ທ່ານນາຍົກລັດຖະມົນຕີ ຟ້າມມິງຈິ໋ງ ເນັ້ນໜັກວ່າ ຄວາມສຳ ເລັດ ຂອງ ງານຕະຫຼາດນັດລະດູໃບໄມ້ຫຼົ່ນ ຄັ້ງທີ 1 -2025 ເປັນການຢືນຢັນວ່າ ຕະຫຼາດ ຫວຽດນາມ ບໍ່ພຽງແຕ່ດຶງດູດໃຈ ຍ້ອນຂະໜາດ ແລະ ຄວາມໄວ ຂອງ ການພັດທະນາເທົ່ານັ້ນ, ແຕ່ຍັງເປັນ “ຈຸດໝາຍປາຍທາງ” ທີ່ປອດໄພ, ເປັນມິດ, ເຕັມໄປດ້ວຍຄວາມຫວັງ ແລະ ໜ້າສົນໃຈ ສຳລັບນັກລົງທຶນ ສາກົນອີກດ້ວຍ.

ກ່າວຄຳເຫັນ ໃນພິທີປິດ, ທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ສະແດງຄວາມຂອບໃຈ ຕໍ່ຊຸມຊົນທຸລະກິດ, ປະຊາຊົນ ທົ່ວປະ ເທດ ແລະ ເພື່ອນມິດສາກົນ ທີ່ໄດ້ຮ່ວມເດີນທາງ ແລະ ແບ່ງປັນກັບພີ່ນ້ອງປະຊາຊົນ ຢູ່ເຂດໄພພິບັດ. ທ່ານນາຍົກລັດຖະມົນຕີເນັ້ນໜັກວ່າ: “ຈິດໃຈແຫ່ງມະນຸດສະທຳນີ້ ແມ່ນການສະແດງອອກ ທີ່ສູງສົ່ງທີ່ສຸດ ຂອງ ຄວາມຮັກຊາດ, ຄວາມສາມັກຄີ ພາຍໃນຊາດ, ເຊິ່ງເປັນກຳລັງແຮງພາຍໃນ ທີ່ຊ່ວຍໃຫ້ ຫວຽດນາມ ກ້າວໄປໄກ ແລະ ໝັ້ນຄົງກວ່າເກົ່າ”.

  ຕາມທ່ານນາຍົກລັດຖະມົນຕີ, ໃນຫົວຂໍ້ “ເຊື່ອມຕໍ່ຜູ້ຄົນກັບ ການ ຜະລິດ, ທຸລະກິດ”, ງານຕະຫຼາດນັດລະດູໃບໄມ້ຫຼົ່ນ ຄັ້ງທີ 1-2025 ບໍ່ພຽງແຕ່ ເປັນເວທີປຶກສາຫາລືສົ່ງເສີມການລົງທຶນ-ການ ຄ້າເທົ່ານັ້ນ, ແຕ່ຍັງເປັນ “ພື້ນທ່ີການຄ້າ ທ່ີແທ້ຈິງ”, ບ່ອນທີ່ຜູ້ຄົນ ຖືໃຫ້ເປັນໃຈກາງ ຂອງ ທຸກໆ ກິດຈະກຳ ການພັດທະນາ.

  ທ່ານ ຢືນຢັນວ່າ: “ງານຕະຫຼາດນັດ ແມ່ນງານບຸນ ຂອງ ເຕັກໂນໂລຊີ ສ້າງສັນ ແລະ ສິລະປະ ວັດທະນະທຳ - ບ່ອນທີ່ ການພັດ ທະນາ ເສດຖະກິດ ໄປຄຽງຄູ່ກັບ ການພັດທະນາ ວັດທະນະທຳ, ສັງຄົມ ແລະ ຜູ້ຄົນ”.

  ທ່ານນາຍົກລັດຖະມົນຕີ ກ່າວວ່າ ແຕ່ລະຮ້ານວາງສະແດງວ່າເປັນ “ສິ້ນສ່ວນໜຶ່ງ ຂອງ ວັດທະນະທຳ ຫວຽດນາມ”, ບອກເລົ່າເລື່ອງລາວ ກ່ຽວກັບຜະລິດຕະພັນ, ທ້ອງຖິ່ນ ແລະ ຜູ້ຄົນ-ຕັ້ງແຕ່ ເຕັກໂນໂລຊີສູງ, ພະລັງງານສີຂຽວ, ຜະລິດຕະພັນສ້າງສັນ ຈົນເຖິງສິນ ຄ້າພິເສດ ຂອງ ແຕ່ລະພາກພື້ນ. ຍີ່ຫໍ້ ຫວຽດນາມ ຈຳ ນວນຫຼາຍ ໄດ້ຮັບການຕີລາຄາສູງຈາກສາກົນ, ເປີດໂອກາດ ການສົ່ງອອກໃໝ່, ປະກອບສ່ວນຍົກລະດັບ ຮູບພາບ ສິນຄ້າ ຫວຽດນາມ ໃນຕະຫຼາດໂລກ.

ການນຳພັກ, ລັດ ມອບໃບຢັ້ງຢືນ ແລະ ສັນຍາລັກ ຍ້ອງຍໍ ໃຫ້ແກ່ບັນດາອົງການຈັດຕັ້ງ, ບໍລິສັດ ທີ່ໂດດເດັ່ນ.

* ຢືນຢັນຖານະ ຫວຽດນາມ ທີ່ຂະຫຍັນຂັນແຂງ ແລະ ເປັນມິດ

 ທ່ານນາຍົກລັດຖະມົນຕີ ກ່າວວ່າ ຄວາມສຳເລັດ ຂອງ ງານຕະ ຫຼາດນັດ ລະດູໃບໄມ້ຫຼົ່ນ ຄັ້ງທີ 1 - 2025 ໄດ້ຢັ້ງຢັນວ່າ ຕະຫຼາດ ຫວຽດນາມ ບໍ່ພຽງແຕ່ ດຶງດູດໃຈ ຍ້ອນຂະໜາດ ແລະ ຄວາມໄວ ຂອງ ການພັດທະນາເທົ່ານັ້ນ, ແຕ່ຍັງເປັນ ຈຸດໝາຍປາຍທາງທີ່ປອດໄພ, ເປັນມິດ ແລະ ເຕັມໄປດ້ວຍ ຄວາມຫວັງ ສໍາລັບນັກລົງທຶນສາກົນ.

  ງານຕະຫຼາດນັດແມ່ນສັນຍາລັກ ຂອງ ຈິດໃຈສາມັກຄີ, ຄວາມປາດຖະໜາ ໃນການພັດທະນາ ແລະ ຄວາມເຊື່ອໝັ້ນ ຕໍ່ ຫວຽດ ນາມ ທີ່ຂະຫຍັນຂັນແຂງ, ສ້າງສັນ ແລະ ກ້າວໄປສູ່ ອະນາຄົດ, ພ້ອມທັງຍົກຍ້ອງ ຄວາມພະຍາຍາມ ຂອງ ບັນດາຂະແໜງການ, ທ້ອງຖິ່ນ, ທຸລະກິດ ແລະ ປະຊາຊົນ ໃນການຈັດຕັ້ງ “ງານບຸນເສດຖະກິດ - ວັດທະນະທໍາ ທີ່ຫຼາກຫຼາຍສີສັນ”.

 

ໃນພິທີປິດ, ຄະນະຈັດຕັ້ງງານຕະຫຼາດນັດລະດູໃບໄມ້ຫຼົ່ນ ຄັ້ງທີ 1 - 2025 ໄດ້ສະແດງຄວາມຂອບໃຈ ແລະ ມອບ-ຮັບເຄື່ອງບໍລິ ຈາກ ເພື່ອຊ່ວຍເຫຼືອ ພີ່ນ້ອງປະຊາຊົນ ທີ່ໄດ້ຮັບຜົນກະທົບ ຈາກພາຍຸ-ນໍ້າຖ້ວມ, ໄພພິບັດທຳມະຊາດ ຢູ່ພາກກາງ ແລະ ເຂດພູດອຍທາງພາກເໜືອ ຕາມການຮຽກຮ້ອງ ຂອງ ທ່ານນາຍົກລັດ ຖະມົນຕີ ໃນພິທີເປີດງານຕະຫຼາດນັດ.

 

ເພື່ອສືບຕໍ່ຄວາມສໍາເລັດນີ້, ທ່ານນາຍົກລັດຖະມົນຕີ ໄດ້ມອບໃຫ້ ກະຊວງອຸດສາຫະກຳ ແລະ ການຄ້າ ເປັນເຈົ້າການ ໃນການສ້າງຮູບແບບ ການຈັດງານຕະຫຼາດນັດ ລະດູໃບໄມ້ຫຼົ່ນ ໃຫ້ເປັນ ປະຈຳປີ, ເປັນມືອາຊີບ ແລະ ທັນສະໄໝຍິ່ງຂຶ້ນ, ພ້ອມທັງສະເໜີ ແຜນການ ຈັດງານຕະຫຼາດນັດ ລະດູບານໃໝ່ ຄັ້ງທີ 1 - 2026.

  ທ່ານໄດ້ຮຽກຮ້ອງໃຫ້ບັນດາຂະແໜງການ, ທ້ອງຖິ່ນ ແລະ ທຸລະກິດ ຫັນຜົນການເຈລະຈາ ການຄ້າ ໃຫ້ເປັນໂຄງການຕົວຈິງ, ຂະ ຫຍາຍ ການຮ່ວມມື, ພັດທະນາແບບຍືນຍົງ ແລະ ສືບຕໍ່ ສະແດງ ຄວາມຮັບຜິດຊອບ ຕໍ່ສັງຄົມ ຜ່ານການຊ່ວຍເຫຼືອ ພີ່ນ້ອງປະຊາ ຊົນ ຢູ່ເຂດໄພພິບັດ.

  ທ່ານນາຍົກລັດຖະມົນຕີ ຍັງໄດ້ຮຽກຮ້ອງໃຫ້ຄູ່ຮ່ວມມືສາກົນ ສືບ ຕໍ່ຮ່ວມເດີນທາງກັບ ຫວຽດນາມ ໃນດ້ານການລົງທຶນ, ການຖ່າຍທອດເຕັກໂນໂລຊີ, ການຝຶກອົບຮົມບຸກຄະລາກອນ ແລະ ການພັດທະນາສີຂຽວ. ທ່ານນາຍົກລັດຖະມົນຕີ ເຊື່ອໝັ້ນວ່າ ການເຊື່ອມໂຍງການຮ່ວມມື, ແນວຄິດສ້າງສັນ ແລະ ຜະລິດຕະພັນ ທີ່ມີຍີ່ຫໍ້ ຫວຽດນາມ ຈະສືບຕໍ່ໄດ້ຮັບການປັບປຸງ, ກາຍເປັນແຫຼ່ງຊັບພະຍາກອນໃໝ່ ສຳລັບການເຕີບໂຕ ແລະ ການເຊື່ອມໂຍງ ຂອງ ປະເທດ.

 

ລາຍການສະແດງສິລະປະ ໃນພິທີປິດງານຕະຫຼາດນັດ ລະດູໃບໄມ້ຫຼົ່ນ ຄັ້ງທີ 1 - 2025.

 

ງານຕະຫຼາດນັດລະດູໃບໄມ້ຫຼົ່ນ ຄັ້ງທີ 1 - 2025 ໄດ້ປິດລົງ ດ້ວຍຕົວເລກທີ່ໜ້າປະທັບໃຈ, ຄຳໝັ້ນສັນຍາຮ່ວມມືທີ່ເຂັ້ມແຂງ ແລະ ຈິດໃຈທີ່ເຜີຍແຜ່ ຢ່າງແຂງແຮງ - ການເດີນທາງເຊື່ອມຕໍ່ລະ ຫວ່າງ ຜູ້ຄົນ, ຄວາມຄິດສ້າງສັນ ແລະ ການພັດທະນາ.

  ຈາກຄວາມສໍາເລັດ ຂອງ ລະດູໃບໄມ້ຫຼົ່ນ, ລະດູບານໃໝ່ ກຳລັງ ຈະເລີ່ມຕົ້ນ, ໝັ້ນໝາຍຈະສືບຕໍ່ ສ່ອງແສງ ແຫ່ງຄວາມປາດຖະໜາ ຂອງ ຫວຽດນາມ ເພື່ອເຮັດໃຫ້ປະເທດຊາດເຂັ້ມແຂງ, ວັດ ທະນາຖາວອນ, ສີວິໄລ ແລະ ມີຄວາມສຸກ ໃນຍຸກສະໄໝໃໝ່. 

ບົດ ແລະ ພາບໂດຍ: ເງິນຮ່່າ, ຫວຽດເກື່ີອງ - ແປໂດຍ: ບິກລຽນ