ເປັນປະເພດກິລາພະຈົນໄພ ທີ່ມີຊື່ສຽງໃນໂລກ ໄດ້ກຳເນີດຈາກອາເມລິກາ, Downhill ຫາກໍ່ໄດ້ເຂົ້າມາຫວຽດນາມ 2-3 ປີມໍ່ໆ ມານີ້. ທ້າວ ຈືຊວນຕວ໋ນ, ຫົວໜ້າທິມ Downhill Club ຮ່າໂນ້ຍ ໃຫ້ຮູ້ວ່າ ທິມ Downhill Club ຮ່າໂນ້ຍ ໄດ້ຮັບການສ້າງຕັ້ງຂຶ້ນມາ ຈາກຄວາມຮັກມັກປະເພດກິລາດັ່ງກ່າວ. ທິມມີການຝຶກຊ້ອມ Downhill ຢູ່ເມືອງ ຊອກເຊີນ, ຮ່າໂນ້ຍ ໃນວັນອາທິດເປັນປະຈຳ.
ເພື່ອຫຼິ້ນ Downhill, ຜູ້ຫຼິ້ນຕ້ອງຊື້ລົດຖີບຄັນໜຶ່ງ ທີ່ອອກແບບສະເພາະ ສາມາດຂີ່ຢູ່ເທິງເຂດພູດອຍໄດ້. ຜູ້ຫຼິ້ນ Downhill ຕ້ອງມີຄວາມທົນທານໜຽວແໜ້ນ, ຄວາມຕັ້ງໝັ້ນ, ມີຄວາມກ້າຫານ ແລະ ມີຄວາມໄຫວພິບ, ແນ່ວແນ່ ເພື່ອສາມາດຮັບມືຢ່າງມີພິບໄຫວກັບທຸກສະພາວະການທີ່ເກີດຂຶ້ນ.
ຫ້າງຫາກະກຽມສະໜາມແຂ່ງ.
ທິມ Downhill Club ຮ່າໂນ້ຍ ໄປຫາຄວາມຮູ້ສຶກພະຈົນໄພທີ່ເຂດພູສູງ.
ທາງແຂ່ງສ່ວນຫຼາຍແມ່ນເຂດພູດອຍທຳມະຊາດ.
ບິນລົດຜ່ານໂນນສູງ.
ເຕັກນິກຖີບລົດບິນຜ່ານໂນນສູງ ໄດ້ສະມາຊິກໃນທິມ Downhill Club ຮ່າໂນ້ຍ ປະຕິບັດຢ່າງຊຳນິຊຳນານ.
ທັງລົງຄ້ອຍທັງລ້ຽວຂວາລ້ຽວຊ້າຍ ແມ່ນເຕັກນິກໜຶ່ງທີ່ຍາກຂອງ Downhill.
ບັນດາສະມາຊິກຂອງທິມ Downhill Club ຮ່າໂນ້ຍ.
ທ້າວ ຫງວຽນເຖ໋ດຶກ, ສະມາຊິກຂອງທິມ Downhill Club ຮ່າໂນ້ຍ ໃຫ້ຮູ້ວ່າ: “ນ້ອງເຂົ້າຮ່ວມໃນທິມໄດ້ກວ່າໜຶ່ງປີແລ້ວ, ຕອນຫາກໍ່ມາຫຼິ້ນ, ນ້ອງຕ້ອງເສຍເວລາ 1-2 ເດືອນເພື່ອຝຶກຊ້ອມບັນດາເຕັກນິກພື້ນຖານ, ຕໍ່ໄປຈະຊ້ອມເຕັກນິກທີ່ຍາກກວ່າ ຂຶ້ນກັບສະໜາມຊ້ອມ Downhill ຂອງທິມ. ໃນເວລາຫຼິ້ນ ກໍ່ອາດຈະຖືກບາດເຈັບງ່າຍ ແຕ່ກິລາປະເພດນີ້ ຕ້ອງຖືກບາດເຈັບໜ້ອຍໜຶ່ງ ເພື່ອຫາປະສົບການໃນເວລາຫຼິ້ນ”.
ພ້ອມກັບລົດຖີບທີ່ເໝາະສົບກັບຮ່າງກາຍຂອງແຕ່ລະຄົນ, ບັນດາສະມາຊິກຂອງທິມ Downhill Club ຮ່າໂນ້ຍ ໄດ້ເຮັດໃຫ້ພວກຂ້ອຍຮູ້ສຶກຕື່ນເຕັ້ນໃຈ ແລະ ຊື່ນຊົມຍິນດີເມື່ອຊົມເບິ່ງເຂົາເຈົ້າ ສະແດງບັນດາເຕັກນິກທີ່ຄ່ອງແຄ້ວ ຜ່ານທ່າລົດພຸ່ງຕົວລົງຄ້ອຍ, ບິນຜ່ານເສັ້ນທາງເປັນຫຼຸບເປັນໂນນ ແລະ ທາງໂຄ້ງດ້ວຍຄວາມໄວສູງ. Downhill ໄດ້ຮັບການຕີລາຄາເປັນໜຶ່ງໃນບັນດາປະເພດກິລາທີ່ຮຽກຮ້ອງຕ້ອງການຄວາມພະຈົນໄພຂອງຜູ້ຫຼິ້ນສູງ ແຕ່ສຳລັບສະມາຊິກທຸກຄົນໃນທິມ, ທຸກໆ ສິ່ງກີດຂວາງໃນການຫຼິ້ນ ໄດ້ນຳມາຄວາມຮູ້ສຶກປະທັບໃຈ, ຍ້ອນຫຼັງຈາກຜ່ານຜ່າເສັ້ນທາງທີ່ມີຄວາມສ່ຽງອັນຕະລາຍ, ເຂົາເຈົ້າຮູ້ສຶກຄືເອົາຊະນະຕົນເອງແລ້ວ. ປະຈຸບັນ, Downhill ພັດທະນາຢູ່ ຫວຽດນາມ ເປັນຢ່າງແຮງ, ແຕ່ສ່ວນຫຼາຍເຕົ້າໂຮມຢູ່ສອງນະຄອນໃຫຍ່ແມ່ນ ຮ່າໂນ້ຍ ແລະ ນະຄອນ ໂຮ່ຈີມິນ.
ບົດ: ເງິນຮ່າ - ພາບ: ເຕິດເຊີນ