10/01/2016 00:01 GMT+7 Email Print Like 0

HAS ຢືດຄອງຕະຫຼາດເຄື່ອງແກ້ວ ສ.ເຊັກ

ເຖິງວ່າ ຫາກໍ່ເຂົ້າຮ່ວມຕະຫຼາດເຄື່ອງແກ້ວລະດັບສູງກໍ່ຕາມ, ແຕ່ບໍລິສັດ HAS ໄດ້ກາຍເປັນໜຶ່ງໃນບັນດາວິສາຫະກິດແຖວໜ້າຂອງ ຫວຽດນາມ ໃນຂົງເຂດຜະລິດເຄື່ອງແກ້ວ Bohemia ສ.ເຊັກ. ຜະລິດຕະພັນຂອງ HAS ໄດ້ມີໜ້າຢູ່ຫຼາຍປະເທດ ໃນໂລກຄື: ອາເມລິກາ, ເອີຣົບ, ຍີ່ປຸ່ນ ແລະ ອື່ນໆ.
ເຄື່ອງແກ້ວ Bohemia ສ.ເຊັກ ໄດ້ສ້າງຊື່ສຽງຮຽງນາມໃນທົ່ວໂລກມາເປັນເວລາຫຼາຍປີແລ້ວ, ເປັນຕົ້ນແມ່ນປະເພດສິນຄ້າທີ່ມີຄ່າຄື: ຈອກ, ເຄື່ອງທີ່ລະນຶກ, ເຄື່ອງປະດັບປະດາ... ກໍ່ຍ້ອນຢູ່ ຫວຽດນາມ ຍັງບໍ່ມີຫຼາຍວິສາຫະກິດສາມາດຜະລິດສິນຄ້າທີ່ມີຄ່າປະເພດນີ້ໄດ້, ສະນັ້ນ ເມື່ອ HAS ສ້າງຕັ້ງຂຶ້ນມາ ກໍ່ກໍ່ສ້າງໄດ້ຖານະບົດບາດສະເພາະຂອງຕົນໃນຕະຫຼາດເຄື່ອງແກ້ວລະດັບສູງຫວຽດນາມ.
 
HAS ໄດ້ສ້າງຕັ້ງໃນປີ 2012 ໂດຍນັກສິລະປະກຳ ຫງວຽນທິຮວາ, ຜູ້ທີ່ເປັນລູກເປັນຫຼານຂອງຄອບຄົວໜຶ່ງທີ່ທຳອາຊີບຜະລິດເຄື່ອງແກ້ວມູນເຊື້ອ ທີ່ ຖາຍບິ່ງ.
 
ປີ 2000, ເພິ່ນຮຽນຈົບມະຫາວິທະຍາໄລ ແລ້ວມາເຮັດວຽກໃຫ້ບໍລິສັດແຫ່ງໜຶ່ງ ສະເພາະນຳເຂົ້າ ແລະ ຜະລິດເຄື່ອງແກ້ວ Bohemia ສ.ເຊັກ. ຍ້ອນແນວນັ້ນ, ເພິ່ນຈິ່ງມີໂອກາດໄດ້ເຮັດວຽກແບບໂດຍກົງກັບບັນດານັກຊ່ຽວຊານຕ່າງປະເທດ. 

ຂັ້ນຕອນໜຶ່ງໃນການຜະລິດເຄື່ອງແກ້ວແບບຫັດຖະກຳຂອງ ບໍລິສັດ HAS.


ແກ້ວຈອກໜຶ່ງກຳລັງໄດ້ຊ່າງປະດັບປະດາລວດລາຍ.


ລາຍຮັບຂອງ HAS ຂຶ້ນເຖິງ 40 ຕື້ດົ່ງຕໍ່ປີ. 

ບໍລິສັດ HAS ຈຳກັດ
ທີ່ຢູ່: ເລກທີ 52, ຖະໜົນ ກວ໋ກເຮືອງ, ບ້ານ ຖາວດ່ຽນ, ເມືອງ 2, ນະຄອນ ໂຮ່ຈີມິນ, ຫວຽດນາມ.
ໂທລະສັບ:  (0084 - 08) 62589222
ອີເມວ:  sales@has-crystal.vn
ເວັບໄຊ: www.phalebohemia.com
ຫຼັງຈາກເປັນຜູ້ຮັບຈ້າງໃນເວລາ 12 ປີ, ໄດ້ມີຄວາມຮູ້ຄວາມ ເຂົ້າໃຈກ່ຽວກັບປະເພດເຄື່ອງແກ້ວລະດັບສູງຢ່າງພໍສົມຄວນ, ທ່ານນາງ ຮວາ ຈຶ່ງສ້າງຕັ້ງບໍລິສັດ HAS ແລະ ສຳເລັດການ ຄົ້ນຄວ້າຕ່ອງໂສ້ຜະລິດເຄື່ອງແກ້ວ Bohemia ລະດັບສູງໃໝ່. ແຕ່ນັ້ນມາ, HAS ກາຍເປັນໜຶ່ງໃນຈຳນວນວິສາຫະກິດນຳເຂົ້າແລະ ຜະລິດເຄື່ອງແກ້ວລາຍໃຫຍ່ຂອງ ຫວຽດນາມ.
 
ປະຈຸບັນ, HAS ມີໂຮງງານຜະລິດເຄື່ອງແກ້ວ Bohemia ສ.ເຊັກ ແຫ່ງໜຶ່ງຢູ່ຖະໜົນ ກວ໋ກເຮືອງ, ບ້ານ ຖາວດ່ຽນ, ເມືອງ 2, ນະຄອນ ໂຮ່ຈີມິນ. ຜະລິດຕະພັນຂອງ HAS ມີທັງໝົດກວ່າ 2.000 ແບບ, ແຕ່ລະແບບມີຄວາມປານີດ, ຄວາມສວຍສົດ ງົດງາມ ໂດຍຕ່າງຫາກ ເພື່ອຫັນໄປເຖິງຄວາມຍອດຢ້ຽມຂອງຜະລິດຕະພັນແຕ່ລະອັນ.
 
ບັນດາຜະລິດຕະພັນເຄື່ອງແກ້ວ Bohemia ໂດຍ HAS ຜະລິດຈະມີຄວາມສ່ອງໃສ, ສວຍງາມ, ມີຈິດວິນຍານ ແລະ ມີຫຼາຍສີສັນທີ່ຈັບໃຈຄື: ສີເຫຼືອງ, ສີຂຽວ, ສີແດງ, ສີບົວ... ບັນດາຜະລິດຕະພັນໄດ້ອອກແບບຕາມແບບແຜນຢູ່ພະລາດຊະວັງ, ບູຮານນະການ ໂດຍບັນດາລວດລາຍປະດັບປະດາໄດ້ເຄືອບ ສີຄຳ, ລັບໃຫ້ມົວໆ ຫຼື ຄວັດລວດລາຍປັກຝັງເຂົ້າທາງໃນຂອງ ຜະລິດຕະພັນ. ວັດຖຸດິບໄດ້ນຳໃຊ້ເພື່ອຜະລິດເຄື່ອງແກ້ວ Bohemia ຂອງ HAS ໄດ້ນຳເຂົ້າມາແຕ່ ເຢຍລະມັນ, ໂປໂລ່ຍ, ສ.ເຊັກ ແລະ ປະເທດຕ່າງ.
 
ນັກສິລະປະກຳ ຫງວຽນທິຮວາ ໃຫ້ຮູ້ວ່າ ເພື່ອເອົາໃຈລູກຄ້າສາກົນໄດ້ບໍ່ແມ່ນເລື່ອງງ່າຍ, ຍ້ອນເຂົາເຈົ້າເປັນຄົນສຸດທີ່ໃຈຍາກ ແລະ ມີຄວາມຮູ້ດ້ານສິລະປະສູງ. ເພາະສະນັ້ນ, ຜະລິດຕະພັນ ເຄື່ອງແກ້ວ Bohemia ສ.ເຊັກ ບໍ່ພຽງແຕ່ຕ້ອງຜະລິດດ້ວຍ ຕ່ອງໂສ້ເຕັກໂນໂລຊີທັນສະໄໝເທົ່ານັ້ນ, ຫາກຍັງຕ້ອງຜ່ານສີມືທີ່ຄ່ອງແຄ້ວ ແລະ ປະດິດປະດອຍຂອງຊ່າງອີກດ້ວຍ.
 
ປະຈຸບັນ, ລາຍຮັບຂອງ HAS ຂຶ້ນເຖິງ 40 ຕື້ດົ່ງຕໍ່ປີ. ອັດຕາສ່ວນສົ່ງອອກຂອງ HAS ກວມເຖິງ 40% ທີ່ ອາເມລິກາ, ເອີຣົບ ແລະ ປະເທດຈຳນວນໜຶ່ງຢູ່ ອາຊີ ຄື: ຍີ່ປຸ່ນ ແລະ ສິງກະໂປ. ຢູ່ຕະຫຼາດພາຍໃນ, HAS ມີໜ້າຢູ່ເກືອບທົ່ວທຸກແຫ່ງໃນທົ່ວປະເທດ ແລະ ເປັນຜູ້ສະໜອງເຄື່ອງແກ້ວທີ່ໜ້າເຊື່ອຖືໃຫ້ແກ່ບັນດາສະຫະບໍລິສັດ ແລະ ກຸ່ມບໍລິສັດ. ນອກຈາກນັ້ນ, HAS ຍັງເປັນຜູ້ນຳເຂົ້າ ມີສິດຜູກຂາດກ່ຽວກັບເຄື່ອງແກ້ວ Bohemia ໃຫ້ແກ່ເຄື່ອງໝາຍ ການຄ້າໃຫຍ່ຈຳນວນໜຶ່ງ ທີ່ ສ.ເຊັກ ອີກດ້ວຍ. 
ຜະລິດຕະພັນຈຳນວນໜຶ່ງຂອງ HAS.

ຜະລິດຕະພັນເຄື່ອງແກ້ວ Bohemia ໄດ້ອອກແບບຕາມຮູບ ນົກຫົງ.


ຜະລິດຕະພັນຂອງ HAS ມີກວ່າ 2000 ແບບ. 


40% ຜະລິດຕະພັນເຄື່ອງແກ້ວ Bohemia ຂອງ HAS ໄດ້ສົ່ງອອກໄປຕະຫຼາດ ອາເມລິກາ ແລະ ເອີຣົບ. 








ບົດ: ຫງວຽນແອງ - ພາບ: ດັ້ງກິມເຟືອງ




ບັນດາບົດທີ່ຖືກນຳສະເໜີ