ດ້ວຍການຜະລິດສຳເລັດຊຸດ kit ບົ່ງມະຕິພະຍາດໂຄວິດ - 19, ຫວຽດນາມ ໄດ້ກາຍເປັນໜຶ່ງໃນບັນດາປະເທດເປັນເຈົ້າຂອງເຕັກໂນໂລຢີດັ່ງກ່າວ.
(ພາບປະກອບ: ກະຊວງສາທາລະນະສຸກ)
ຫວ່າງມໍ່ໆມານີ້, ຊຸດ kit ບົ່ງມະຕິພະຍາດດັ່ງກ່າວ ຂອງຫວຽດນາມ ໄດ້ຮັບການຢັ້ງຢືນວ່າບັນລຸມາດຕະຖານຄຸນນະພາບ ຈາກອົງການອະນາໄມໂລກ ແລະ ໄດ້ຮັບໃບຢັ້ງຢືນບັນລຸມາດຕະຖານເອີຣົບ ຈາກ ລາຊະອານາຈັກອັງກິດ ພ້ອມທັງໄດ້ຮັບໃບຢັ້ງຢືນໃຫ້ນຳໃຊ້ຊຸດ kit ດັ່ງກ່າວ, ທ່ານ ສາດສະດາຈານ, ປະລິນຍາເອກ ເລແບັກກວາງ ຖືວ່າ ຊຸດ kit ບົ່ງມະຕິພະຍາດໂຄວິດ - 19 ຂອງຫວຽດນາມ ຈະສົ່ງອອກໄປຍັງບັນດາປະເທດໃນໂລກໄດ້ຢ່າງງ່າຍດາຍ, ແລະໄກກວ່ານັ້ນ, ຈາກຜົນສຳເລັດດັ່ງກ່າວ, ຍັງເປີດກາລະໂອກາດໃຫ້ບັນດາຜະລິດຕະພັນຢາຊີວະພາບບົ່ງມະຕິພະຍາດອື່ນໆດ້ວຍ “made in Vietnam” ໄປຍັງຕະຫຼາດສາກົນ ອີກດ້ວຍ.
“ເລື່ອງຫວຽດນາມ ໄດ້ຮັບການຕີລາຄາສູງຕໍ່ຊຸດ kit ດັ່ງກ່າວເປັນການໄດ້ສະແດງໃຫ້ເຫັນວ່າ ລະດັບຄົ້ນຄວ້າຂອງຫວຽດນາມກໍບໍ່ໜ້ອຍໜ້າກວ່າບັນດາປະເທດພັດທະນາ. ສິ່ງດັ່ງກ່າວກໍສະແດງໃຫ້ເຫັນວ່າ, ຖ້າຫາກວ່າພວກເຮົາມີການປະສົມປະສານລະຫວ່າງບັນດານັກວິທະຍາສາດກັບ ຜູ້ຄຸ້ມຄອງ ແລະ ວິສາຫະກິດ ພວກເຮົາມີກຳລັງຄວາມສາມາດຢ່າງພຽງພໍ ເພື່ອສົ່ງອອກບັນດາຊຸດຢາຊີວະພາບ ຊ່ວຍບົ່ງມະຕິພະຍາດຕ່າງໆໄດ້ຢ່າງວ່ອງໄວ”.
(ແຫຼ່ງຄັດຈາກ VOV)