(ພາບປະກອບ: ກະຊວງສາທາລະນະສຸກ)
ຕາມຂ່າວຈາກຄະນະຊີ້ນຳແຫ່ງຊາດກ່ຽວກັບວຽກງານປ້ອງກັນ ແລະ ສະກັດກັ້ນໂລກລະບາດໂຄວິດ - 19, ເມື່ອຕອນເຊົ້າວັນທີ 31 ພຶດສະພາ ໃຫ້ຮູ້ວ່າ ໃນ 45 ວັນຢ່າງລຽນຕິດ, ຫວຽດນາມບໍ່ພົບຜູ້ຕິດເຊື້ອພະຍາດໂຄວິດ - 19 ໃນຊຸມຊົນ (ນັບແຕ່ເວລາ 18 ໂມງຂອງວັນທີ 16 ເມສາ ຫາ ເວລາ 6 ໂມງ ຂອງວັນທີ 31 ພຶດສະພາ). ທົ່ວປະເທດມີຜູ້ຕິດເຊື້ອພຽງ 328 ຄົນ, ໃນນັ້ນ ມີ 188 ກໍລະນີ ເຂົ້າເມືອງຈາກຕ່າງປະເທດ ແລະ ໄດ້ຖືກແຍກຕົວໂດຍທັນທີ.
ມາຮອດປັດຈຸບັນ, ຫວຽດນາມ ໄດ້ປິ່ນປົວໃຫ້ຄົນເຈັບ 279 ຄົນ ຫາຍດີ, ກວມເອົາ 85% ຍອດຈຳນວນຜູ້ຕິດເຊື້ອໂຄວິດ - 19, ຄົນເຈັບ 49 ຄົນທີ່ຍັງເຫຼືອພວມໄດ້ຮັບການປິ່ນປົວຢູ່ໂຮງໝໍຂັ້ນແຂວງ, ຂັ້ນສູນກາງ ດ້ວຍອາກາດສຸຂະພາບປົກກະຕິ. ໃນຈຳນວນດັ່ງກ່າວ ມີ 9 ຄົນ ມີຜົນວິໄຈເປັນລົບ ຄັ້ງ ທີ 1 ແລະ ມີ 17 ຄົນ ມີຜົນວິໄຈເປັນລົບ 2 ເທື່ອຂຶ້ນໄປ.
(ແຫຼ່ງຄັດຈາກ VOV)
