02/03/2017 10:35 GMT+7 Email Print Like 0

APEC2017:ມື້ເຮັດວຽກທີ12,ກອງປະຊຸມSOM1ແລະບັນດາການປະຊຸມກ່ຽວຂ້ອງ

ກອງ​ປະ​ຊຸມ SOM 1 ໃນ​ວັນ​ທີ 28/2
ພາບ:TTXVN
      ວັນ​ທີ 1/3 ຢູ່ ນະ​ຄອນ ຍາ​ຈາງ ແຂວງ ແຄງ​ຮ​ວ່າ, ກອງ​ປະ​ຊຸມ​ຄັ້ງ​ທີ​ຫນຶ່ງ​ບັນ​ດາ​ເຈົ້າ​ຫນ້າ​ທີ່​ອະ​ວຸ​ໂສ​ເວ​ທີ​ປາ​ໄສ​ຮ່ວມ​ມື​ເສດ​ຖະ​ກິດ ອາ​ຊີ ປາ​ຊີ​ຟີກ 2017 ແລະ​ບັນ​ດາ​ກອງ​ປະ​ຊຸມ​ກ່ຽວ​ຂ້ອງ​ໄດ້​ກ້າວ​ເຂົ້າ​ສູ່ມື້​ເຮັດ​ວຽກ​ທີ 12. ໃນ​ຂອບ​ເຂດກອງ​ປະ​ຊຸມນີ້, ບັນ​ດາ​ຜູ້​ແທນ​ໄດ້​ສຸມ​ໃສ່​ປຶກ​ສາ​ຫາ​ລື 3 ບັນ​ຫາ​​ຕົ້ນ​ຕໍ​ຄື: ຫັນ​ບັນ​ດາ​ເນື້ອ​ໃນເປັນ​ລະ​ອຽດ,  ​ສະ​ເຫນີ​ບັນ​ດາ​ຂ​ໍ້​ລິ​ເລີ່ມ​ ​ຜັນ​ຂະ​ຫຍາຍ 4 ບຸ​ລິ​ມະ​ສິດ​ຂອງ​ປີ APEC 2017 ກ່ຽວ​ກັບ​ການ​ຊຸກ​ຍູ້​ການ​ເຕີບ​ໂຕ​ແບບ​ຍືນ​ຍົງ, ກວມ​ລວມ ແລະ ມີ​ຫົວ​ຄິດ​ປະ​ດິດ​ສ້າງ​, ຍູ້​ແຮງ​ການ​ຮ່ວມ​ສ​ຳ​ພັນ​ດ້ານ​ເສດ​ຖະ​ກິດ​ພາກ​ພື້ນ​ຢ່າງ​ເລິ​ກ​ເຊິ່ງກວ້າງ​ຂວາງ, ຍົກ​ສູງ​ກຳ​ລັງ​ຄວາມ​ສາ​ມາດ​ແກ້ງ​ແຍ່ງ, ການ​ມີ​ຫົວ​ຄິດ​ປະ​ດິດ​ສ້າງ​ຂອງ​ບັນ​ດາ​ວິ​ສາ​ຫະ​ກິ​ດ​ຂະ​ຫນາດ​ກາງ ແລະ ນ້ອຍ, ນ້ອຍ​ສຸດ​ໃນ​ສັງ​ກະ​ລາດ​ດີ​ຈີ​ຕອນ, ເພີ່ມ​ທະ​ວີ​ການ​ຄ້ຳ​ປະ​ກັນ​ດ້ານ​ສະ​ບຽງ​ອາ​ຫານ ແລະ ກະ​ສິ​ກຳ​ແບບ​ຍືນ​ຍົງ, ຮັບ​ມື​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ. ບັນ​ດາ​ການ​ປະ​ຊຸມ​ກໍ​ສຸມ​ໃສ່​ປຶກ​ສາ​ຫາ​ລື​ກ່ຽວ​ກັບ​ແຜນ​ການ​ຜັນ​ຂະ​ຫຍາຍ​ບັນ​ດາ​ບຸ​ລິ​ມະ​ສິດ​ຂອງ 4 ຄະ​ນະ​ກຳ​ມະ​ການ​ກ່ຽວ​ກັບ​ການ​ຄ້າ ແລະ ການ​ລົງ​ທຶນ, ເສດ​ຖະ​ກິດ, ການ​ຮ່ວມ​ມື​ເສດ​ຖະ​ກິດ ແລະ ເຕັກ​ນິກ, ງົບ​ປະ​ມານ ແລະ ການ​ຄຸ້ມ​ຄອງ ແລະ ບັນ​ດາ​ການ​ຮ່ວມ​ມື​ອື່ນ​ຂອງ​ເວ​ທີ​ປາ​ໄສ​ຮ່ວມ​ມື​ເສດ​ຖະ​ກິດ ອາ​ຊີ ປາ​ຊີ​ຟີກ ແລະ ການ​ກຳ​ນົດ​ທິດ​ບັນ​ດາ​ການ​ເຄື່ອນ​ໄຫວ​ເວ​ທີ​ປາ​ໄສ​ຮ່ວມ​ມື​ເສດ​ຖະ​ກິດ ອາ​ຊີ ປີ​ຊີ​ຟີກ ປີ 2017.
 (ແຫຼ່ງຄັດຈາກ VOV)