ວຽກງານຄົ້ນຫານາຍທະຫານທີ່ຫາຍສາບສູນຂອງ ຫວຽດນາມ - ອາເມລິກາ ປະກອບສ່ວນຮຳບາດແຜສົງຄາມ, ປັບປຸງຄວາມໄວ້ເນື້ອເຊື່ອໃຈ ແລະ ຊຸກຍູ້ການໄກ່ເກ່ຍປອງດອງລະຫວ່າງ 2 ຊາດ.
ທ່ານ ຫງວຽນກວັກຢຸງ ເອກອັກຄະລັດຖະທູດ ຫວຽດນາມ ປະຈຳ ອາເມລິກາ (ພາບ: VNA)
ຜ່ານຂໍ້ລິເລີ່ມການຊອກຫານາຍທະຫານ ຫວຽດນາມ ທີ່ຫາຍສາຍສູນໃນປາງສົງຄາມ, ສະຖານທູດ ຫວຽດນາມ ປະຈຳ ອາເມລິກາ ພວມຕັ້ງໜ້າຊຸກຍູ້ການເຊື່ອມຕໍ່ເອກະສານ, ຂໍ້ມູນ, ພະຍານຫຼັກຖານ ແລະ ເຕັກໂນໂລຢີຮັບໃຊ້ວຽກງານຄົ້ນຫາ, ທ້ອນໂຮມ, ຢັ້ງຢືນຊື່ ແລະ ນາມສະກຸນອັດຖິນັກຮົບເສຍສະຫຼະຊີວິດເພື່ອຊາດ.
ວຽກງານຄົ້ນຫານາຍທະຫານທີ່ຫາຍສາບສູນຂອງ ຫວຽດນາມ - ອາເມລິກາ ປະກອບສ່ວນຮຳບາດແຜສົງຄາມ, ປັບປຸງຄວາມໄວ້ເນື້ອເຊື່ອໃຈ ແລະ ຊຸກຍູ້ການໄກ່ເກ່ຍປອງດອງລະຫວ່າງ 2 ຊາດ. ນີ້ແມ່ນຄຳຢັ້ງຢືນຂອງທ່ານ ຫງວຽນກວັກຢຸງ ເອກອັກຄະລັດຖະທູດ ຫວຽດນາມ ປະຈຳ ອາເມລິກາ ໃນການຕອບສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ.
ທ່ານເອກອັກຄະລັດຖະທູດ ຫງວຽນກວັກຢຸງ ໃຫ້ຮູ້ວ່າ ບົນພື້ນຖານບົດບັນທຶກຊ່ວຍຈຳກ່ຽວກັບຂໍ້ລິເລີ່ມໃນການຄົ້ນຫານາຍທະຫານ ຫວຽດນາມ ທີ່ຫາຍສາບສູນໃນປາງສົງຄາມ, ໂດຍກະຊວງປ້ອງກັນປະເທດຂອງສອງປະເທດ ລົງນາມໃນປີ 2021, ສິ້ນສຸດປີການເງິນປີ 2025, ຝ່າຍ ອາເມລິກາ ໄດ້ສະໜອງເອກະສານ 46 ຊຸດໃຫ້ແກ່ ຫວຽດນາມ, ຫວຽດນາມ ໄດ້ຮັບ, ກວດຢັ້ງຢືນເອກະສານ 45 ຊຸດ. ທ່ານເອກອັກຄະລັດຖະທູດ ໄດ້ເນັ້ນໜັ້ກວ່າ ໃນຂອບເຂດບັ້ນການເຄື່ອນໄຫວ 500 ວັນ ແລະ ຄືນ, ສະຖານທູດ ຫວຽດນາມ ປະຈຳ ອາເມລິກາ ໄດ້ສຸມໃສ່ຂົນຂວາຍວົງການການເມືອງ ອາເມລິກາ, ເຊື່ອມຕໍ່ກັບບັນດາອົງການເກັບກຳສຳເນົາເອກະສານ, ມະຫາວິທະຍາໄລ, ອົງການນັກຮົບເກົ່າ ແລະ ຂົງເຂດວິສາຫະກິດເພື່ອເປີດກວ້າງແຫຼ່ງຂໍ້ມູນ, ໝູນໃຊ້ເຕັກໂນໂລຢີ ແລະ ຊຸກຍູ້ການຮ່ວມມືຢ່າງແທ້ຈິງ.