ນັບແຕ່ເວລາ 18 ໂມງ ຂອງວັນທີ 2 ກຸມພາ ຫາເວລາ 6 ໂມງຂອງວັນທີ 3 ກຸມພາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ໃນຊຸມຊົນ ຕື່ມອີກ 9 ກໍລະນີ.
ເອົາຕົວຢ່າງກວດຫາເຊື້ອໄວຣັດ SARS - CoV - 2 ຢູ່ແຂວງ ກວ໋າງນິງ (ພາບ: TTXVN)
ນັບແຕ່ເວລາ 18 ໂມງ ຂອງວັນທີ 2 ກຸມພາ ຫາເວລາ 6 ໂມງຂອງວັນທີ 3 ກຸມພາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ໃນຊຸມຊົນ ຕື່ມອີກ 9 ກໍລະນີ, ໃນນັ້ນ ຢູ່ ຫາຍເຢືອງ 2 ກໍລະນີ, ຮ່າໂນ້ຍ 1 ກໍລະນີ, ຢາລາຍ 04 ກໍລະນີ ແລະ ບິ່ງເຢືອງ 2 ກໍລະນີ. ເປັນອັນວ່າ, ຫວຽດນາມ ມີຜູ້ຕິດເຊື້ອໂຄວິດ - 19 ລວມທັງໝົດ 1891 ກໍລະນີ. ໄລ່ຮອດປັດຈຸບັນ, ຫວຽດນາມ ໄດ້ປິ່ນປົ່ວຫາຍດີ 1.416 ກໍລະນີ ແລະ ມີ 35 ກໍລະນີ ເສຍຊີວິດ.
ສ່ວນຢູ່ໃນໂລກ, ຕາມເວັບໄຊສະຖິຕິ worldmeters.info ແລ້ວ, ໄລ່ຮອດເວລາ 1 ໂມງຂອງວັນທີ 3 ກຸມພາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອໂຄວິດ - 19 ກວ່າ 104.372.113 ຄົນ, ໃນນັ້ນ ມີ 2.261.970 ຄົນ ເສຍຊີວິດ. ໄລ່ຮອດປັດຈຸບັນ, ອາເມລິກາ ມີ 457.822 ກໍລະນີເສຍຊີວິດ ໃນຈຳນວນ 27.023.425 ກໍລະນີຕິດເຊື້ອ. ຢືນອັນດັບທີ 2 ໃນໂລກ ແມ່ນ ອິນເດຍ, ຖັດຈາກນັ້ນ ແມ່ນ ບຣາຊິນ.
(ແຫຼ່ງຄັດຈາກ VOV)