ທ່ານ ຮສ.ປອ ນາງ ຫງວຽນທິລານແອັງ ແມ່ນຄົນຫວຽດນາມທຳອິດທີ່ຮັບດຳລົງຕຳແໜ່ງສຳຄັນນີ້ໃນຕະຫຼອດໄລຍະ 30 ປີແຫ່ງການສ້າງຕັ້ງ ແລະ ພັດທະນາ ITLOS, ເຊິ່ງໄດ້ສ້າງບາດກ້າວເດີນໃນປະຫວັດສາດຂອງ ຫວຽດນາມ ໃນຄວາມມານະພະຍາຍາມເຂົ້າຮ່ວມບັນດາລະບອບລະບຽບການສິດພິພາກສາສາກົນ.
ຜູ້ພິພາກສາ ຫງວຽນທິລານແອັງ ເຂົ້າສາບານຕົວຮັບດຳລົງຕຳແໜ່ງຢູ່ ສານສາກົນກ່ຽວກັບກົດໝາຍວ່າດ້ວຍທະເລ (ພາບ: VNA)
ວັນທີ 1 ຕຸລາ, ທ່ານ ຮສ.ປອ ນາງ ຫງວຽນທິລານແອັງ ຂອງ ຫວຽດນາມ ແລະ ຜູ້ພິພາກສາທີ່ໄດ້ຮັບການເລືອກຕັ້ງຈາກບັນດາປະເທດຄື Ghana, Brazil, Tunisia ແລະ ອິນເດຍ ໄດ້ເຂົ້າພິທີສາບານຕົວຮັບດຳລົງຕຳແໜ່ງຢູ່ສານສາກົນ ກ່ຽວກັບກົດໝາຍວ່າດ້ວຍທະເລ (ITLOS) ຢູ່ນະຄອນ Hamburg, ເຢຍລະມັນ.
ທ່ານ ຮສ.ປອ ນາງ ຫງວຽນທິລານແອັງ ແມ່ນຄົນຫວຽດນາມທຳອິດທີ່ຮັບດຳລົງຕຳແໜ່ງສຳຄັນນີ້ໃນຕະຫຼອດໄລຍະ 30 ປີແຫ່ງການສ້າງຕັ້ງ ແລະ ພັດທະນາ ITLOS, ເຊິ່ງໄດ້ສ້າງບາດກ້າວເດີນໃນປະຫວັດສາດຂອງ ຫວຽດນາມ ໃນຄວາມມານະພະຍາຍາມເຂົ້າຮ່ວມບັນດາລະບອບລະບຽບການສິດພິພາກສາສາກົນ.
ກ່ອນໜ້ານັ້ນ, ຢູ່ກອງປະຊຸມຄັ້ງທີ 36 ຂອງບັນດາປະເທດສະມາຊິກ ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລ (UNCLOS), ດຳເນີນຢູ່ນະຄອນ ນິວຢອກ (ອາເມລິກາ) ຈັດຂຶ້ນໃນວັນທີ 18 ມິຖຸນາ 2026, ທ່ານ ຮສ.ປອ ນາງ ຫງວຽນທິລານແອັງ ໄດ້ຮັບການເລືອກຕັ້ງດຳລົງຕຳແໜ່ງຜູ້ພິພາກສາ ITLOS ອາຍຸການ 2026 – 2035 ຢູ່ຮອບປ່ອນບັດທຳອິດ ດ້ວຍຈຳນວນບັດເຫັນດີຢູ່ລະດັບສູງທີ່ສຸດໃນພາກພື້ນ ອາຊີ - ປາຊີຟິກ. ເລື່ອງເປັນຄັ້ງທຳອິດທີ່ ຫວຽດນາມ ມີຜູ້ພິພາກສາຢູ່ ITLOS ສະແດງໃຫ້ເຫັນການຮັບຮູ້ ແລະ ຕີລາຄາສູງຂອງປະຊາຄົມສາກົນ ຕໍ່ຄວາມສາມາດດ້ານວິຊາການຂອງ ນັກຊ່ຽວຊານດ້ານນິຕິກຳ ຫວຽດນາມ ກໍ່ຄືບົດບາດ ແລະ ການປະກອບສ່ວນຂອງ ຫວຽດນາມ ໃນການຊຸກຍູ້ການເຄົາລົບກົດໝາຍສາກົນ.