ທີ່ພິທີໄຫວ້ອາໄລ, ປົງອັດຖິນັກຮົບເສຍສະຫຼະຊີວິດເພື່ອຊາດ (ພາບ: VNA)

ຕອນເຊົ້າວັນທີ 15 ຕຸລາ, ຄະນະພັກແຂວງ, ສະພາປະຊາຊົນແຂວງ, ຄະນະກຳມະການປະຊາຊົນແຂວງ, ຄະນະກຳມະການແນວໂຮມປະເທດຊາດແຂວງ ຕວຽນກວາງ ໄດ້ຈັດພິທີໄຫວ້ອາໄລ, ປົງອັດຖິນັກຮົບເສຍສະຫຼະຊີວິດເພື່ອ​ຊາດ 93 ອັດ​ຖິ ​ຢູ່​ເຂດສຸສານນັກຮົບ​ເສຍ​ສະ​ຫຼ​ະ​ຊີ​ວິດ​ເພື່ອ​ຊາດ ວິຊວຽນ.

ໃນ​ບັ້ນ​ເຄື່ອນ​ໄຫວ 500 ວັນ ແລະ ຄືນ​ຊອກຫາ, ​ທ້ອນ​ໂຮມ ແລະ ​ຢັ້ງ​ຢືນ​ຊື່ ແລະ ນາມ​ສະ​ກຸນ​ນັກ​ຮົບ​ເສຍ​ສະ​ຫຼະ​ຊີ​ວິດ​ເພື່ອ​ຊາດ, ມາ​ຮອດ​ປະ​ຈຸ​ບັນ ບັນ​ດາກຳລັງ​ໃນ​ບໍ​ລິ​ເວນ​ແຂວງ ຕວຽນກວາງ ໄດ້​ຊອກຫາ, ​ທ້ອນ​ໂຮມອັດຖິນັກຮົບເສຍສະຫຼະຊີວິດເພື່ອ​ຊາດ 149 ອັດ​ຖິ, ໃນນັ້ນມີອັດຖິນັກຮົບເສຍສະຫຼະຊີວິດເພື່ອ​ຊາດ 148 ອັດ​ຖິທີ່ເສຍ​ສະ​ຫຼະຊີວິດໃນການຕໍ່ສູ້ເພື່ອປົກປ້ອງຊາຍແດນທາງພາກເໜືອ ແລະ ນັກຮົບ​ເສຍ​ສະ​ຫຼະ​ຊີ​ວິດ​ເພື່ອ​ຊາດ 1 ຄົນ ທີ່ເສຍສະ​ຫຼະຊີວິດໃນການຕໍ່ສູ້ຕ້ານ​ພວກ​ລ່າ​ເມືອງຂຶ້ນ ຝລັ່ງ. ໃນຈຳ​ນວນນັ້ນ, ມີອັດຖິນັກຮົບເສຍສະຫຼະຊີວິດເພື່ອ​ຊາດ 5 ອັດຖິທີ່ມີຂໍ້ມູນຄົບຖ້ວນ ແລະ ໄດ້ມອບໃຫ້ບັນ​ດາທ້ອງຖິ່ນ ​ພ້ອມ​ກັບຄອບຄົວ​ຕາມ​ຄວາມ​ມຸ່ງ​ຫວັງຂອງ​ຍາດ​ຕິ​ພີ່​ນ້ອງ.

ບົດ​ກ່າ​ວ​ໄວ້​ອາ​ໄລ​ທີ່​ພິ​ທີຂອງ ທ່ານ ຟານຮຸຍງອກ, ປະທານຄະນະກຳ​ມະ​ການ​ປະ​ຊາ​ຊົນແຂວງ ຕວຽນກວາງ, ໄດ້​ດັງ​ຂຶ້ນເຕັມໄປດ້ວຍຄວາມຕື້ນຕັນໃຈ ແລະ ສະຫງ່າງາມ:

"ເລືອດເນື້ອຂອງພວກ​ອ້າຍໄດ້ເຈືອ​ຈານ​ເຂົ້າ​ກັບ​ດິນ​ແດນປະເທດຊາດ, ປະ​ກອບ​ສ່ວນເຂົ້າໃນການປົກ​ປັກ​ຮັກ​ສາອະທິປະໄຕ​ທີ່ສັກ​ກະ​ລະ​ບູ​ຊາ​ຂອງປະເທດຊາດ, ​ຂຽນ​​ໜ້າ​ປະ​ຫວັດ​ສາດທີ່ຮຸ່ງເຮືອງຂອງຊາດ ແລະ ເສີມຂະຫຍາຍຄຸນນະພາບ​ອັນ​ສູງ​ສົ່ງ​ຂອງທະຫານລຸງໂຮ່. ການເສຍສະຫຼະ​ຊີ​ວິດອັນ​ສູ​ງ​ສົ່ງນີ້ຈະຖືກຈົດຈຳໄວ້ຕະຫຼອດໄປ​ໃນລຸ້ນ​​ຄົນປະ​ຈຸ​ບັນ ແລະ ​ອະ​ນາ​ຄົດ."