(ພິທີເປີດນຳໃຊ້ສຳນັກງານບໍລິຫານໃໝ່ຂອງສະພາແຫ່ງຊາດ ກຳປູເຈຍ)

ຕອນຄ່ຳວັນທີ 21 ພະຈິກ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝີ້ນ, ທ່ານນາງປະທານສະພາແຫ່ງຊາດ ກຳປູເຈຍ Samdech Khuon Sudary ໄດ້ເຂົ້າຮ່ວມພິທີເປີດນຳໃຊ້ສຳນັກງານບໍລິຫານໃໝ່ຂອງສະພາແຫ່ງຊາດ ກຳປູເຈຍ. ນີ້ແມ່ນກິດຈະກຳເປັນສັນຍາລັກຂອງນ້ຳໃຈສາມັກຄີ, ມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ກຳປູເຈຍ ເຊິ່ງພັກ, ລັດ ແລະ ປະຊາຊົນ ຫວຽດນາມ ມອບໃຫ້.

        ຢູ່ທີ່ນີ້, 2 ຝ່າຍເຫັນດີນຳກັນໂດຍຖືວ່າ, ເລື່ອງກິດຈະກຳໄດ້ນຳເຂົ້າເຄື່ອນໄຫວໂດຍໄວ ແລະ ນຳໃຊ້ຢ່າງມີປະສິດທິຜົນຈະປະກອບສ່ວນໜູນຊ່ວຍສະພາແຫ່ງຊາດ ກຳປູເຈຍ ປະຕິບັດພາລະໜ້າທີ່ເປັນຜູ້ຕາງໜ້າໃຫ້ເຈດຈຳນົງ, ຄວາມມຸ່ງມາດປາດຖະໜາຂອງປະຊາຊົນໃຫ້ເປັນຢ່າງດີກວ່າ, ປະກອບສ່ວນໃຫ້ແກ່ການສ້າງສາປະເທດ ກຳປູເຈຍ ໃຫ້ນັບມື້ນັບຈະເລີນຮຸ່ງເຮືອງ, ວັດທະນາຖາວອນ, ກໍຄືການປັບປຸງ, ພັດທະນາຢ່າງຮອບດ້ານ, ຍືນຍົງ, ຍາວນານລະຫວ່າງ 2 ອົງການນິຕິບັນຍັດ ຫວຽດນາມ - ກຳປູເຈຍ.

        ກ່າວຄຳເຫັນທີ່ພິທີ, ທ່ານນາງປະທານສະພາແຫ່ງຊາດ ກຳປູເຈຍ ໃຫ້ຮູ້ວ່າ, ຕຶກສຳນັກງານບໍລິຫານໃໝ່ນີ້ໄດ້ປະກອບສ່ວນເຂົ້າໃນຄວາມຕ້ອງການປະຕິຮູບການຄຸ້ມຄອງ, ພັດທະນາແຫຼ່ງຊັບພະຍາກອນມະນຸດ, ພິເສດແມ່ນພະນັກງານຂອບຄະນະເລຂາທິການສະພາແຫ່ງຊາດ, ລັດຖະສະພາດີຈີຕອນ ແລະ ຍົກສູງປະສິດທິຜົນຂອງສະພາແຫ່ງຊາດ ກຳປູເຈຍ…

        ແລະກໍ່ໃນຕອນບ່າຍວັນທີ 21 ພະຈິກ, ຢູ່ສຳນັກງານສະພາແຫ່ງຊາດ ກຳປູເຈຍ, ທີ່ນະຄອນຫຼວງ ພະນົມເປັນ, ທ່ານນາງປະທານສະພາແຫ່ງຊາດ Samdech Khuon Sudary ໄດ້ປະດັບຫຼຽນໄຊ Maha Sirivudha ຂອງລັດ ກຳປູເຈຍໃຫ້ທ່ານປະທານສະພາແຫ່ງຊາດ ເຈິນແທັງເໝີ້ນ.

        “ພັກ, ລັດ, ສະພາແຫ່ງຊາດ, ລັດຖະບານ ແລະ ປະຊາຊົນ ຫວຽດນາມ ຖືເປັນສຳຄັນການພົວພັນກັບ ກຳປູເຈຍ. ໃນຊຸມປີຜ່ານມາ, ສະພາແຫ່ງຊາດ ແລະ ປະຊາຊົນ ຫວຽດນາມ ຍາມໃດກໍ່ແບ່ງປັນ, ຮ່ວມເດີນທາງພ້ອມກັບສະພາແຫ່ງຊາດ ແລະ ປະຊາຊົນ ກຳປູເຈຍ. ການພົວພັນລະຫວ່າງສະພາແຫ່ງຊາດ 2 ປະເທດນັບມື້ນັບເຂົ້າສູ່ລວງເລິກ, ມີປະສິດທິຜົນ, ປະກອບສ່ວນຢ່າງຕັ້ງໜ້າ, ແທ້ຈິງຂອງ 2 ສະພາແຫ່ງຊາດເຂົ້າໃນການເພີ່ມທະວີການປັບປຸງ, ເພີ່ມທະວີການພົວພັນສາມັກຄີມິດຕະພາບຢ່າງແໜ້ນແຟ້ນລະຫວ່າງ ຫວຽດນາມ ແລະ ກຳປູເຈຍ”.