຫງວຽນ​ທິ​ຮັ່ງ​ງາ, ຜູ້​ອຳ​ນວຍ​ການ​ໃຫຍ່​ບໍ​ລິ​ສັດ​ຄຸ້ມ​ຄອງກອງ​ທຶນ Vietcombank (VCBF), ໃຫ້​ຂໍ້​ສັງ​ເກດ​ວ່າ:

ຍົກ​ລະ​ດັບ​ດ້ານ​ໜຶ່ງ​ແມ່ນ​ຢັ້ງ​ຢືນ​ຕະຫຼາດ​ພວກ​ເຮົາ​ບັນ​ລຸ​ໄດ້​ບັນ​ດາ​ມາດ​ຖານ​ສຳ​ລັບ​ຕະຫຼາດ​ພົນ​ເດັ່ນ​ລະ​ດັບ​ສອງ. ທີ​ສອງ​ກໍ່​ແມ່ນ​ຄວາ​ມ​ມຸ່ງ​ຫວັງ​ກ່ຽວ​ກັບ​ແຫຼ່ງ​ທຶນ​ຕ່າງ​ປະ​ເທດ​ຈະເຂົ້າ​ມາ​ຕະຫຼາດ​ຫວຽດ​ນາມ. ຕົວ​ເລກ​ສະ​ແດງ​ໃຫ້​ເຫັນ​ວ່າ​ ບັນ​ດາ​ກອງ​ທຶນ​ຕ່າງໆ​ຈະ​ລົງ​ທຶນ​ເງິນ​ເກືອບ 2 ຕື້ USD ເຂົ້າ​ຕະຫຼາດ, ນີ້​ກໍ່​ແມ່ນ​ໂອ​ກາດ​ທີ່​​ໃຫຍ່ຫຼວງ​ເພື່ອ​ຍົກ​ລະ​ດັບ​ການ​ຊຳ​ລະ ແລະ ກຳ​ມະ​ສິດ​ຂອງ​ບັນ​ດາ​ນັກ​ລົງ​ທຶນ​ຕ່າງ​ປະ​ເທດ​ຢູ່​ຕະຫຼາດ​ຫວຽດ​ນາມ.