ຫວໍຮວ່າງຮ໋ຽວ ເກີດເມື່ອປີ 2002, ປັດຈຸບັນ ເປັນນັກສຶກສາ ປີທີ 3, ສາຂາວິຊາ ກົນຈັກ ຢູ່ມະຫາວິທະຍາໄລ ຊົນລະປະທານ ໄດ້ຂະ ຫຍັນ ໃນການຄົ້ນຄວ້າ ແລະ ປະດິດສ້າງເຮືອບິນ ຈໍາລອງ ຄວບ ຄຸມ ໄລຍະໄກ ຫຼາຍຮ້ອຍລຳ.

ມຸມ​ໜຶ່ງ​ ຂອງ​ ບ່ອນ​ປະດິດ​ສ້າງ ​ແລະ ປະກອບ​ ເຮືອບິນ​ຈຳລອງ​​ ຢູ່​ ຮ່າ​ໂນ້ຍ.

ທ່ານ ຮ໋ຽວ ກ່າວວ່າ ນັບແຕ່ຮຽນ ມໍ 4 ເພິ່ນໄດ້ຮູ້ຈັກ ແລະ ຫຼິ້ນເຮືອ ບິນຈຳລອງ. ຢ່າງໃດກໍຕາມ, ໃນເວລານັ້ນ, ເພິ່ນ ຫາກໍ ສຳຜັດກັບ ຕົວແບບຈຳລອງ, ເພາະສະນັ້ນ ເມື່ອສ້າງແບບ ເຮືອບິນ ຈໍາລອງ ຂອງຕົນເອງ ທ່ານຕ້ອງລົ້ມເຫຼວ ຫຼາຍຄັ້ງ ຍ້ອນວ່າ ມັນບໍ່ສາມາດ ບິນ ເທິງທ້ອງຟ້າໄດ້. ຜ່ານການຫຼິ້ນ ແລະ ສ້າງເຮືອບິນຈຳລອງ ເປັນ ເວລາ ຫຼາຍປີ, ມາຮອດປັດຈຸບັນ, ທ່ານ ຮ໋ຽວ ໄດ້ສ້າງເຮືອບິນຈຳ ລອງ ກວ່າ 100 ລໍາ ແລະ ມີຫຼາຍຕົວແບບ ສະເພາະຄື Boeing 787, 777 ຫຼື ເຮືອບິນສູ້ຮົບ ເຊັ່ນ: Su 37, Su 27, F22...

ຫຼັງຈາກຫຼົ້ມເຫຼວ ມາເປັນຫຼາຍໆ ຄັ້ງ, ຮອດເຮືຶອບິນລຳທີ 16 ທີ່ ຮ໋ຽວ ສ້າງຂຶ້ນ ແມ່ນສາມາດບິນ ຢູ່ເທິງທ້ອງຟ້າ ໄດ້ຢ່າງໝັ້ນຄົງ. ເດັກຊາຍ 10x ໄດ້ຜະລິດເຮືອບິນຈໍາລອງ ແຜ່ນໂຟມ ແລະ ມີຮູບແຕ້ມ ທີ່ຕິດ ຢູ່ດ້ານນອກ. ຊາຍໜຸ່ມ ຮ໋ຽວ ໄດ້ແບ່ງປັນວ່າ: “ຂ້າພະເຈົ້າ ຄົ້ນຄວ້າ ຕົວແບບ ຂອງເຮືອບິນ ໃນ ອິນເຕີເນັດ ແລະ ມີຮູບແຕ້ມ ເປັນຂອງ ຕົນເອງ. ຂ້າພະເຈົ້າໄດ້ປັບຂະໜາດ ເຮືອບິນທັງໝົດ ເປັນຫຍໍ້ສ່ວນ ຖືກຕາມ ມາດຕາສ່ວນ, ຈາກນັ້ນນຳໃຊ້ ຊອບແວ ກຼາຟິກ ເພື່ອດັດ ແກ້ ໃຫ້ໄດ້ມາດຕະຖານ ແລະ ຖືກຕ້ອງທີ່ສຸດແລ້ວ ດຳເນີນການ ສ້າງ ເຮືອບິນຈຳລອງ ຖືກຕາມຕົວແຕ້ມ ແລະ ຕົວເລກທີ່ໄດ້ອອກ ແບບ”.

 ຮ໋ຽວ ຕ້ອງໄດ້ປະຖິ້ມຕົວແບບເຮືອບິນຈໍາລອງທັງໝົດ ແລ້ວ ເຮັດໃໝ່ ຫຼາຍໆ ຄັ້ງ ຍ້ອນວ່າ ເພື່ອໃຫ້ເຮືອບິນ ສາມາດບິນຂຶ້ນສູ່ທ້ອງຟ້າໄດ້, ມັນຕ້ອງອີງໃສ່ຫຼາຍປັດໄຈ, ຈາກຫຼັກອາກາດ ພົນລະສາດ ຈົນເຖິງ ລະດັບຄວາມດຸ່ນດ່ຽງ…”. ທ່ານ ຮ໋ຽວໃຫ້ຮູ້ວ່າ: “ຕົວຢ່າງ: ເຮືອບິນ ຈຳລອງ F22 ແມ່ນ ຕ້ອງໃຊ້ຄວາມພະຍາຍາມ ຫຼາຍສຸດ, ຂ້າພະ ເຈົ້າໄດ້ສ້າງແບບ ຈໍາລອງ ນັບບໍ່ຖ້ວນ ແຕ່ບິນບໍ່ໄດ້, ສ່ວນໜຶ່ງແມ່ນ ຍ້ອນ ການດຸ່ນດ່ຽງ ຂອງມັນ, ຖ້າຫົວ ຫຼື ຫາງໜັກ, ມັນກໍບໍ່ສາມາດ ບິນໄດ້, ຖ້າທຸກລາຍລະອຽດບໍ່ ຖືກຕ້ອງ, ເຮືອບິນໂອນເອນ ບິນບໍ່ ທ່ຽງ”.

ທ່ານ ຫວໍຮວ່າງຮ໋ຽວ ແລະ ບັນດາ ເຮືອບິນຈຳລອງ ຂອງຕົນ ໃນ ງານບຸນບິນ ສະເຫຼີມສະຫຼອງ 50 ປີ ແຫ່ງວັນໄຊຊະນະ “ຮ່າໂນ້ຍ-ດ້ຽນບຽນຝູ ເທິງອາກາດ”. 

ເພື່ອສ້າງເຮືອບິນຈຳລອງ ສຳລັບຜູ້ເລີ່ມຕົ້ນ, ຕ້ອງເສຍຄ່າໃຊ້ຈ່າຍ ປະມານ 2 ຫາ 3 ລ້ານດົ່ງ, ລວມມີຄ່າເຄື່ອງຈັກ, ເຄື່ອງປັບຄວາມ ໄວ, ແບັດເຕີຣີ, ເຄື່ອງຄວບຄຸມ ແລະ ໂຟມ…”. ທ່ານ ຮ໋ຽວ ຍັງໃຫ້ຮູ້ ຕ່ືມວ່າ: ສຳລັບຜູ້ຫຼິ້ນມືໃໝ່ ຄວນເລືອກ ເຮືອບິນແບບງ່າຍໆ. ອາດ ຈະ ຊື້ແບບເຮືອບິນ ທີ່ສຳເລັດແລ້ວ ໃນລາຄາ ປະມານ 4 - 5 ລ້ານ ດົ່ງ. ຖ້າຜູ້ຫຼິ້ນມືໃໝ່ ຢາກເຮັດດ້ວຍຕົນເອງ ເພື່ອປະສົບການ ແລະ ຫຼຸດຜ່ອນຄ່າໃຊ້ຈ່າຍ ມັນຮຽກຮ້ອງ ຕ້ອງໃຊ້ຄວາມພະຍາຍາມ ຢ່າງ ລະອຽດຖີ່ຖ້ວນກວ່າ”.

ບົດ: ກົງດາດ - ພາບ: ແຄ໋ງລອງ - ແປໂດຍ: ບິກລຽນ