08/01/2016 15:37 GMT+7 Email Print Like 0

APSC - ຂົວເຊື່ອມຕໍ່ເພື່ອສັນຕິພາບ ແລະ ຄວາມໝັ້ນຄົງ

ປະຊາຄົມອາຊຽນ (ASEAN) ໄດ້ຮັບການປະກົດເປັນຮູບເປັນຮ່າງ ໂດຍອີງໃສ່ 3 ເສົາຄ້ຳຄື: ປະຊາຄົມການເມືອງ-ຄວາມສະຫງົບ(APSC), ປະຊາຄົມເສດຖະກິດ(AEC) ແລະ ປະຊາຄົມວັດທະນະທຳ-ສັງຄົມ (ASCC); ໃນນັ້ນມີ APSC ເປັນເສົາຄ້ຳມີບົດບາດສຳຄັນ, ພິເສດ ໃນສະພາບແວດລ້ອມສະຖານະການຄວາມສະຫງົບ ການເມືອງ ໃນພາກພື້ນມີການຜັນແປຢ່າງສັບສົນ ແລະ ເຄັ່ງຕຶງ ບົນທະເລຕາເວັນອອກ ໃນໄລຍະຜ່ານມາ ຮຽກຮ້ອງບັນດາປະເທດ ອາຊຽນຕ້ອງປັບປຸງນຳ້ໃຈ ສາມັກຄີ, ຍົກສູງບົດບາດເປັນໃຈກາງກໍຄືບົດບາດຖານະຂອງອາຊຽນ ໃນການແກ້ໄຂບັນດາບັນຫາວ່າດ້ວຍຄວາມສະຫງົບຂອງພາກພື້ນ ແລະ ສາກົນ. 
APSC ໄດ້ຮັບການກຳເນີດຂຶ້ນເພື່ອສະພາບແວດລ້ອມໜຶ່ງແຫ່ງສັນຕິພາບ ແລະ ຄວາມສະຫງົບໃຫ້ແກ່ການພັດທະນາຢູ່ພາກພື້ນອາຊີຕາເວັນອອກສ່ຽງໃຕ້ ໂດຍຜ່ານການຍົກການຮ່ວມມືດ້ານການເມືອງ-ຄວາມສະຫງົບ ຂຶ້ນສູ່ ລະດັບສູງໃໝ່, ດ້ວຍການເຂົ້າຮ່ວມ ແລະ ປະກອບສ່ວນກໍ່ສ້າງ ຂອງບັນດາ ຄູ່ຮ່ວມມືພາຍນອກ. ຮ່ວມມືໃນຂອບເຂດ APSC ປະກອບດ້ວຍການຮ່ວມມື ຈັດສ້າງພື້ນຖານຄວາມສະຫງົບໜຶ່ງຢູ່ພາກພື້ນ, ຮັບມືກັບບັນດາສິ່ງທ້າທາຍ ຄວາມສະຫງົບເກີດຂຶ້ນໃໝ່ເຊ່ັນ: ອາດຊະຍາກຳຂ້າມຊາດ, ການກໍ່ ການຮ້າຍ, ຮັບມືກັບໄພທຳມະຊາດສຸກເສີນ ແລະ ການຮ່ວມມືກ່ຽວກັບ ຄວາມສະຫງົບດ້ານການເດີນທະເລ.

APSC ບໍ່ມຸ່ງສູ່ການປະກອບເປັນຮູບເປັນຮ່າງສຳພັນທະມິດການທະຫານ ຫຼືກຸ່ມປ້ອງກັນຮັກສາລວມຢູ່ພາກພື້ນ. ບັນດາປະເທດສະມາຊິກມີສິດເສລີ ເດີນໄປຕາມນະໂຍບາຍການຕ່າງປະເທດສ່ວນຕົວ ແລະ ຈັດວາງ ການປ້ອງກັນຮັກສາຕ່າງຫາກ.

ທ່ານລັດຖະມົນຕີກະຊວງປ້ອງກັນປະເທດ ຟຸ່ງກວາງແທງລົງນາມໃນຂໍ້ຖະແຫຼງການລວມວ່າດ້ວຍ “ຮັກສາຄວາມສະຫງົບ ແລະ ສະຖຽນລະພາບໃນພາກພື້ນ
ເພື່ອປະຊາຊົນ ແລະ ໂດຍປະຊາຊົນ” ທີ່ກອງປະຊຸມລັດຖະມົນຕີກະຊວງປ້ອງກັນປະເທດອາຊຽນຄັ້ງທີ 9 ຢູ່ມາເລເຊຍ. ພາບ: VNA



ກອງປະຊຸມຜູ້ບັງຄັບບັນຊາຕຳຫຼວດອາໍຊຽນ (ASEANAPOL) ຄັ້ງທີ 35 ທີ່ຈາກາຕາ (ອິນໂດເນເຊຍ) ປຶກສາຫາລືກ່ຽວກັບວິທີແກ້ໄຂ
ເພີ່ມທະວີການຮ່ວມມືຮັບປະກັນຄວາມສະຫງົບພາກພື້ນ. ພາບ: ໂດ໊ກວຽນ/VNA



ກອງປະຊຸມເວທີປາໄສຄວາມສະຫງົບພາກພື້ນອາຊຽນຄັ້ງທີ 17 (ARF-17) ທີ່ຮ່າໂນ້ຍ. ພາບ: ຍາຍຊ໋າງ/VNA


ຫວຽດນາມ ແລະ ກຳປູເຈຍລົງນາມໃນຂໍ້ຕົກລົງກ່ຽວກັບການຮ່ວມມືຂະຈັດໄພຄ້າຂາຍແມ່ຍິງ ແລະ ເດັກນ້ອຍ. ພາບ: ຫງວຽນຫືວຮ່າ/VNA

ໃນຖະແຫຼງການບາລີ II, ຮັບຮອງເອົາທີ່ກອງປະຊຸມຂັ້ນສູງ ອາຊຽນ ເມື່ອ ເດືອນກັນຍາ 2003 ທີ່ບາລີ, ອິນໂດເນເຊຍ, ປະຊາຄົມຄວາມສະຫງົບ ອາຊຽນ (ASC), ພາຍລຸນມາປ່ຽນຊື່ເປັນປະຊາຄົມການເມືອງ-ຄວາມສະຫງົບ (APSC) ໄດ້ກຳນົດເປັນໜຶ່ງໃນ 3 ເສົາຄ້ຳຫຼັກແຫຼ່ງຂອງ ປະຊາຄົມອາຊຽນ, ແນໃສ່ນຳການຮ່ວມມືດ້ານການເມືອງ-ຄວາມສະຫງົບ ພາກພື້ນຂຶ້ນສູ່ລະດັບສູງໃໝ່, ເພື່ອໃຫ້ປະເທດຕ່າງໆໃນພາກພື້ນ ໄດ້ໃຊ້ ຊີວິດໃນສະພາບແວດລ້ອມແຫ່ງສັນຕິພາບ, ສະເໝີພາບ, ປະຊາທິປະໄຕ ແລະ ສອດຄ່ອງປອງດອງກັນ.

ແຜນສັງລວມກໍ່ສ້າງ APSC ໄດ້ຮັບຮອງເອົາທີ່ກອງປະຊຸມຂັ້ນສູງອາຊຽນ ປີ 2009 ກຳນົດ 3 ປັດໃຈຕົ້ນຕໍຂອງ APSC ລວມມື: ກໍ່ສ້າງປະຊາຄົມໜຶ່ງ ໂດຍອີງໃສ່ບັນດາຄຸນຄ່າ ແລະ ມາດຕະຖານລວມ, ຈັດສ້າງເປັນພາກພື້ນ ໜຶ່ງ ທີ່ມີຄວາມພົວພັນອັນສະໜິດແໜ້ນ, ສັນຕິພາບ ແລະ ສ້າງຄວາມ ເຂັ້ມແຂງດ້ວຍຕົນເອງ ດ້ວຍຄວາມຮັບຜິດຊອບລວມຕໍ່ຄວາມສະຫງົບ ຮອບດ້ານ(ລວມທັງບັນດາການນາບຂູ່ດ້ານການທະຫານ ແລະ ປອດທະຫານ), ມຸ່ງສູ່ພາກພື້ນໜຶ່ງທີ່ຂະຫຍັນຂັນແຂງ ແລະ ເປີດກວ້າງ ກັບພາຍນອກໃນໂລກໜຶ່ງທີ່ນັບມື້ນັບມີການຮ່ວມສຳພັນ ແລະ ຂຶ້ນກັບ.

ຕາມແຜນການນັ້ນ, ອາຊຽນໄດ້ ແລະ ພວມຍູ້ແຮງການຮ່ວມມື ກ່ຽວກັບ ການເມືອງ, ແບ່ງປັນບັນດາມາດຖານ, ຮ່ວມມືກໍ່ສ້າງຄວາມໄວ້ວາງໃຈ, ຊຸກຍູ້ການພົບປະສົນທະນາ, ຄວາມຮັບຮູ້ເຂົ້າໃຈເຊິ່ງກັນ ແລະ ກັນ ແນໃສ່ ສະກັດກັ້ນການທະເລາະພິພາດ; ຊຸກຍູ້ານຮ່ວມມືກ່ຽວກັບ ດ້ານ ປ້ອງກັນຊາດ-ປ້ອງກັນຄວາມສະຫງົບ, ຄົ້ນຄວ້າບັນດາມາດຕະການແກ້ໄຂ ຂໍ້ພິພາດໂດຍສັນຕິວິທີ ແລະ ຮ່ວມມືຈັດສ້າງສັນຕິພາບຫຼັງພິພາດ ກໍຄືຮ່ວມມືໃນຂົງເຂດຄວາມສະຫງົບເກີດຂຶ້ນໃໝ່.

ການແຂ່ງຂັນຍິງປືນກອງທັບບັນດາປະເທດອາຊຽນຄັ້ງທີ 24 (AARM-24) ຊຶ່ງໄດ້ຮັບການຈັດຂຶ້ນທີ່ຫວຽດນາມ
ເປັນໂອກາດເພື່ອບັນດານັກຍິງປືນບັນດາປະເທດອາຊຽນ ໄດ້ພົບປະແລກປ່ຽນ,
ຫາຮູ້ບົດຮຽນເຊິ່ງກັນ ແລະ ກັນ. ພາບ: ຫວຽດເກື່ອງ/VNP



ຫວຽດນາມຈັດຕັ້ງການເຝິກແອບຮັບມືກັບມະຫາໄພແຫ່ງທຳມະຊາດພາກພື້ນອາຊຽນຄັ້ງທີ 13(ARDEX-13). ພາບ: ອານດັງ/VNA


ຕຳຫຼວດທະເລຫວຽດນາມເຝິກຊ້ອມຕ້ານໂຈນສະລັດໃນທະເລມີອາວຸດ, ຮັບປະກັນຄວາມສະຫງົບປອດໄພໃນການເດີນທະເລ. ພາບ: ຈ້ອງດຶກ/VNA


ສະມາຄົມກາແດງຫວຽດນາມ ເຝິກຊ້ອມການສະກັດກັ້ນ ແລະ ຮັບມືກັບມະຫາໄພ. ພາບ: ແທງຕຸ່ງ/VNA


ຮ່າໂນ້ຍເຝິກຊ້ອມການປ້ອງກັນ ແລະ ຕ້ານໂລກລະບາດ MERS-CoV. ພາບ: ເຢືອງຫງອກ/VNA


ຫວຽດນາມເຝິກຊ້ອມການຮັບມືກັບອຸບັດເຫດຖ້ວມນ້ຳມັນບົນທະເລ. ພາບ: ເຈີ່ນເລເລີມ/VNA
 
ບັນດາຂົງເຂດຮ່ວມມືໃນເສົາຄ້ຳ APSC ນັບມືນັບໄດ້ຍູ້ແຮງ ແລະ ເຂົ້າສູ່ ລວງເລິກ ຊຶ່ງສະແດງອອກມາໃນເອກະສານສະບັບຕ່າງໆເຊັ່ນ: ສົນທິສັນຍາ ມິດຕະພາບ ແລະ ຮ່ວມມື(TAC), ສົນທິສັນຍາກ່ຽວກັບພາກພື້ນອາຊີ ຕາເວັນອອກສ່ຽງໃຕ້ປອດອາວຸດນິວເກຼຍ(SEANWFZ), ຂໍ້ຖະແຫຼງການ ກ່ຽວກັບກັບການປະພຶດຕໍ່ຂອງຝ່າຍຕ່າງໆຢູ່ທະເລຕາເວັນອອກ(DOC) ຫຼື ຮັບຮອງເອົາກົນໄກຕ່າງໆເຊ່ັນກອງປະຊຸມລັດຖະມົນຕີອາຊຽນ(ADMM), ເວທີປາໄສວ່າດ້ວຍທະເລອາຊຽນ (AMF) ແລະ AMF ເປີດກວ້າງ (EAMF)…

ແນໃສ່ປັບປຸງ ແລະ ຮັກສາໄວ້ບົດບາດເປັນໃຈກາງໃນໂຄງປະກອບພາກພື້ນ, ອາຊຽນໄດ້ເປີດກວ້າງ ແລະ ເຮັດໃຫ້ເລິກເຊິ່ງກວ່າຢ່າງບໍ່ຢຸດຢັ້ງ ສາຍພົວພັນ ຮ່ວມມືຮອບດ້ານ, ຕ່າງຝ່າຍຕ່າງມີຜົນປະໂຫຍດກັບບັນດາຄູ່ຮ່ວມມື, ຊຸກຍູ້ ແລະ ເຮັດໃຫ້ອຸດົມສົມບຸນບັນດາເວທີປາໄສພົບປະສົນທະນາ ແລະ ຮ່ວມມື ຢູ່ພາກພື້ນໂດຍອາຊຽນເປັນເຈົ້າພາບເຊັ່ນ ອາຊຽນ+1, ອາຊຽນ+3, ກອງປະຊຸມຊັ້ນສູງອາຊີຕາເວັນອອກ(EAS), ເວທີປາໄສພາກພື້ນອາຊຽນ (ARF), ກອງປະຊຸມ ADMM ເປີດກວ້າງ (ADMM+) ກັບ 8 ຄູ່ຮ່ວມມື(ລວມມີອົສຕາລີ, ຈີນ, ອິນເດຍ, ນິວຊີແລນ, ສ.ເກົາຫຼີ, ລັດເຊຍ ແລະ ອາເມລິກາ), ສ້າງເງື່ອນໄຂລະດົມກຳລັງໃຈບັນດາຄູ່ຮ່ວມມືເຂົ້າຮ່ວມປະກອບສ່ວນຢ່າງຕັ້ງໜ້າ, ກໍ່ສ້າງ ບົນພື້ນຖານເຄົາລົບນັບຖືບັນດາຈຸດໝາຍ ແລະ ຫຼັກການ ການພົວພັນທີ່ອາຊຽນໄດ້ວາງອອກ, ສຳລັບບັນດາບັນຫາກ່ຽວພັນເຖິງສັນຕິພາບ, ສະຖຽນລະພາບ ແລະ ພັດທະນາຢູ່ພາກພື້ນກໍຄືຊ່ວຍໜູນອາຊຽນ ເພີ່ມທະວີການຮ່ວມສຳພັນ ແລະ ກໍ່ສ້າງປະຊາຄົມ.

ຈາກການກຳເນີດຂຶ້ນຂອງ ARF ປີ 1994 ເຖິງແນວຄວາມຄິດກໍ່ສ້າງປະຊາຄົມຄວາມສະຫງົບອາຊຽນປີ 2003 ແລະ ຂໍ້ຕົກລົງຂອງກອງປະຊຸມຂັ້ນສູງອາຊຽນ 2007 ກ່ຽວກັບການກໍ່ສ້າງ APSC ຄືດັ່ງໜຶ່ງໃນ 3 ເສົາຄ້ຳຕົ້ນຕໍຂອງປະຊາຄົມອາຊຽນ ເປັນບາດກ້າວໃຫຍ່ຂອງບັນດາປະເທດສະມາຊິກໃນຄວາມມານະພະຍາຍາມສາມັກຄີ, ເພີ່ມທະວີກຳລັງແຮງຂອງກຸ່ມ, ພ້ອມແລ້ວທ່ີຈະຮັບມືກັບບັນດາສິ່ງທ້າທາຍໃນຍຸກໃໝ່, ເພື່ອຜົນປະໂຫຍດ ລວມຂອງໝົດທຸກປະເທດສະມາຊິກອາຊຽນແມ່ນສັນຕິພາບ, ສະຖຽນລະພາບ, ພັດທະນາເສດຖະກິດເພື່ອຄວາມສະຫງົບ ແລະ ວັດຖະນາຖາວອນລວມຂອງພາກພື້ນ.
ປະຕິບັດໂດຍ: VNA/VNP
ບັນດາບົດທີ່ຖືກນຳສະເໜີ