ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ຕີລາຄາສູງຕໍ່ການພົວພັນ ຄູ່ຮ່ວມມືຮອບດ້ານລະຫວ່າງ ຫວຽດນາມ - ການາດາ
ທ່ານເລຂາທິການໃຫຍ່, ປະທານປະເທດ ໂຕເລີມ, ຢູ່ສະໜາມບິນ Macdonald-Cartier, ນະຄອນຫຼວງ Ottawa. (ພາບ: VNA)
ຕອນຄ່ຳວັນທີ 25 ກັນຍາ (ຕາມເວລາທ້ອງຖິ່ນ), ເຮືອບິນພິເສດທີ່ນຳສົ່ງທ່ານ ໂຕເລີມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງອອກຈາກນະຄອນຫຼວງ Ottawa, ສິ້ນສຸດການຢ້ຽມຢາມທາງລັດຖະກິດ ການາດາ ຢ່າງຈົບງາມ, ຕາມຄຳເຊີນຂອງ ທ່ານນາງ Louise Arbour ຜູ້ສຳເລັດລາດຊະການ ການາດາ.
ທ່ານເລຂາທິການໃຫຍ່, ປະທານປະເທດ ໂຕເລີມ, ເຂົ້າຮ່ວມ ແລະ ກ່າວຄຳເຫັນທີ່ການໂອ້ລົມສົນທະນາຂັ້ນສູງວິສາຫະກິດ ຫວຽດນາມ-ການາດາ (ພາບ: VNA)
ກ່ອນໜ້ານັ້ນ, ໂດຍການເຂົ້າຮ່ວມ ແລະ ກ່າວຄຳເຫັນທີ່ການໂອ້ລົມສົນທະນາຂັ້ນສູງວິສາຫະກິດ ຫວຽດນາມ-ການາດາ ຈັດຂຶ້ນໃນວັນດຽວກັນຢູ່ Ottawa, ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ຕີລາຄາສູງຕໍ່ການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ - ການາດາ, ພ້ອມກັນນັ້ນກໍ່ໄດ້ເນັ້ນໜັກເຖິງບົດບາດຂອງສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ໃນການຊຸກຍູ້ການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງສອງປະເທດ. ທ່ານເລຂາທິການໃຫຍ່, ປະທານປະເທດ ໂຕເລີມ ຢືນຢັນວ່າ:
“ຫວຽດນາມ ບໍ່ພຽງແຕ່ຊອກຫານັກລົງທຶນໃຫ້ແກ່ບັນດາໂຄງການທີ່ມີຢູ່ແລ້ວເທົ່ານັ້ນ. ພວກຂ້າພະເຈົ້າພວມຊອກຫາຄູ່ຮ່ວມງານທີ່ສາມາດພ້ອມກັບ ຫວຽດນາມ ສ້າງບັນດາໂຄງການທີ່ດີພໍເພືື່ອສາມາດລົງທຶນ ແລະ ລະດົມແຫຼ່ງທຶນໄລຍະຍາວ. ພ້ອມກັນນັ້ນ, ຂ້າພະເຈົ້າກໍ່ມີຄວາມປາດຖະໜາເປັນພິເສດຢາກເພີ່ມທະວີການຮ່ວມມືດ້ານເຕັກໂນໂລຢີສູງ. ພວກຂ້າພະເຈົ້າສົ່ງເສີມບັນດາວິສາຫະກິດ ການາດາ ລົງທຶນບໍ່ພຽງແຕ່ເຂົ້າໃນຊັບສິນທີ່ເປັນຮູບປະທຳເທົ່ານັ້ນ, ຫາກຍັງເຂົ້າໃນດ້ານ ເຕັກໂນໂລຢີ, ການຄົ້ນຄວ້າ ແລະ ພັດທະນາ, ຂໍ້ມູນ, ບັນດາຂະແໜງອຸດສາຫະກຳທີ່ມີຄວາມສາມາດຍົກສະມັດຕະພາບຂອງພື້ນຖານເສດຖະກິດອີກດ້ວຍ”.
ທ່ານເລຂາທິການໃຫຍ່, ປະທານປະເທດ ໂຕເລີມ ຕ້ອນຮັບ ທ່ານ Ian L. Edwards, ປະທານ, ທັງເປັນຜູ້ອຳນວຍການໃຫຍ່ຝ່າຍບໍລິຫານຂອງ AtkinsRéalis (ພາບ: VNA)
ແລະກໍ່ໃນຂອບເຂດການຢ້ຽມຢາມທາງລັດຖະກິດ ການາດາ, ຕອນບ່າຍວັນທີ 25 ກັນຍາ (ຕາມເວລາທ້ອງຖິ່ນ), ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ຕ້ອນຮັບຜູ້ຕາງໜ້າວິສາຫະກິດ, ກຸ່ມບໍລິສັດ ແລະ ຄູ່ຮ່ວມຮ່ວມມືຈຳນວນໜຶ່ງຢູ່ ການາດາ.
ທີ່ການຕ້ອນຮັບທ່ານ Ian L. Edwards, ປະທານ, ທັງເປັນຜູ້ອຳນວຍການໃຫຍ່ຝ່າຍບໍລິຫານຂອງ AtkinsRéalis, ທ່ານເລຂາທິການໃຫຍ່, ປະທານປະເທດ ໂຕເລີມ ສະເໜີໃຫ້ກຸ່ມບໍລິສັດເຮັດແຈ້ງຄວາມສາມາດການຮ່ວມມື, ການຖ່າຍທອດເຕັກໂນໂລຊີ, ການຫັນເປັນພາຍໃນ ແລະ ບຳລຸງສ້າງແຫຼ່ງຊັບພະຍາກອນມະນຸດໃນໂຄງການໄຟຟ້ານິວເຄຼຍຂອງ ຫວຽດນາມ, ບົນຫຼັກການຄວາມປອດໄພແມ່ນຄວາມຮຽກຮ້ອງສູງສຸດ.
ທີ່ການຕ້ອນຮັບທ່ານສາດສະດາຈານ Graham Carr, ຜູ້ອຳນວຍການມະຫາວິທະຍາໄລ Concordia, ທ່ານເລຂາທິການໃຫຍ່, ປະທານປະເທດ ໂຕເລີມ ປາດຖະໜາຢາກນຳການສຶກສາ, ວິທະຍາສາດ - ເຕັກໂນໂລຊີ, ນະວັດຕະກໍາ ໃຫ້ກາຍເປັນເປັນເສົາຄໍ້າຂອງການຮ່ວມມືລະຫວ່າງ ຫວຽດນາມ ແລະ ການາດາ.
ກ່າວຄຳເຫັນທີ່ການຕ້ອນຮັບສະມາຄົມມິດຕະພາບ ການາດາ-ຫວຽດນາມ, ທ່ານເລຂາທິການໃຫຍ່, ປະທານປະເທດ ໂຕເລີມ ສະເໜີໃຫ້ສະມາຄົມເສີມຂະຫຍາຍບົດບາດເປັນຂົວເຊື່ອມຕໍ່ລະຫວ່າງປະຊາຊົນສອງປະເທດ, ເພີ່ມທະວີການແນະນຳໂຄສະນາກ່ຽວກັບ ຫວຽດນາມ ຢູ່ ການາດາ ແລະ ການາດາ ຢູ່ ຫວຽດນາມ.