ສະແດງຄວາມເສຍໃຈຢ່າງສຸດຊຶ້ງ, ສະຫາຍນາຍົກລັດຖະມົນຕີ ຟ້າມມິງຈິ໋ງ ເນັ້ນຢໍ້າວ່າ ການຈາກໄປຂອງ ສະຫາຍ ຄໍາໄຕ ສີພັນດອນ ເປັນການສູນເສຍອັນໃຫຍ່ຫຼວງຂອງພັກ, ລັດ ແລະ ປະຊາຊົນ ລາວ.
ສະຫາຍນາຍົກລັດຖະມົນຕີ ຟ້າມມິງຈິ໋ງ ໄປວາງພວງມາລາ ໄວ້ອາໄລ ສະຫາຍ ຄໍາໄຕ ສີພັນດອນ. ພາບ: ເຢືອງຢາງ/VNA
ໃນຕອນເຊົ້າຂອງວັນທີ 4 ເມສາ, ກໍາມະການກົມການເມືອງ, ສະຫາຍນາຍົກລັດຖະມົນຕີ ຟ້າມມິງຈິ໋ງ ໄດ້ນໍາພາຄະນະຜູ້ແທນຂັ້ນສູງຂອງລັດຖະບານ ຫວຽດນາມ ເດີນທາງໄປທີ່ສະຖານທູດ ສາທາລະນະລັດ ປະຊາທິປະໄຕ ປະຊາຊົນ ລາວ ປະຈໍາ ຮ່າໂນ້ຍ ເພື່ອ ວາງພວງມາລາ ໄວ້ອາໄລ ອະດີດປະທານພັກປະຊາຊົນປະຕິວັດ ລາວ, ອະດີດປະທານປະເທດ, ອະດີດນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ຄໍາໄຕ ສີພັນດອນ.
ກ່ອນໜ້ານັ້ນ, ໃນວັນທີ 3 ເມສາ, ສະຫາຍນາຍົກລັດຖະມົນຕີ ຟ້າມມິງຈິ໋ງ ໄດ້ສົ່ງໂທລະເລກສະແດງຄວາມເສຍໃຈເຖິງ ສະຫາຍ ສອນໄຊ ສີພັນດອນ, ນາຍົກລັດຖະມົນຕີ ລາວ, ກ່ຽວກັບການຈາກໄປຂອງຜູ້ເປັນພໍ່ຂອງສະຫາຍນາຍົກລັດຖະມົນຕີ, ສະຫາຍ ຄໍາໄຕ ສີພັນດອນ, ອະດີດປະທານພັກປະຊາຊົນປະຕິວັດ ລາວ, ອະດີດປະທານປະເທດ, ອະດີດນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ, ຜູ້ທີ່ໄດ້ເຖິງແກ່ມໍລະນະກໍາໃນວັນທີ 2 ເມສາ 2025.