ໃນໄລຍະຜ່ານມາ ທາງນະຄອນໄດ້ມີຄວາມມານະພະຍາຍາມຫຼາຍຢ່າງ, ແຕ່ກໍ່ຕ້ອງມານະພະຍາຍາມກວ່າອີກ ເພື່ອແຍກຕົວຜູ້ຕິດເຊື້ອ F0 ອອກຈາກຊຸມຊົນ.
(ທ່ານຮອງນາຍົກລັດຖະມົນຕີ ຫວູດຶກດາມ)
ຕອນບ່າຍວັນທີ 19 ກໍລະກົດ, ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ-19 ໄດ້ເຮັດວຽກກັບນະຄອນ ໂຮ່ຈີມິນ ກ່ຽວກັບວຽກງານຮັບມືກັບໂລກລະບາດ ແລະ ບັນຫາສັກວັກຊິນ.
ຕາມທ່ານຮອງນາຍົກລັດຖະມົນຕີ ຫວູດຶກດາມ ແລ້ວ, ໃນໄລຍະຜ່ານມາ ທາງນະຄອນໄດ້ມີຄວາມມານະພະຍາຍາມຫຼາຍຢ່າງ, ແຕ່ກໍ່ຕ້ອງມານະພະຍາຍາມກວ່າອີກ ເພື່ອແຍກຕົວຜູ້ຕິດເຊື້ອ F0 ອອກຈາກຊຸມຊົນ. ທາງນະຄອນກໍ່ກະກຽມບັນດາສູນຮັບຜູ້ຕິດເຊື້ອພະຍາດໂຄວິດ-19 F0 ດ້ວຍຈຳນວນຫຼາຍ. ກ່ຽວກັບວຽກງານວິໄຈຫາເຊື້ອຢູ່ນະຄອນ ໂຮ່ຈີມິນ, ສິ່ງທ້າທາຍໃຫຍ່ສຸດຂອງນະຄອນແມ່ນເຮັດແນວໃດຫຼຸດຜ່ອນອັດຕາຜູ້ຕິດເຊື້ອ F0 ທີ່ມີອາການເຈັບໜັກ. ທາງນະຄອນກໍ່ກະກຽມໃຫ້ແກ່ກໍລະນີຜູ້ຕິດເຊື້ອ F0 ສືບຕໍ່ເພີ່ມຂຶ້ນເຖິງວ່າໄດ້ມີມາດຕະການໃຫ້ອອກໂຮງໝໍສຳລັບ F0 ທີ່ບໍ່ມີຄວາມສ່ຽງຜິດແປດສູ່ຊຸມຊົນ.
ທ່ານຮອງນາຍົກລັດຖະມົນຕີເນັ້ນໜັກວ່າ, ລັດຖະບານໄດ້ຊີ້ນຳໃຫ້ກະຊວງສາທາລະນະສຸກ ຮີບເຮັ່ງນຳໃຊ້ບັນດາກົນໄກຊື້ປະກອບພາຫະນະອຸປະກອນພິເສດ, ບົນຈິດໃຈສ້າງເງື່ອນໄຂຢ່າງສຸດຂີດໃຫ້ແກ່ແນວໜ້າໃນການປ້ອງກັນ, ຕ້ານໂລກລະບາດ, ຮັບປະກັນໃຫ້ບັນດາເຂດປິ່ນປົ່ວຄົນເຈັບໜັກ.
(ແຫຼ່ງຄັດຈາກ VOV)