21/02/2020 15:01 GMT+7 Email Print Like 0

EP ໃຫ້ສັດຕະຍາບັນ EVFTA: ສະແດງຄວາມໄວ້ວາງໃຈ ລະຫວ່າງ EU ແລະ ຫວຽດນາມ

ໃນວັນທີ 12 ກຸມພາ, ລັດຖະສະພາ ເອີຣົບ (EP) ໄດ້ໃຫ້ສັດຕະ ຍາບັນ ສັນຍາການຄ້າເສລີ ລະຫວ່າງ EU ແລະ ຫວຽດນາມ (EVFTA). ຂໍ້ຕົກລົງດັ່ງກ່າວ ລວມມີ 2 ສັນຍາ ຄື: ສັນຍາການຄ້າເສລີ (EVFTA) ແລະ ສັນຍາ ປົກປ້ອງການລົງທຶນ (EVIPA).
ໃນກອງປະຊຸມຄົບຄະນະ ຊຶ່ງໄດ້ຈັດຂຶ້ນໃນວັນທີ 12 ກຸມພາ 2020 ຢູ່ນະຄອນ Strasbourg, ປະເທດ ຝຣັ່ງ, ບັນດາສະມາຊິກລັດຖະສະພາ ເອີຣົບ ໄດ້ປ່ອນບັດອະນຸມັດ ຜ່ານ EVFTA ແລະ EVIPA ດ້ວຍຈໍາ ນວນບັດສະໜັບສະໜູນ EVFTA ແມ່ນ 401 ບັດ ແລະ ຈຳນວນບັດສະໜັບສະໜູນ EVIPA ແມ່ນ 407 ບັດ. 

ອົງການແຮງງານສາກົນ (ILO) ປະຈຳ ຫວຽດນາມ ໃຫ້ຮູ້ວ່າ ອົງ ການແຮງງານສາກົນ ຊົມເຊີຍລັດຖະສະພາ ເອີຣົບ ໄດ້ອະນຸມັດ ຜ່ານສັນຍາການຄ້າເສລີ ລະຫວ່າງ EU ແລະ ຫວຽດນາມ. ຫຼັງ ຈາກມີຜົນບັງຄັບໃຊ້, ສັນຍາສະບັບນີ້ ຈະນຳມາຜົນປະໂຫຍດ ດ້ານເສດຖະກິດ ໃຫ້ທັງ EU ແລະ ຫວຽດນາມ ອີກດ້ວຍ.
ພາຍໃຕ້ຂໍ້ຕົກລົງດັ່ງກ່າວ, ຫວຽດນາມ ຈະຫຼຸດພາສີນຳເຂົ້າ  65% ປະເພດສິນຄ້າໃຫ້ແກ່ EU, ສ່ວນທີ່ຍັງເຫຼືອ ຈະໄດ້ຮັບການຍົກ ເລີກ ພາຍໃນ 10 ປີ ເລີ່ມແຕ່ປີ 2020. ກົງກັນຂ້າມ, ສິນຄ້າຂອງ ຫວຽດນາມ ກວ່າ 70% ສົ່ງໄປຍັງ EU ຈະຫຼຸດພາສີໃນທັນທີ ແຕ່ປີ 2020 ຄາດວ່າ EVFTA ຈະມີຜົນບັງຄັບໃຊ້ ແລະ ສ່ວນທີ່ຍັງເຫຼືອ ຈະໄດ້ຮັບການຍົກເລີກ ພາຍໃນ 7 ປີ.
 
ບັນດາຄະແນນສຽງ ທ່ີໜ້າເພິ່ງພໍໃຈ ຊຶ່ງເປັນຕົວແທນ ຂອງ ສະມາ ຊິກ ເຊື່ອວ່າ ສັນຍາ 2 ສະບັບ ດັ່ງກ່າວ ຈະຊ່ວຍເຮັດໃຫ້ການສົ່ງອອກສິນຄ້າ ແລະ ບໍລິການຕ່າງໆ ຂອງ ຫວຽດນາມ ໄປ EU ຈະເພີ່ມຂຶ້ນ 15 ຕື້ ເອີໂຣ (16,4 ຕື້ໂດລາສະຫະລັດ) ແລະ ການສົ່ງອອກສິນຄ້າ ຂອງ EU ມາຫວຽດນາມ ຈະເພີ່ມຂຶ້ນ 8,3 ຕື້ ເອີໂຣ ໃນປີ 2035, ບັນລຸໄດ້ 22 ຕື້ ເອີໂຣ ຕໍ່ປີ. 



ພາບ ກອງປະຊຸມຄົບຄະນະ ທີ່ສຳນັກງານຂອງລັດຖະສະພາ ເອີຣົບ ຢູ່ນະຄອນ Strasbourg, ປະເທດ ຝຣັ່ງ. ພາບ: TTXVN


ຊາວກະສິກອນຂອງສະຫະກອນ ແທງລອງ ລອງຈີ່ (ເມືອງ ເຈົາ ແທ່ງ, ແຂວງ ລອງອານ) ເກັບກ່ຽວໝາກມັງກອນ. ພາບ: TTXVN


ປຸງແຕ່ງ ນໍ້າຢາງພາລາ ເພື່ອການສົ່ງອອກ ຢູ່ນິຄົມ ຢາງພາລາ ເຢົ່າຕຽງ, ແຂວງ ບິ່ງເຢືອງ. ພາບ: TTXVN


ກາເຟ ເປັນໜຶ່ງໃນຜະລິດຕະພັນ ສົ່ງອອກຕົ້ນຕໍ່ຂອງ ຫວຽດນາມ ດ້ວຍວົງເງິນສົ່ງອອກ ກວ່າ 1 ຕື້ ໂດລາສະຫະລັດຕໍ່ປີ. ພາບ: TTXVN


ການທ່ີ  EVFTA ອະນຸມັດຜ່ານ, EU ຈະຍົກເລີກພາສີ ນໍາເຂົ້າໃຫ້ແກ່ ເຂົ້າສານຫວຽດນາມ ຈໍານວນ 80.000 ໂຕນ ຕໍ່ປີ ດ້ວຍອັດຕາພາສີ 0%, ສົ່ງເຂົ້າສານ ໄປຍັງ EU ອາດຈະເພີ່ມຂຶ້ນ 4 ເທົ່າ. ພາບ: TTXVN


ຕ່ອງໂສ້ປຸງແຕ່ງໝາກໄມ້ ຮັບໃຊ້ໃຫ້ແກ່ການສົ່ງອອກຂອງ ບໍລິ ສັດຫຸ້ນສ່ວນ  Nafoods ພາກໃຕ້. ພາບ: TTXVN


ຕ່ອງໂສ້ປຸງແຕ່ງໝາກໄມ້ ຮັບໃຊ້ໃຫ້ແກ່ການສົ່ງອອກຂອງ ບໍລິ ສັດຫຸ້ນສ່ວນ  Nafoods ພາກໃຕ້. ພາບ: TTXVN


ຂະແໜງຕຳແຜ່ນຕັດຫຍິບ ຫວຽດນາມ ຫັນໄປສູ່ເປົ້າໝາຍ ສົ່ງ ອອກກວ່າ 40 ຕື້ໂດລາສະຫະລັດ. ພາບ: TTXVN


ປາທູນາ ແມ່ນຜະລິດຕະພັນຍຸດທະສາດຂອງ ຫວຽດນາມ ໃນການສົ່ງອອກໄປ EU. ພາບ: TTXVN

ປະເພດສິນຄ້າສົ່ງອອກຂອງ ຫວຽດນາມ ໄປ EU ສ່ວນຫຼາຍ ແມ່ນ ອຸປະກອນສື່ສານທາງໄກ, ສະບຽງອາຫານ ແລະໂສ້ງເສື້ອ. ໃນຂະນະດຽວກັນ ນຳເຂົ້າປະເພດສິນຄ້າຈາກ EU ຄື: ເຄື່ອງຈັກ, ອຸປະກອນ ຄົມມະນາຄົມຂົນສົ່ງ, ເຄມີ ແລະ ຜະລິດຕະພັນກະສິ ກຳ.

ທ່ານ Geert Bourgois -ຜູ້ຮັບຜິດຊອບການປະຕິບັດບັນດາ ຂໍ້ຕົກລົງການຄ້າຜ່ານ EP ໃຫ້ຮູ້ວ່າ ຂໍ້ຕົກລົງດ່ັງກ່າວ ຈະເພີ່ມທະ ວີການພົວພັນດ້ານການຄ້າ ລະຫວ່າງ EU ກັບ ຫວຽດນາມ ໃນ ສະພາບການ ເອີຣົບ ພວມໄດ້ຮັບຜົນກະທົບ ຈາກຄວາມຂັດແຍ້ງ ລະຫວ່າງ ສປ ຈີນ ແລະ ສ ອາເມລິກາ. 

“ຂໍ້ຕົກລົງທີ່ບັນລຸໄດ້ ຈະເປີດຕະຫຼາດ ທີ່ມີທ່າແຮງ ບົ່ມຊ້ອນ ໃຫ້ແກ່ບັນດາວິສາຫະກິດ ເອີຣົບ”.
ທ່ານ Peter Altmaie, ລັດຖະມົນຕີ ເສດຖະກິດ ແລະ ພະລັງ ງານ ສະຫະພັນ ເຢຍລະມັນ
ສໍາລັບຫວຽດນາມ, ທ່ານ ບຸ່ຍແທງເຊີນ, ຮອງລັດຖະມົນຕີກະ ຊວງການຕ່າງປະເທດ ໄດ້ເນັ້ນໜັກເຖິງຜົນປະໂຫຍດອັນໃຫຍ່ ຫຼວງດ້ານເສດຖະກິດ ທີ່ EVFTA ແລະ EVIPA ທ່ີສອງຝ່າຍຈະໄດ້ຮັບໃນວັນທີ 12 ກຸມພາ ວ່າ: “EVFTA ຈະສ້າງໂອກາດໃຫ້ແກ່ວິສາຫະກິດ EU ເຂົ້າໃກ້ກັບ ຕະຫຼາດທີ່ ມີຈຳນວນພົນລະ ເມືອງເກືອບ 100 ລ້ານຄົນ ຂອງ ຫວຽດນາມ, ຈາກນັ້ນ ຈະເຂົ້າໃກ້ຕະຫຼາດ ອາຊຽນ ແລະ ພູມີພາກຍິ່ງຂຶ້ນ; GDP ຂອງ EU ຈະເພີ່ມຂຶ້ນ 30 ຕື້ໂດລາສະຫະລັດ ແລະ ການສົ່ງອອກຈະເພີ່ມຂຶ້ນ 29% ໃນປີ 2035. ສຳລັບ ຫວຽດນາມ,​ EU ແມ່ນຕະຫຼາດໃຫຍ່ອັນດັບ 2 ຂອງສິນຄ້າສົ່ງອອກ ຫວຽດນາມ; ການປະຕິບັດ EVIPA ຈະຊ່ວຍເຮັດໃຫ້ຕົວເລກ GDP ຂອງຫວຽດນາມ ເພີ່ມຂຶ້ນ 4,6% ແລະ ການສົ່ງອອກໄປ EU ຈະເພີ່ມຂຶ້ນ 29% ໃນປີ 2025. ເພາະສະນັ້ນ ການຕັດສິນ ຂອງ EP ໄດ້ຮັບ ຄວາມຊົມ ເຊີຍຈາກປະຊາຄົມ ວິສາຫະກິດສອງຝ່າຍ”.
 
EVFTA ແມ່ນຂໍ້ຕົກລົງການຄ້າສະບັບທີ 2 ເຊິ່ງ EU ໄດ້ລົງນາມ ກັບປະເທດໜຶ່ງໃນພາກພື້ນ ອາຊີຕາເວັນອອກສ່ຽງໃຕ້ ພາຍຫຼັງ ສັນຍາການຄ້າເສລີກັບ ສິງກະໂປ. ໃນມູມມອງຂອງ EU, ຫວຽດ ນາມ ເປັນຕະຫຼາດໜຶ່ງ ທີ່ມີທ່າແຮງບົ່ມຊ້ອນຫຼາຍ, ຕາມໜັງ ສືພິມ Deutsche Welle ຂອງ ເຢຍລະມັນ, ຫວຽດນາມ ເປັນໜຶ່ງ ໃນບັນດາປະເທດຢູ່ພາກພື້ນ ອາຊີ ຕາເວັນອອກສ່ຽງໃຕ້ ມີທ່າ ແຮງບົ່ມຊ້ອນ ທາງດ້ານເສດຖະກິດ ຫຼາຍທີ່ສຸດ. 

“ດ້ວຍຄວາມເຫັນດີຈາກລັດຖະສະພາ ເອີຣົບ ຜ່ານການປ່ອນບັດ, ຫວຽດນາມ ຍັງມີຂັ້ນຕອນດຽວ ທ່ີຈະໄດ້ຮັບການຮັບຮອງຈາກສະພາເອີຣົບ, ຫວຽດນາມ ຕ້ອງລໍຖ້າກອງປະຊຸມສະພາແຫ່ງຊາດ ເຊ່ິງຈະຈັດຂຶ້ນໃນເດືອນ ເມສາ-ພຶດສະພາ 2020, ປະ ທານປະເທດ ບົນພື້ນຖານ ຂໍ້ສະເໜີ ຂອງ ລັດຖະບານ ຈະຍື່ນສະເໜີຕໍ່ສະພາ,ຖ້າທຸກຢ່າງເປັນໄປດ້ວຍດີ, ສັນຍາຈະໄດ້ຮັບການໃຫ້ສັດຕະຍາບັນ ໃນເດືອນ ພຶດສະພາ ແລະ ສັນຍາ EVFTA ຈະມີຜົນບັງຄັບໃຊ້ໃນເດືອນ ກໍລະກົດ 2020. ນີ້ແມ່ນໂອກາດ ທີ່ດີ ເພື່ອຕອບສະໜອງໃຫ້ແກ່ເສດຖະກິດ ຫວຽດນາມ ກໍ່ຄືຂະແໜງການ ຜະລິດ, ສົ່ງອອກ  ກໍ່ຄືປະຊາຄົມວິສາຫະກິດ ແລະ ຜູ້ບໍລິໂພກ”.
ທ່ານ ເຈິ່ນຕວ໋ນແອງ, ລັດຖະມົນຕີກະຊວງອຸດສາຫະກຳ ແລະ ການຄ້າ.
 
ບົດ: VNP ສັງລວມ - ພາບ: VNA
ບັນດາບົດທີ່ຖືກນຳສະເໜີ