ເນື່ອງໃນໂອກາດສະເຫຼີມສະຫຼອງ 81 ປີແຫ່ງວັນຊາດ ຫວຽດນາມ (02 ກັນຍາ 1945 – 02 ກັນຍາ 2026), ວັນທີ 04 ກັນຍາ, ທ່ານ ກາລະມຸງຄຸນ ສຸພານຸວົງ, ເອກອັກຄະລັດທູດ ລາວ ປະຈຳ ຝລັ່ງ ໄດ້ໄປອວຍພອນພະນັກງານ, ພາລະກອນສະຖານທູດ ແລະ ບັນດາອົງການຜູ້ຕາງໜ້າ ຫວຽດນາມ ປະຈຳ ຝລັ່ງ.
ທ່ານເອກອັກຄະລັດຖະທູດ ກາລະມຸງຄຸນ ສຸພານຸວົງ ກ່າວຄຳເຫັນອວຍພອນ (ພາບ: VNA)
ເນື່ອງໃນໂອກາດສະເຫຼີມສະຫຼອງ 81 ປີແຫ່ງວັນຊາດ ຫວຽດນາມ (02 ກັນຍາ 1945 – 02 ກັນຍາ 2026), ວັນທີ 04 ກັນຍາ, ທ່ານ ກາລະມຸງຄຸນ ສຸພານຸວົງ, ເອກອັກຄະລັດທູດ ລາວ ປະຈຳ ຝລັ່ງ ໄດ້ໄປອວຍພອນພະນັກງານ, ພາລະກອນສະຖານທູດ ແລະ ບັນດາອົງການຜູ້ຕາງໜ້າ ຫວຽດນາມ ປະຈຳ ຝລັ່ງ.
ທ່ານເອກອັກຄະລັດຖະທູດ ກາລະມຸງຄຸນ ສຸພານຸວົງ, ໄດ້ຢືນຢັນຄວາມຕັດສິນໃຈປົກຮັກສາ ແລະ ເພີ່ມພູນຄູນສ້າງນ້ຳໃຈມິດຕະພາບແບບພິເສດ, ຄວາມສາມັກຄີ ແລະ ຄວາມສະໜິດຕິດພັນລະຫວ່າງ 2 ປະເທດ. ທ່ານໄດ້ຕີລາຄາສູງບັນດາບາດກ້າວຂອງ ຫວຽດນາມ ໃນບັນດາຂົງເຂດເສດຖະກິດ, ການຄ້າ, ກະສິກຳ, ນະວັດຕະກຳ ແລະ ເຕັກໂນໂລຊີຂອງ ຫວຽດນາມ, ພ້ອມທັງເຊື່ອໝັ້ນວ່າ ຫວຽດນາມ ຈະສືບຕໍ່ພັດທະນາຢ່າງແຮງ ແລະ ນັບມື້ນັບຢືນຢັນບົດບາດອັນສຳຄັນຢູ່ພາກພື້ນ.
ສ່ວນທ່ານ ຈິ້ງດຶກຫາຍ, ເອກອັກຄະລັດຖະທູດ ຫວຽດນາມ ປະຈຳ ຝລັ່ງ ໃຫ້ຮູ້ວ່າ ໃນຫຼາຍປີຜ່ານມາ, ສະຖານທູດ 2 ປະເທດໄດ້ຮັກສາມູນເຊື້ອພົບປະ, ອວຍພອນໃຫ້ແກ່ກັນເນື່ອງໃນໂອກາດວັນຊາດຂອງແຕ່ລະປະເທດ, ຜ່ານນັ້ນ, ກໍ່ປະກອບສ່ວນເພີ່ມພູນຄູນສ້າງນ້ຳໃຈມິດຕະພາບແບບພິເສດ ແລະ ຄວາມສະໜິດຕິດພັນລະຫວ່າງ ຫວຽດນາມ ແລະ ລາວ.