26/10/2018 11:01 GMT+7 Email Print Like 0

30 ປີແຫ່ງການດຶງດູດ FDI: ເບິ່ງຄືນເພື່ອກ້າວຕໍ່ໄປ

ພາຍຫຼັງ 30 ປີແຫ່ງການປ່ຽນແປງໃໝ່ ແລະ ເປີດປະຕູ, ຫວຽດ ນາມ ໄດ້ກາຍເປັນໜຶ່ງໃນບັນດາປະເທດຢູ່ພາກພື້ນ ໄດ້ຮັບຜົນ ສຳເລັັດ ໃນການດຶງດູດ ການລົງທຶນໂດຍກົງຈາກ ຕ່າງປະເທດ (FDI).
ທ່ານ ສຈ. ປອ ຫງວຽນມ້າຍ, ປະທານສະມາຄົມ ວິສາຫະກິດ FDI ຢູ່ ຫວຽດນາມ (VAFIE) ໃຫ້ຮູ້ວ່າ ຫຼັງຈາກສະພາແຫ່ງ ຊາດ ໄດ້ປະກາດໃຊ້ກົດໝາຍວ່າດ້ວຍການລົງທຶນຈາກຕ່າງປະເທດ ຢູ່ ຫວຽດນາມ ໃນໄລຍະທ້າຍປີ 1987, ເພື່ອຮັບເອົາແຫຼ່ງເງິນລົງທຶນຈາກຕ່າງປະເທດ ໄດ້ຢ່າງທັນການ, ຕົ້ນປີ 1988, ລັດຖະບານໄດ້ມອບໜ້າທີ່ໃຫ້ ກະຊວງເສດຖະກິດການ ຕ່າງປະເທດ ກວດກາ ແລະ ມອບໃບອະນຸຍາດໃຫ້ແກ່ ໂຄງ ການ FDI.

ທ່ານ ຫງວຽນມ້າຍ ໃຫ້ຮູ້ວ່າ “ກົດໝາຍວ່າດ້ວຍການລົງທຶນ ຈາກຕ່າງປະ ເທດ ຢູ່ ຫວຽດນາມ ໄດ້ສ້າງຂຶ້ນ ບົນພື້ນຖານການ ຖອດຖອນບົດຮຽນຈາກ 18 ກົດ ໝາຍວ່າດ້ວຍການລົງທຶນ ຈາກ ຕ່າງປະເທດຂອງປະເທດຕ່າງໆ, ພຽງ ແຕ່ຮຽນເອົາອັນ ເດັ່ນ, ສະນັ້ນ ກົດໝາຍວ່າດ້ວຍ ການລົງ ທຶນຈາກຕ່າງປະເທດ ຂອງ ຫວຽດນາມ ຈຶ່ງມີຄວາມ ຈັບໃຈ”.

ແຕ່ວ່າ ໃນຊຸມປີທຳອິດ, ເມື່ອກົດໝາຍວ່າດ້ວຍການລົງທຶນ ຈາກຕ່າງປະເທດ ຫາກໍ່ໄດ້ປະກາດໃຊ້, ແຫຼ່ງເງິນລົງທຶນຂອງບັນດາວິສາຫະກິດ FDI ເຂົ້າ ຫວຽດນາມ ຍັງມີໜ້ອຍ. ໃນ 2 ປີ (1988-1990), ມີພຽງໃບອະນຸຍາດການລົງທຶນ 213 ສະບັບໄດ້ອະນຸມັດຜ່ານ ດ້ວຍຍອດເງິນລົງທຶນເກືອບ 1,8 ຕື້ ໂດລາ ສະຫະລັດ. 


ເຂດອຸດສາຫະກຳ ຝູ໋ເຫງ້ຍ ໄດ້ລົງທຶນກໍ່ສ້າງພື້ນຖານໂຄງລ່າງ
ທີ່ທັນສະໄໝ. ພາບ: VNP



ຈາກນຳໃຊ້ເຕັກໂນໂລຊີ ທີ່ທັນສະໄໝ, ເຄື່ອງຈັກ ກຳລັງເຮັດ ວຽກແທນແຮງງານກຳມະກອນ ໃນບັນດາເຂດອຸດສາຫະກຳ ເຕັກ ໂນໂລຊີລະດັບສູງຢູ່ ຫວຽດນາມ.​ ພາບ: VNP


ບັນດາຕ່ອງໂສ້ຜະລິດທີ່ທັນສະໄໝ ໄດ້ສ້າງໂສມໜ້າໃໝ່ ໃຫ້ ແກ່ເຂດອຸດສາຫະກຳ ຝູ໋ເຫງ້ຍ (ເມືອງ ເຈືອງໝີ໋, ຮ່າໂນ້ຍ). ພາບ: VNP


ບິ່ງເຢືອງ ພວມເປັນບ່ອນລົງທຶນທີ່ຈັບໃຈຂອງບັນດາ ວິສາຫະ ກິດ ທີ່ເຄື່ອນໄຫວໃນຂົງເຂດອຸດສາຫະກຳ ເຕັກໂນໂລຊີ ລະ ດັບສູງ. ພາບ: VNA


ການຄົ້ນຄວ້າພັດທະນາ ຜະລິດຕະພັນ ຢູ່ເຂດອຸດສາຫະກຳ
ເຕັກ ໂນໂລຊີ ນະຄອນ ໂຮ່ຈີມິນ. ພາບ: VNP



ຕ່ອງໂສ້ຜະລິດລົດຈັກ ຍີ່ຫໍ້ Vespa ທີ່ແຂວງ ຫວິງຝຸກ. ພາບ: VNP


ຕ່ອງໂສ້ຜະລິດລົດ ໃຫຍ່ ຍີ່ຫໍ້ Hyundai ແທ່ງກົງ ຢູ່ແຂວງ ນິງບິ່ງ. ພາບ: VNP


ຍ້ອນແຫຼ່ງທຶນ FDI, ຂະແໜງເກີບໜັງ ຫວຽດນາມ ໄດ້ລົງທຶນຊື້
ເຄື່ອງຈັກທີ່ທັນສະໄໝ ຫຼາຍເຄື່ອງ. ພາບ: VNP



ຕ່ອງໂສ້ປຸງແຕ່ງສິນທະເລ ທີ່ ທົ່ງພຽງແມ່ນຳ້ຂອງ. ພາບ: VNP
 

ເລີ່ມແຕ່ປີ 1991, ການລົງທຶນຈາກຕ່າງປະເທດເຂົ້າສູ່ ຫວຽດ ນາມ ໄດ້ເພີ່ມຂຶ້ນຢ່າງຫຼວງຫຼາຍ. ພາຍໃນ 7 ປີ, ໄດ້ມີ 2200 ໂຄງການ ຈົດທະບຽນ ລົງທຶນ ໃນຫວຽດນາມ ດ້ວຍຈຳນວນ ເງິນ ກວ່າ 16 ຕື້ໂດລາ ສະຫະລັດ, ໃນນັ້ນ ຈຳນວນເງິນລົງທຶນ ຕົວຈິງແມ່ນກວ່າ 12 ຕື້ ໂດລາ ສະຫະລັດ.

ປັດຈຸບັນ, 58% ທຶນ FDI ແມ່ນສຸມໃສ່ເຂົ້າໃນຂົງເຂດ ອຸດສາ ຫະກຳປຸງແຕ່ງ, ການຜະລິດ, ມູນຄ່າ ການຜະລິດດ້ານອຸດ ສາ ຫະກຳ ມີເຖິງ 50%, ປະກອບສ່ວນຊ່ວຍສ້າງຂະແໜງ ອຸດສາ ຫະກຳຕົ້ນຕໍ ຈຳນວນໜຶ່ງ ໃຫ້ແກ່ ຫວຽດນາມ ຄື: ນຳ້ມັນ- ອາຍ ແກັດ, ເອເລັກໂຕລິກ, ສື່ສານ ແລະ ອື່ນໆ.

ພ້ອມກັບການປະກອບທຶນໃຫ້ແກ່ພື້ນຖານເສດຖະກິດ, ວິສາ ຫະກິດ FDI ຍັງຊ່ວຍເຫຼືອດ້ານຄວາມສາມາດໃນການຄຸ້ມຄອງ ໃຫ້ແກ່ຫວຽດນາມ, ປ່ຽນໃໝ່ເຕັກໂນໂລຊີ ກັບບັນດາ ວິສາຫະ ກິດ ຢູ່ພາຍໃນອີກດ້ວຍ. 

ແຕ່ປີ 1988 ຫາເດືອນ ສິງຫາ 2018, 63 ແຂວງ, ນະຄອນໃນທົ່ວປະເທດ ໄດ້ດຶງດູດ ໂຄງການ FDI ກວ່າ 2600 ແຫ່ງ ຈາກ 129 ປະເທດ ແລະ ເຂດແຄ້ວນຕ່າງໆ ໃນໂລກ ດ້ວຍຍອດເງິນຈົດທະບຽນ ກວ່າ 333 ຕື້ໂດລາສະຫະລັດ, ເງິນລົງທຶນ ຕົວຈິງ ກວ່າ 183 ຕື້ໂດລາສະຫະລັດ, ກວມ 55% ທຶນຈົດທະບຽນ.
ສຳລັບບັນດາທ້ອງຖິ່ນທີ່ດຶງດູດໂຄງການ FDI ຫຼາຍເຊັ່ນ: ຮ່າ ໂນ້ຍ, ບັກນິງ, ຖາຍຫງວຽນ, ຫວິງຝຸກ, ຮາຍຝ່ອງ, ນະຄອນ ໂຮ່ ຈີມິນ, ບິ່ງເຢືອງ ແລະ ດົ່ງນາຍ,  ເຮັດໃຫ້ອົງປະກອບເສດຖະ ກິດ ຂອງ ແຕ່ລະແຂວງ, ນະຄອນ ມີການປ່ຽນແປງ, ສ້າງເງື່ອນ ໄຂ ເພື່ອໃຫ້ ວິສາຫະກິດ ພາຍໃນພັດທະນາ ແລະ ໄດ້ຮັບປະ ສິດທິຜົນສູງ ໃນການ ດຳເນີນທຸລະກິດ.

ຕີລາຄາສູງຕໍ່ສະພາບແວດລ້ອມການລົງທຶນຂອງ ຫວຽດນາມ, ທ່ານ Kuniharu Nakamura, ປະທານຮ່ວມ ຄະນະກຳມະ ການ ເສດຖະກິດ ຍີ່ປຸນ-ຫວຽດນາມ ຂອງ ສະຫະພັນບັນດາ ອົງການຈັດຕັ້ງເສດຖະກິດ ຍີ່ປຸ່ນ (Keidanren) ໃຫ້ຮູ້ວ່າ ສໍາ ລັບບັນດາວິສາຫະກິດ ຍີ່ປຸ່ນ, ຫວຽດນາມ ເປັນຕະຫຼາດທີ່ ຈັບ ໃຈ ຍ້ອນມີພົນລະເມືອງຫຼາຍ, ເປັນປະເທດມີການເຊື່ອມຕໍ່ກັບ ອາຊຽນ, ສະພາບການເມືອງ ແລະ ສັງຄົມມີຄວາມສະຫງົບ, ໝັ້ນຄົງ. ນັບມື້ນັບມີຫຼາຍ ວິສາຫະກິດ ຍີ່ປຸ່ນ ຢາກມາ ຫວຽດ ນາມ ເພື່ອລົງທຶນ, ຜະລິດ,  ດຳເນີນທຸລະກິດ.

ແນວໂນ້ມ ກະແສເງິນລົງທຶນທົ່ວໂລກ ຍັງຄົງດຳເນີນຕໍ່ໄປ. ແນວໂນ້ມນີ້ຊີ້ໃຫ້ເຫັນວ່າ ໃນຕໍ່ໜ້າ ພາຍໃຕ້ການຊີ້ນຳ ນຳພາ, ຂອງ ລັດຖະບານ ທ່ີໂປ່ງໃສ, ຮັບໃຊ້ບັນດາວິສາຫະກິດ ແລະ ປະຊາຊົນ, ຫວຽດນາມ ມີທ່າແຮງຢ່າງຫຼວງຫຼາຍໃນການດຶງດູດ ແຫຼ່ງທຶນ FDI.

ທ່ານ ໂດ໋ເຍີດຮວ່າງ, ຫົວໜ້າກົມລົງທຶນຈາກຕ່າງປະເທດ (ກະ ຊວງແຜນການ ແລະ ການລົງທຶນ) ໃຫ້ຮູ້ວ່າ ນະໂຍບາຍ ດຶງ ດູດ FDI ຂອງ ຫວຽດນາມ ມີຄວາມສະດວກຫຼາຍ, ເຖິງວ່າ ຫຼາຍ ປະເທດໃນໂລກ ມີນະໂຍບາຍລົງທຶນບໍ່ເປັນເອກະສັນ, ແຕ່ ຫວຽດນາມ ຍັງຮັກສານະໂຍບາຍ “ເປີດກວ້າງ” ໃນການດຶງດູດການລົງທຶນ, ນີ້ເປັນຄວາມສໍາຄັນທີ່ຊ່ວຍເຮັດໃຫ້ ຫວຽດ ນາມ ໄດ້ຮັບຄວາມສົນໃຈຈາກນັກລົງທຶນ ທົ່ວໂລກ.

ທ່ານ ຫງວຽນຈີຢຸ໊ງ, ລັດຖະມົນຕີກະຊວງແຜນການ ແລະ ການ ລົງທຶນ ໃຫ້ຮູ້ວ່າ ຫວຽດນາມ ຕ້ອງສຸມໃສ່ໃນການດຶງດູດບັນ ດາ ໂຄງການເຕັກໂນໂລຊີລະດັບສູງ ຂອງບັນດາກຸ່ມບໍລິສັດຂ້າມ ຊາດ ໃນຂົງເຂດອຸດສາຫະກຳປຸງແຕ່ງ, ກະສິກຳ, ເຕັກໂນ ໂລຊີ ສື່ສານ ແລະ ບັນດາບໍລິການ ທີ່ ຫວຽດນາມ ມີທ່າແຮງບົ່ມ ຊ້ອນ.

ດ້ວຍຄວາມມານະພະຍາຍາມຢ່າງບໍ່ຢຸດຢັ້ງໃນການປະຕິຮູບຂອງ ລັດຖະບານ, ຄວາມໃກ້ຊິດມິດຕະພາບຂອງປະຊາຊົນ ຫວຽດນາມ, ທ່ານ ຫງວຽນຈີຢຸ໊ງ ຫວັງວ່າ ໃນໄລຍະຈະມາເຖິງ,ບັນດາວິສາຫະກິດ ທີ່ພວມລົງທຶນຢູ່ ຫວຽດນາມ ຈະສືບຕໍ່ ເປີດ ກວ້າງການລົງທຶນ ແລະ ຜັນຂະຫຍາຍຢ່າງມີປະສິດທິຜົນ,ນັບ ມື້ນັບພັດທະນາຂຶ້ນ. ສຳລັບບັນດານັກລົງທຶນທີ່ຍັງບໍ່ທັນມີໂຄງ ການເພື່ອລົງທຶນ ຈະຊອກຫາໄດ້ໂອກາດລົງທຶນ, ນຳ ຜົນປະ ໂຫຍດມາໃຫ້ແກ່ວິສາຫະກິດຂອງຕົນ, ເຂົ້າຮ່ວມ ໃນການປະ ກອບສ່ວນພັດທະນາເສດຖະກິດ-ສັງຄົມ ຫວຽດນາມ.
ບົດ: VNP ສັງລວມ - ພາບ: VNP, VNA

ບັນດາບົດທີ່ຖືກນຳສະເໜີ