• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ASEM:ສືບຕໍ່ມານະພະຍາຍາມຮ່ວມມືຢ່າງແຫນ້ນແຟ້ນກວ່າໃນການຮັບມືກັບການປ່ຽນແປງຂອງດິນຟ້າອາກາດ

ຕອນເຊົ້າວັນທີ 19 ມິຖຸນາ, ຢູ່ ນະຄອນ ເກີນເທີ ໄດ້ໄຂກອງປະຊຸມເວທີປາໄສການຮ່ວມມື ອາຊີ - ເອີລົບ (ASEM) ກ່ຽວກັບການເຄື່ອນໄຫວຮັບມືກັບການປ່ຽນແປງຂອງດິນຟ້າອາກາດ ເພື່ອແນໃສ່ບັນລຸຄາດໝາຍພັດທະນາແບບຍືນຍົງ, ກຳນົດທິດໃຫ້ອະນາຄົດ. 


 ທ່ານຮອງນາຍົກລັດຖະມົນຕີ ຟ້າມບີງມີງຕັດແຖບຜ້າໄຂພິທີ

ພາບ:vietnam+

ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຟ້າມບີງມີງ ຖືວ່າ: ບັນດາສະມາຊິກ ASEM ຄວນສືບຕໍ່ມານະພະຍາຍາມກວ່າອີກ, ຮ່ວມມືຢ່າງແຫນ້ນແຟ້ນ ແລະ ແທດຈິງກວ່າໃນສະພາບການປ່ຽນແປງຂອງດິນຟ້າອາກາດພວມກະທົບຢ່າງແຮງເຖິງການສ້າງຮູບປະທຳໃຫ້ຊີວິດໃນອະນາຄົດຂອງມວນມະນຸດ ແລະ ກາຍເປັນສິ່ງທ້າທາຍໃຫຍ່ສຸດຂອງຍຸກສະໄຫມ. ທ່ານຮອງນາຍົກລັດຖະມົນຕີ ສະເຫນີ: ກອງປະຊຸມ ASEM ຄວນປຶກສາຫາລື, ເຮັດແຈ້ງບາງທິດທາງການຮ່ວມມືໃຫມ່ໃນບັນດາບັນຫາ. ທ່ານຮອງນາຍົກລັດຖະມົນຕີ ກ່າວວ່າ:

“ບັນດາບັນຫາທີ່ພວກເຮົາປຶກສາຫາລືທີ່ກອງປະຊຸມຄັ້ງນີ້ ແລະ ຫລາຍຂໍ້ລິເລີ່ມ, ໂຄງການຈະໄດ້ຮັບການຜັນຂະຫຍາຍໃນໄລຍະຈະມາເຖິງ ຈະແມ່ນບາດກ້າວສຳຄັນເພື່ອຮັບຮອງເອົາທີ່ກອງປະຊຸມສຸດຍອດ ASEM ຄັ້ງທີ 12 ຈະມາເຖິງຢູ່ ບຣຸກແຊນ ປະເທດ ແບນຊິກ. ດ້ວຍຈິດໃຈນັ້ນ ຂ້າພະເຈົ້າປາດຖະຫນາວ່າ ກອງປະຊຸມຈະປຶກສາຫາລືຢ່າງແທດຈິງ, ຍົກອອກບັນດາມາດຕະການລະອຽດ ເພື່ອກຳນົດທິດໃຫ້ແກ່ການຮ່ວມມືລະຫວ່າງບັນດາສະມາຊິກ ASEM ໃນອະນາຄົດຢ່າງແຫນ້ນແຟ້ນກ່າອີກ.”

        ຫວຽດນາມ ແມ່ນຫນຶ່ງໃນ 5 ປະເທດຖືກຜົນກະທົບຢ່າງຫນັກຫນ່ວງທີ່ສຸດຈາກການປ່ຽນແປງຂອງດິນຟ້າອາກາດ ແລະ ນ້ຳທະເລຂຶ້ນ.

        ພາຍຫລັງພິທີໄຂກອງປະຊຸມ, ທ່ານຮອງນາຍົກລັດຖະມົນຕີ ຟ້າມບີງມີງ ໄດ້ເປັນປະທານພິທີເປີດສະຫລອງງານວາງສະແດງ “ການປ່ຽນແປງຂອງດິນຟ້າອາກາດ- ສິ່ງທ້າທາຍ ແລະ ກາລະໂອກາດຮ່ວມມື ອາຊີ - ເອີລົບ”.

 (ແຫຼ່ງຄັດຈາກ VOV)


ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ການ​ສົ່ງ​ອອກ​ສິນ​ຄ້າ​ຂອງ ຫວຽດ​ນາມ ໄປ​ຍັງ​ຕະຫຼາດ ອ​າ​ເມ​ລິ​ກາ ສືບ​ຕໍ່​ຟື້ນຕົວ​ຄືນ

ກວ່າເຄິ່ງໜຶ່ງມູນຄ່າການສົ່ງອອກຂອງ ຫວຽດນາມ ໄປຍັງ ອາເມລິກາ ແມ່ນບັນດາຜະລິດຕະພັນເຕັກໂນໂລຢີສູງ (ເຄື່ອງໃຊ້ເອເລັກໂຕນິກ, ໂທລະສັບສະມາດຟົນ), ເຄື່ອງຕັດຫຍິບ ແລະ ເກີບ, ສ່ວນຍັງເຫຼືອແມ່ນບັນດາຜະລິດຕະພັນອື່ນ ຄືເຄື່ອງເຟີນີເຈີ ແລະ ຜະລິດຕະພັນກະເສດ.

Top