ບ້ານ ຂວຍກີ ມີເຮືອນຮ້ານດ້ວຍຫີນ 14 ຫຼັງ ຢູ່ໃນພື້ນທີ່ ກວ້າງປະມານ 10.000 ຕາລາງແມັດ, ຫຼັງອີງໃສ່ພູຫີນ, ຕໍ່ ໜ້າແມ່ນຫ້ວຍນຳ້ ຂວຍກີ. ພາບ: VNP

ຊາວເຜົ່າ ໄຕ່ ຢູ່ ຂວຍກີ ມີຄວາມຕິດພັນກັບຕົ້ນເຂົ້າ, ເຂົາເຈົ້າຕາກເຂົ້າເປືອກ ຢູ່ເທິງ ຫຼັງຄາເຮືອນຮ້ານດ້ວຍຫີນ ຫຼັງລະດູການເກັບກ່ຽວ. ພາບ: VNP

ຊົນເຜົ່າໄຕ່ຢູ່ທີ່ນີ້ ມີຄວາມເຊື່ອຖືບູຊາຫີນ ແລະ ຖືວ່າຫີນເປັນສິ່ງສັກສິດຄືກັບເທບພະເຈົ້າ ທີ່ຊ່ວຍປົກປ້ອງຄຸ້ມຄອງເຂົາເຈົ້າຈາກໄພທຳມະຊາດ. ຫີນໄດ້ຖືກນຳໃຊ້ຢ່າງຫຼາກຫຼາຍໃນຊີວິດປະຈຳວັນ ເຊັ່ນ: ກໍ່ສ້າງເຮືອນ, ເຮັດຮົ້ວ, ຄົກຫີນ ແລະ ເຕົາໄຟ. ບັນດາຫຼັງເຮືອນທີ່ກໍ່ດ້ວຍຫີນນັ້ນ ມີຄວາມໝັ້ນຄົງຖາວອນ ເໝືອນດັ່ງປ້ອມປາການ.

ບັນຍາກາດ ຢູ່ຕໍ່ໜ້າ ເຮືອນຮ້ານດ້ວຍຫີນ ຂອງຊາວ ເຜົ່າ ຂວຍກີ. ພາບ: VNP

ບັນດາກໍາແພງຫີນ ມີຮ່ອງຮອຍຂອງການເວລາ ຢູ່ ບ້ານ ຂວຍກີ. ສະໄໝສັກດິນາ, ຊາວເຜົ່າ ໄຕ່ ຢູ່ ຂວຍກີ ຖືບັນດາ ຫຼັງເຮືອນຮ້ານດ້ວຍຫີນ ເໝືອນດັ່ງປ້ອມໝັ້ນ ເພື່ອຕ້ານກັບ ການປຸ້ນຈີ້, ທຳລາຍ ຂອງສັດຕູ. ພາບ: VNP

ບ້ານ ຂວຍກີ ຕັ້ງຢູ່ໃກ້ກັບຕາດ ບານໂຢກ, ປະກອບມີເຮືອນຮ້ານ 14 ຫຼັງ ຕັ້ງລຽບຕາມຕີນພູ. ຕໍ່ໜ້າບ້ານມີຫ້ວຍນ້ຳໄຫຼຜ່ານ ແລະ ທົ່ງນາທີ່ອຸດົມສົມບູນ. ຖ້າມາຍາມເຂົ້າສຸກ, ນັກທ່ອງທ່ຽວຈະໄດ້ເຫັນທົ່ງນາສີເຫຼືອງເໝືອນດັ່ງຜືນພົມຄຳ ທ່າມກາງບັນຍາກາດຂອງພູຜາປ່າດົງທີ່ສວຍງາມ.

ບັນດາຂັ້ນໄດຫີນ ຂຶ້ນເທິງເຮືອນຮ້ານ ຢູ່ ບ້ານ ຂວຍກີ. ພາບ: VNP

ບັນດາປ່ອງຢ້ຽມ ເຮືອນຮ້ານດ້ວຍຫີນ ຢູ່ ບ້ານ ຂວຍກີ. ພາບ: VNP

ບັນດາເຮືອນຮ້ານຫີນບູຮານນີ້ ໄດ້ກາຍເປັນສັນຍາລັກດ້ານວັດທະນະທຳທີ່ເປັນເອກະລັກ ແລະ ຊ້ອນແຝງຮີດຄອງປະເພນີທີ່ໄດ້ສືບທອດກັນມາຫຼາຍເຊັ່ນຄົນ. ປັດຈຸບັນ, ຂວຍກີ ໄດ້ຮັບການຮັບຮອງເປັນ "ໝູ່ບ້ານວັດທະນະທຳມູນເຊື້ອ ທີ່ເປັນຕົວແທນຂອງຊົນເຜົ່າສ່ວນໜ້ອຍ" ໂດຍກະຊວງວັດທະນະທຳ-ກິລາ ແລະ ທ່ອງທ່ຽວ ຫວຽດນາມ.