10/01/2015 00:01 GMT+7 Email Print Like 0

60 ປິ ແຫ່ງການຮ່ວມທາງ ກັບຊົນນະບົດ ຢູ່ ນະຄອນຫຼວງ ຮ່າໂນ້ຍ

ຫຼັງຈາກປົດປ່ອຍນະຄອນຫຼວງ ພຽງກວ່າໜຶ່ງເດືອນ (10/10/1954), ພະແນກກະສິກຳ ຮ່າໂນ້ຍ ໄດ້ຮັບການສ້າງຕັ້ງຂຶ້ນ ຕາມດຳລັດ ເລກ 10-CN/ND ຂອງກະຊວງ ກະສິກຳ. ມາເຖິງປະຈຸບັນນີ້, ເຖິງວ່າ ຕ້ອງຜ່ານຜ່າ ຄວາມຫຍຸ້ງຍາກຫຼາຍປະການ ຂອງປະເທດຊາດ ກໍ່ຕາມ, ແຕ່ຂະແໜງກະສິກຳ ຮ່າໂນ້ຍ ໄດ້ມີຄວາມປະດິດສ້າງ ຢ່າງບໍ່ຢຸດຢັ້ງ, ເຮັດໃຫ້ ຂະແໜງເສດຖະກິດ ກະສິກຳຂອງນະຄອນຫຼວງ ພັດທະນາຂຶ້ນ ຢ່າງແຂງແຮງ ແລະ ເຊື່ອມໂຍງ ກັບສາກົນຢ່າງເລິກເຊິ່ງ, ກວ້າງຂວາງ ເປັນ ເທື່ອລະກ້າວ.

 

ບັນດາຕົວແບບ ເສດຖະກິດ ຊົນນະບົດ ຢູ່ກາງນະຄອນ
ເມື່ອເວົ້າເຖິງຜົນສຳເລັດ ຂອງຂະແໜງກະສິກຳ ຮ່າໂນ້ຍ ໃນ 60 ປີ ແຫ່ງການພັດທະນາ ນະຄອນຫຼວງ, ພະນັກງານ ທຸກໆ ລຸ້ນຂອງພະແນກກະສິກຳ ແລະ ພັດທະນາ ຊົນນະບົດ ຮ່າໂນ້ຍ ກໍ່ຄຳນຶງເຖິງຂີດໝາຍອັນສຳຄັນຄື ຮ່າໂນ້ຍ ໄດ້ເປີດກວ້າງ ເຂດແດນການບໍລິຫານ ໃນເມື່ອປີ 2008. ຕອນນັ້ນ, ຂະແໜງກະສິກຳ ຮ່າໂນ້ຍ ໄດ້ຄຸ້ມຄອງເນື້ອທີ່ດິນກະສິກຳກວ່າ 188.600 ເຮັກຕາ, ກວມເອົາເນື້ອທີ່ດິນຂອງທົ່ວນະຄອນ ຮ່າໂນ້ຍ ເຖິງ 56,7%. ດ້ວຍພົນລະເມືອງ ເກືອບສີ່ ລ້ານຄົນ ພວມດຳລົງຊີວິດຢູ່ເຂດຊົນນະບົດ, ກວມ 57% ພົນລະເມືອງ ຮ່າໂນ້ຍ ເປັນສິ່ງທ້າທາຍບໍ່ໜ້ອຍ ເພື່ອການພັດທະນາກະສິກຳ ຢູ່ໃຈກາງ ນະຄອນ.

ຫວນຄືນໄລຍະນັ້ນ, ທ່ານ ຫງວຽນວັນຈີ, ອຳນວຍການໃຫຍ່ສູນສົ່ງເສີມກະສິກຳ ຮ່າໂນ້ຍ ໃຫ້ຮູ້ວ່າ: “ເມື່ອປີ 2008, ຫຼັງຈາກເປິດກວ້າງ ເຂດແດນ ການບໍລິຫານ, ຮ່າໂນ້ຍ ມີພົນລະເມືອງທຳການເຄື່ອນໄຫວ ໃນຂົງເຂດກະສິກຳ ຫຼາຍກວ່າໝູ່ ຖ້າທຽບກັບບັນດາແຂວງ, ນະຄອນຕ່າງໆ ໃນທົ່ວປະເທດ, ແຕ່ປະກອບສ່ວນໃຫ້ພື້ນຖານ ເສດຖະກິດຂອງນະຄອນຫຼວງບໍ່ຫຼາຍປານໃດ. ເມື່ອຂະແໜງກະສິກຳ ຮ່າໂນ້ຍ ເລີ່ມສ້າງແຜນການ ເປົ້າໝາຍແຫ່ງຊາດ ກໍ່ສ້າງ ຊົນນະບົດໃໝ່ ໄລຍະ 2010-2020, ພວກຂ້າພະເຈົ້າ ຈຶ່ງປະຕິບັດການສ້າງແຜນສັງລວມ ແລະ ລົງທຶນ ຢ່າງມີຈຸດສຸມ ຢູ່ບັນດາເຂດຜະລິດກະສິກຳ ທີ່ມີ ຂະໜາດໃຫຍ່ຂອງຮ່າໂນ້ຍ”.


ຕົວແບບປູກໝາກມັງກອນເນື້ອແດງ ທີ່ຕາແສງ ກິມກວານ, ເມືອງແທກເທີດ ນຳມາຊຶ່ງຄຸນຄ່າເສດຖະກິດສູງ. ພາບ: ຈິ້ງວັນໂບ້/VNP

ການບົວລະບັດດອກໄມ້ທີ່ບ້ານດອກໄມ້ ເຕັກໂນໂລຢີສູ ໄຕຕື້ວ, ເມືອງ ຕືລຽມ. ພາບ: ຮວ່າງຮ່າ/VNP

ໝາກສົ້ມໂອ ຢຽນ ກາຍເປັນປະເພດສິນຄ້າ ທີ່ມີຄຸນນະພາບສູງ ແລະ ຮັບຄວາມນິຍົມຊົມຊອບຈາກລູກຄ້າ. . ພາບ: ທົງຫາຍ/VNP

ຕົວແບບລ້ຽງນົກຍູງ, ນົກຂົວຢູ່ນິຄົມຂອງອ້າຍ ເຈີ່ນຍືຢາບ ທີ່ຕາແສງ ດົງໝີ໋ ນຳມາລາຍຮັບດ້ານເສດຖະກິດສູງ. ພາບ: ທົງທ້ຽນ/VNP

ການປຸງແຕ່ງຂັ້ນຕົ້ນຜັກປອດສານພິດ ທີ່ຕາແສງ ຢວຽນຮ່າ. ພາບ: ທົງທ້ຽນ/VNP

ນັກຮຽນອະນຸບານທີ່ຕາແສງ ດົງໝີ໋ ໄດ້ຮຽນໃນໂຮງຮຽນໜັງໃໝ່ ທີ່ໄດ້ຮັບການກໍ່ສ້າງດ້ວຍແຫຼ່ງທຶນກໍ່ສ້າງຊົນນະບົດໃໝ່. ພາບ: ເອກະສານປະກອບ

ຕົວແບບປູກຕົ້ນໄມ້ປະດັບເອ້ ທີ່ຕາແສງ ໂຮ່ງເວີນ, ເມືອງ ເຖື່ອງຕີນ ນຳມາລາຍຊຶ່ງຮັບສູງໃຫ້ແກ່ຊາວກະສິກອນ. ພາບ: ວັນກວ່ຽນ/VNP

ຕົວແບບ ລ້ຽງງົວພັນນົມ ທີ່ຕາແສງ ຕານຫຼີງ, ເມືອງ ບາວີ່. ພາບ: ຈິ້ງວັນໂບ້/VNP
ຈາກບັນດາແຜນສັງລວມດັ່ງກ່າວນັ້ນ, ບັນດາເຂດຜະລິດກະສິກຳສະເພາະໄດ້ຮັບການກໍ່ສ້າງຄື: ເຂດລ້ຽງງົວພັນນົມ ບາວີ່; ເຂດປູກດອກໄມ້ເຕັກໂນໂລຢີສູງ ໄຕຕື້ວ; ເຂດເຮັດນາຄຸນນະພາບສູງ ດົງແອ໋ງ, ເຖື່ອງຕິນ ແລະ ດານເຟື້ອງ; ເຂດຜະລິດຜັກປອດສານພິດ ຢວຽນຮ່າ ແລະ ຕ່ຽນເລ້; ເຂດລ້ຽງສັດ ດົງແອ໋ງ, ຕີ່ລຽມ, ຊອກເຊີນ ແລະ ເຊີນໄຕ; ເຂດປູກໝາກກ້ຽງຫວານ ແກ໋ງ ແລະ ໝາກສົ້ມໂອ ຢຽນ,

ຫຼັງຈາກປະຕິບັດເປົ້າໝາຍດັ່ງກ່າວມາເປັນເວລາ 3 ປີ, ສິນຄ້າກະສິກຳ ຮ່າໂນ້ຍ ຫຼາຍຊະນິດ ໄດ້ກາຍເປັນເຄື່ອງໝາຍການຄ້າ ທີ່ໄດ້ຮັບຄວາມ ນິຍົມຊົມຊອບ ຂອງ ຜູ້ບໍລິໂພກ ຢ່າງຫຼວງຫຼາຍ ຄື: ນ້ຳນົມ ບາວີ່, ໝາກກ້ຽງຫວານ ແກ໋ງ, ໝາກສົ້ມໂອ ຢຽນ, ຜັກປອດສານພິດ ຕ່ຽນເລ້ ແລະ ອື່ນ…

ນຳໜ້າໃນຂະບວນການກໍ່ສ້າງຊົນນະບົດໃໝ່
ໃນຊຸມປີຜ່ານມາ, ຂະແໜງກະສິກຳ ຮ່າໂນ້ຍ ໄດ້ປະຕິບັດແຜນການເປົ້າໝາຍແຫ່ງຊາດ ກໍ່ສ້າງຊົນນະບົດໃໝ່ ຢ່າງຂ້ຽວຂາດ. ເຖິງທ້າຍປີ 2013, ຮ່າໂນ້ຍ ມີ 19/19 ເມືອງ ແລະ 100% ຕາແສງ ໄດ້ອະນຸມັດຜ່ານແຜນສັງລວມ ແລະ ແຜນຮ່າງກໍ່ສ້າງຊົນນະບົດໃໝ່. ມາເຖິງເດືອນຕຸລາ 2014, ຮ່າໂນ້ຍ ມີ 50 ຕາແສງ ບັນລຸມາດຕະຖານຊົນນະບົດໃໝ່, 153 ຕາແສງບັນລຸແຕ່ 14-18 ມາດຖານ, 148 ຕາແສງບັນລຸແຕ່ 10-13 ມາດຖານ ແລະ 50 ຕາແສງບັນລຸແຕ່ 5-9 ມາດຖານ.

ຫຼັງຈາກປະຕິບັດແຜນການກໍ່ສ້າງຊົນນະບົດໃໝ່ ມາເປັນເວລາ 3 ປີ, ພື້ນຖານໂຄງລ່າງເສດຖະກິດ-ສັງຄົມ ເຂດຊົນນະບົດ ໄດ້ຍົກລະດັບ ຢ່າງບໍ່ຢຸດຢັ້ງ. 9 ເດືອນຕົ້ນປີ 2014, ຕົວເລກຄົນທຸກຍາກ ໃນທົ່ວນະຄອນ ລົດລົງໄດ້ 8.095 ຄອບຄົວ, ຫຼຸດຜ່ອນອັດຕາສ່ວນ ຄົນທຸກຍາກຢູ່ເຂດຊົນນະບົດ ຍັງເຫຼືອພຽງ 3,3%. ລາຍຮັບສະເລ່ັຍຕໍ່ຫົວຄົນຢູ່ເຂດຊົນນະບົດ ໃນປີ 2013 ບັນລຸໄດ້ກວ່າ 24 ລ້ານດົ່ງ.
 

ໄລ່ມາເຖິງເດືອນກຸມພາ 2014, ຮ່າໂນ້ຍ ປະຕິບັດການ ໂຮມເນື້ອທີ່ເພາະປູກເປັນທົ່ງໃຫຍ່ໄດ້ກວ່າ 73.000 ເຮັກຕາ,
ບັນລຸໄດ້ 95,9% ຕາມເປົ້າໝາຍທີ່ວາງອອກ. ພາບ: ທົງຫາຍ/VNP

ຫຼັງຈາກສຳເລັດວຽກງານໂຮມເນື້ອທີ່ເພາະປູກເປັນທົ່ງໃຫຍ່, ຊາວກະສິກອນຢູ່ນະຄອນຫຼວງ
ສາມາດນຳໃຊ້ເຄື່ອງຈັກໃນການຜະລິດເຂົ້າ. ພາບ: ທົງທຽນ/VNP


ຊາວບ້ານ ໂຮ່ງຝອງ (ເມືອງ ເຈືອງໝີ໋) ນຳໃຊ້ວິທີການບົ່ມນາແບບໃໝ່. ພາບ: ເອກະສານປະກອບ

ເຂດປູກຜັກປອດສານພິດ ຢວຽນຮ່າ, ເມືອງແທງຈີ່ ໄດ້ຮັບການລົງທຶນກໍ່ສ້າງໂຮງງານກຳຈັດນ້ຳ ທີ່ມີມູນຄ່າກວ່າ 1 ຕື້ດົ່ງ. ພາບ: ທົງທ້ຽນ/VNP

ລະບົບຊົນລະປະທານຊ່ວຍເຮັດໃຫ້ພໍ່ແມ່ປະຊາຊົນ ສະດວກສະບາຍກວ່າໃນການເຮັດກະສິກຳ. ພາບ: ທົງຫາຍ/VNP
ໃນກອງປະຊຸມຄະນະຊີ້ນຳ ຂອງນະຄອນ ຮ່າໂນ້ຍ ກ່ຽວກັບຂະບວນການກໍ່ສ້າງຊົນນະບົດໃໝ່ ທີ່ໄດ້ຮັບການຈັດຂຶ້ນໃນໄລຍະ ກາງເດືອນຕຸລາຜ່ານມາ, ມີອີກ 84 ຕາແສງມາຈົດທະບຽນ ຈະສຳເລັດການກໍ່ສ້າງ ຊົນນະບົດໃໝ່ ໃນໄລຍະທ້າຍປີ 2014.

ຄຽງຄູ່ກັນນັ້ນ, ພື້ນຖານໂຄງລ່າງ ຢູ່ຊົນນະບົດ ມີການປ່ຽນແປງຢ່າງແຂງແຮງ. ມາເຖິງປະຈຸບັນ, ລວມມູນຄ່າລົງທຶນ ໃຫ້ແກ່ການກໍ່ສ້າງຊົນນະບົດໃໝ່ແມ່ນ 17.103 ຕື້ດົ່ງ, ໃນນັ້ນ ແຫຼ່ງທຶນລະດົມຈາກວິສາຫະກິດ ແລະ ບັນດາອົງການຕ່າງໆ ແມ່ນ 1.966,4 ຕື້ດົ່ງ, ປະຊາຊົນປະກອບສ່ວນກວ່າ 1.691,7 ຕື້ດົ່ງ. ເຖິງວ່າ ໃນມາດຖານກໍ່ສ້າງຊົນນະບົດໃໝ່ ມີຫຼາຍຂໍ້ຍາກທີ່ຈະປະຕິບັດໄດ້, ແຕ່ ຮ່າໂນ້ຍ ຍັງບັນລຸໄດ້ຜົນສຳເລັດສູງຄື: ຕາແສງມີເສັ້ນທາງປູເບຕົງ ແຕ່ບ້ານ ຫາຫ້ອງການບ້ານ ບັນລຸ 100%; ທຸກເສັ້ນທາງໃນບ້ານໄດ້ປູເບຕົງ ບັນລຸ 95%; 98% ຈຳນວນຕາແສງມີໜ່ວຍງານເກັບຂີ້ເຫຍື້ອ; ອັດຕາສ່ວນ ຊາວກະສິກອນໄດ້ນຳໃຊ້ນ້ຳສະອາດ ບັນລຸ 91,6%; ອັດຕາສ່ວນຄຸ້ມບ້ານ, ຄຸ້ມປະຊາຊົນ ມີຫ້ອງການວັດທະນະທຳ ແລະ ກິລາ ບັນລຸ 80,5%...

ເວົ້າເຖິງຂະບວນການກໍ່ສ້າງຊົນນະບົດໃໝ່ ຢູ່ນະຄອນຫຼວງ, ທ່ານ ຈູຝູໝີ໋ ຢືນຢັນວ່າ: “ພາຍຫຼັງການເຄື່ອນໄຫວກໍ່ສ້າງຊົນນະບົດໃໝ່ ມາເປັນເວລາ 4 ປີ, ຊົນນະບົດ ຮ່າໂນ້ຍ ໄດ້ມີການປ່ຽນແປງ ຢ່າງກະໂດດຂັ້ນ ແລະ ເປັນທ້ອງຖິ່ນ ມີຈຳນວນຕາແສງ ສຳເລັດມາດຖານ ກໍ່ສ້າງຊົນນະບົດໃໝ່ ແຖວໜ້າໃນທົ່ວປະເທດ. ສິ່ງດັ່ງກ່າວ ປະກອບສ່ວນບໍ່ໜ້ອຍ ເຂົ້າໃນການກໍ່ສ້າງ ໂສມໜ້າໃໝ່ ຂອງນະຄອນຫຼວງ ໃນເວລາ 60ປີ ແຫ່ງການກໍ່ສ້າງ ແລະ ພັດທະນາ”.
ບົດ: ທົງທ້ຽນ - ພາບ: ຮວ່າງຮ່າ, ຈິ້ງວັນໂບ້, ວັນກວ່ຽນ, ທົງຫາຍ
ບັນດາບົດທີ່ຖືກນຳສະເໜີ