ວັນທີ 04 ເມສາ, ທີ່ສໍານັກງານສະພາແຫ່ງຊາດ, ຄະນະປະຈໍາສະພາແຫ່ງຊາດຫວຽດນາມ ໄດ້ຈັດຕັ້ງກອງປະຊຸມ ສະມາຊິກສະພາແຫ່ງຊາດເຄື່ອນໄຫວວຽກງານສະເພາະກິດ ເພື່ອປຶກສາຫາລື, ປະກອບຄໍາເຫັນໃສ່ 3 ຮ່າງກົດໝາຍ.
ທ່ານຮອງປະທານສະພາແຫ່ງຊາດ ອວງຈູລືວ ກ່າວຄໍາເຫັນໄຂກອງປະຊຸມ (ພາບ: quochoi.vn)
ວັນທີ 04 ເມສາ, ທີ່ສໍານັກງານສະພາແຫ່ງຊາດ, ຄະນະປະຈໍາສະພາແຫ່ງຊາດຫວຽດນາມ ໄດ້ຈັດຕັ້ງກອງປະຊຸມ ສະມາຊິກສະພາແຫ່ງຊາດເຄື່ອນໄຫວວຽກງານສະເພາະກິດ ເພື່ອປຶກສາຫາລື, ປະກອບຄໍາເຫັນໃສ່ 3 ຮ່າງກົດໝາຍ ເພື່ອສະເໜີຕໍ່ສະພາແຫ່ງຊາດພິຈາລະນາ, ຮັບຮອງເອົາ ຢູ່ ກອງປະຊຸມຄັ້ງທີ 7 ເຊິ່ງລວມມີ: ຮ່າງກົດໝາຍວ່າດ້ວຍການສຶກສາ (ສະບັບປັບປຸງ); ຮ່າງກົດໝາຍວ່າດ້ວຍການດໍາເນີນຄະດີອາຍາ (ສະບັບປັບປຸງ); ຮ່າງກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການລົງທຶນພາກລັດ.
ໃນຕອນເຊົ້າວັນທີ 04 ເມສາ, ບັນດາສະມາຊິກສະພາແຫ່ງຊາດ ໄດ້ປຶກສາຫາລືກ່ຽວກັບຮ່າງກົດໝາຍວ່າດ້ວຍການສຶກສາ (ສະບັບປັບປຸງ) ກ່ຽວກັບບັນດາເນື້ອໃນສ້າງຫຼັກສູດ, ຊຸດປື້ມຕໍາລາຮຽນລວມໃຫ້ທົ່ວປະເທດຈໍານວນໜຶ່ງ, ພ້ອມທັງປະກອບ ຄໍາເຫັນໃສ່ການເສັງຈົບຊັ້ນມັດທະຍົມຕອນປາຍອີກດ້ວຍ.
(ແຫຼ່ງຄັດຈາກ VOV)