ວັນທີ 22 ຕຸລາ, ຢູ່ດ່ານຊາຍແດນສາກົນ ລອງເຊີບ, ແຂວງ ເຊີນລາ, ໄດ້ດຳເນີນງານພົບປະແລກປ່ຽນມິດຕະພາບການປ້ອງກັນຊາຍແດນ ຫວຽດນາມ - ລາວ ຄັ້ງທີ 2.
ທ່ານພົນໂທ ວຽງໄຊ ສຸລິວົງ, ທີ່ປຶກສາຝ່າຍທະຫານລາວ ປະຈຳ ຫວຽດນາມ ກ່າວຄຳເຫັນທີ່ພິທີ (ພາບ: qdnd.vn)
ໃນຂອບເຂດການພົບປະແລກປ່ຽນ ມີການເຄື່ອນໄຫວປູກຕົ້ນໄມ້ມິດຕະພາບ; ຮັບຊົມການຊ້ອມຮົບປະສານສົມທົບກັນຈັບອາດຊະຍາກຳຂ້າມຊາຍແດນ; ເຂົ້າຮ່ວມພິທີເປີດນຳໃຊ້ກິດຈະກຳເຂດຫ້ອງຮຽນຂອງໂຮງຮຽນປະຖົມ - ມັດທະຍົມຕອນຕົ້ນ ລອງເຊີບ; ການໂອ້ລົມສົນທະນາລະຫວ່າງສອງຄະນະ ແລະ ລົງນາມໃນເອກະສານຮ່ວມມື; ພົບປະແລກປ່ຽນວຽກງານການເມືອງ ແລະ ນາຍທະຫານໜຸ່ມກອງທັບສອງປະເທດດ້ວຍຮູບແບບຫັນເປັນເວທີ… ທ່ານພົນໂທ ວຽງໄຊ ສຸລິວົງ, ທີ່ປຶກສາຝ່າຍທະຫານລາວ ປະຈຳ ຫວຽດນາມ, ຢັ້ງຢືນວ່າ:
“ງານພົບປະແລກປ່ຽນມິດຕະພາບປ້ອງກັນຊາຍແດນ ລາວ - ຫວຽດນາມ ຄັ້ງນີ້ ແມ່ນຄັ້ງທີ 2 ແລະ ເປັນໜຶ່ງໃນບັນດາກິດຈະກຳພົວພັນຕ່າງປະເທດປ້ອງກັນຊາດສອງຝ່າຍທີ່ມີຄວາມສຳຄັນແຖວໜ້າຂອງສອງປະເທດໃນປີ 2024 ແລະ ມີຄວາມໝາຍຄວາມສຳຄັນເພື່ອສືບຕໍ່ຈັດຕັ້ງ ແລະ ຜັນຂະຫຍາຍປະຕິບັດບັນດາເນື້ອໃນຂອງແຜນການຮ່ວມມືລະຫວ່າງສອງກະຊວງປ້ອງກັນປະເທດ. ພ້ອມດຽວກັນນັ້ນ, ກໍ່ສືບຕໍ່ເສີມຂະຫຍາຍມູນເຊື້ອສາມັກຄີ ແລະ ການຮ່ວມມືຮອບດ້ານລະຫວ່າງສອງພັກ, ສອງກອງທັບ ຫວຽດນາມ - ລາວ ໃຫ້ນັບມື້ນັບແໜ້ນແຟ້ນ ແລະ ພັດທະນາຢ່າງແຮງ”.