ຄະນະຜູ້ແທນຂັ້ນສູງກອງທັບປະຊາຊົນ ຫວຽດນາມ ໂດຍທ່ານພົນໂທ ຫງວຽນວັນເຫງຍ, ຮອງເສນາທິການໃຫຍ່ກອງທັບປະຊາຊົນ ຫວຽດນາມ ເປັນຫົວໜ້າຄະນະ ໄດ້ເຂົ້າຮ່ວມກອງປະຊຸມຜູ້ບັນຊາການກອງທະຫານບົກບັນດາປະເທດ ອາຊຽນ ຄັ້ງທີ 26 (ACMM-26) ຢູ່ ສິງກະໂປ ນັບແຕ່ວັນທີ 25 – 28 ພະຈິກ.
ການພົບປະສອງຝ່າຍລະຫວ່າງຜູ້ບັນຊາການທະຫານບົກ ຫວຽດນາມ ແລະ ໄທ (ພາບ: TTXVN)
ເມື່ອກ່າວຄຳເຫັນທີ່ກອງປະຊຸມ ດ້ວຍຫົວຂໍ້ “ສ້າງການຮ່ວມມືໃນພາກພື້ນໃນການຊ່ວຍເຫຼືອມະນຸດສະທຳ ແລະ ກູ້ໄພພິບັດ”, ທ່ານພົນໂທ ຫງວຽນວັນເຫງຍ ໄດ້ແບ່ງປັນບັນດາບົດຮຽນປະສົບການຂອງກອງທັບປະຊາຊົນ ຫວຽດນາມ ໃນການຮັບມືກັບໄພພິບັດທຳມະຊາດ, ພ້ອມທັງຢັ້ງຢືນວ່າ ແມ່ນສະມາຊິກທີ່ມີຄວາມຮັບຜິດຊອບຂອງປະຊາຄົມສາກົນ ແລະ ອາຊຽນ, ກອງທັບປະຊາຊົນ ຫວຽດນາມ ໄດ້, ພວມ ແລະ ຈະສືບຕໍ່ເຂົ້າຮ່ວມບັນດາການເຄື່ອນໄຫວຮ່ວມມືລະຫວ່າງກອງທັບບັນດາປະເທດ ອາຊຽນ ເວົ້າລວມ ແລະ ລະຫວ່າງກອງທະຫານບົກບັນດາປະເທດ ອາຊຽນ ເວົ້າສະເພາະ ເພື່ອຮັບມືກັບທຸກສິ່ງທ້າທາຍຢ່າງມີປະສິດທິຜົນ, ເພື່ອພາກພື້ນສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງ.