31/01/2016 07:07 GMT+7 Email Print Like 0

ICAO ໄດ້ດັດແປງແຜນທີ່ການບິນກ່ຽວກັບFIR Sanya ຕາມຄຳສະເຫນີຂອງຫວຽດນາມ


ເຮືອ​ບິນ​ຂອງ​ຈີ​ນ ບິ​ນ​ເຂົ້າ​ເຂດ FIR ໂຮ່​ຈິ​ມີນ ຢ່າງ​ຜິດ​ກົດ​ໝາຍ
          ຕາມ​ແຫລ່ງ​ຂ່າວ​ຈາກ​ກົມ​ການ​ບິນ​ພົນ​ລະ​ເຮືອນ​ຫວຽດ​ນາມ, ປະ​ຈຸ​ບັນ ໃນ​ຫນ້າ​ເວັບ​ຂອງ ອົງ​ການ​ການ​ບິນ​ພົນ​ລະ​ເຮືອນ​ສ​າ​ກົນ (ICAO), ແຜນ​ທີ່​ການ​ບິນ​ກ່ຽວ​ກັບ​ເຂດ FIR Sanya (ຊານ​ຢາ) ແລະ ບັນ​ດາ​ຂໍ້​ມູນ​ກ່ຽວ​ຂ້ອງ​ໄດ້​ຮັບ​ການ​ດັດ​ແປງ​ຄືນ​ຕາມ​ຄຳ​ສະ​ເຫນີ​ຂອງ​ຝ່າຍ​ຫວຽດ​ນາມ. ວັນ​ທີ 27/1/2016, ປະ​ທານ​ສະ​ພາ ICAO ກໍ​ໄດ້​ສົ່ງ​ຈົດ​ໝາຍ​ເຖິງ​ກົມ​ການ​ບິນ​ພົນ​ລະ​ເຮືອນ​ກ່ຽວ​ກັບ​ບັນ​ຫານີ້. ວັນ​ທີ 22/1, ຜູ້​ຕາງ​ຫນ້າ​ສະ​ຖານ​ທູດ​ຫວຽດ​ນາມ ປະ​ຈຳ ກາ​ນາ​ດາ ໄດ້​ພົບ​ປະ​ກັບ​ປະ​ທານ​ສະ​ພາ ICAO ແລະ ທ່ານ​ເລ​ຂາ​ທິ​ການ​ໃຫຍ່ ຂອງ ICAO ຢູ່​ສຳ​ນັກ​ງານ​ຂອງ​ອົງ​ການ​ນີ້​ຢູ່ ນະ​ຄອນ Montreal ເພື່ອ​ສົ່ງ​ຈົດ​ໝາຍ​ການ​ທູດ​ລົງ​ວັນ​ທີ 15/1/2016 ຂອງ​ສະ​ຖານ​ທູດ ໂດຍຢັ້ງ​ຢືນ ອະ​ທິ​ປະ​ໄຕ​ຂອງ​ຫວຽດ​ນາມ ສຳ​ລັບ ສອງ​ໝູ່​ເກາະ​ຮ່​ວາງ​ຊາ ແລະ ເຈື່ອງ​ຊາ ແລະ ຄັດ​ຄ້ານ​ເລື່ອງ​ອົງ​ການນີ້ ໄດ​້ນຳ​ສະ​ເຫນີຜ່ານ​ຫນ້າ​ເວັບ​ແຜນ​ທີ່​ການ​ບິນ​ກ່ຽວ​ກັບ FIR Sanya ເວົ້າ​ສະ​ເພາະ ແລະ FIR ໃນ​ເຂດ​ທະ​ເລ​ຕາ​ເວັນ​ອອກ​ເວົ້າ​ລວມ ດ້ວຍ​ບັນ​ດາ​ເນື້ອ​ໃນ​ບໍ່​ສອດ​ຄ​ອ່ງ​ ແລະ ຜົນ​ສະ​ທ້ອນ​ເຖິງ​ອະ​ທິ​ປະ​ໄຕ​ຂອງ​ຫວຽດ​ນາມ ສຳ​ລັບ ສອງ​ໝູ່​ເກາະ​ຮ່​ວາງ​ຊາ ແລະ ເຈື່ອງ​ຊາ.
(​ແຫຼ່ງຄັດ​ຈາກ VOV)