29/01/2015 12:14 GMT+7 Email Print Like 0

2015-ປີຂີດໝາຍປະຫວັດສາດ ໃນການພົວພັນ ລະຫວ່າງ ຫວຽດນາມ-ອາເມລິກາ

ເມື່ອບໍ່ດົນມານີ້, ໃນການຕອບສຳພາດ ຕໍ່ບັນດາອົງການສຳນັກຂ່າວສານ, ໜັງສືພິມ ຂອງ ຫວຽດນາມ ກ່ຽວກັບສາຍພົວພັນ ລະຫວ່າງຫວຽດນາມ-ອາເມລິກາ ໃນໄລຍະຜ່ານມາ ແລະ ບັນດາການບຸລິມະສິດ ໃນການພົວພັນ ລະຫວ່າງສອງປະເທດ ໃນປີ 2015 ນີ້, ທ່ານ ຟ້າມກວາງວິງ, ເອກອັກ ຄະລັດຖະທູດ ຫວຽດນາມປະຈຳອາເມລິກາ ໄດ້ໃຫ້ຮູ້ວ່າ: ປິ 2015 ເປັນປີມີຄວາມໝາຍສຳຄັນຍິ່ງ, ມີລັກສະນະຂີດໝາຍປະຫວັດສາດອັນ ຍາວ ໃນການພົວພັນລະຫວ່າງຫວຽດນາມ-ອາເມລິກາ ແລະ ເປັນປີສະເຫຼີມສະຫຼອງ 20 ປີ ແຫ່ງວັນສ້າງສາຍພົວພັນທາງການທູດ ທັງເປັນກາລະໂອກາດ ເພື່ອສືບຕໍ່ຊຸກຍູ້ ຢ່າງແຮງການພົວພັນລະຫວ່າງ ສອງຊາດ . 
 
 

ທ່ານ ຟ້າມກວາງວິງ, ເອກອັກຄະລັດຖະທູດຫວຽດນາມປະຈຳ ສ.ອາເມລິກາ: “ການພົວພັນເສດຖະກິດສືບຕໍ່ເປັນຈຸດປະກາຍແສງທີ່ພົ້ນເດັ່ນ ໃນການຮ່ວມມືລະຫວ່າງສອງປະເທດ”. ພາບ: ເຈີ່ນເລເລີມ/VNA
 
ກ່ຽວກັບບັນດາຜົນສຳເລັດອັນພົ້ນເດັ່ນ ທີ່ບັນລຸໄດ້ ໃນການພົວພັນລະຫວ່າງສອງຊາດ ໄລຍະຜ່ານມາ, ທ່ານເອກອັກຄະລັດຖະທູດ ຟ້າມກວາງວິງ ໃຫ້ຮູ້ວ່າ, ການພົວພັນຄູ່ຮ່ວມມືຮອບດ້ານ ໄດ້ຮັບການສ້າງຂຶ້ນ ໃນຄັ້ງໄປຢ້ຽມຢາມ ສ.ອາເມລິກາ ເມື່ອເດືອນ ກໍລະກົດ ປີ 2013 ຂອງທ່ານປະທານປະເທດ ເຈືອງເຕິນ ຊາງ, ເປັນຂອບເຂດອັນສຳຄັນ, ກຳນົດທິດພັດທະນາ ໃຫ້ແກ່ການພົວພັນລະຫວ່າງສອງຊາດ.

ຕີລາຄາກ່ຽວກັບປີ 2014, ທ່ານເອກອັກຄະລັດຖະທູດ ໄດ້ຍົກ ໃຫ້ເຫັນ ຢ່າງ ຈະແຈ້ງວ່າ, ໃນໜຶ່ງປີກວ່າຜ່ານມາ, ສອງຝ່າຍໄດ້ ເລີ່ມ ເຄື່ອນໄຫວ ແລະ ຜັນຂະຫຍາຍຢ່າງ ຕັ້ງຫນ້າ ທັງ 9 ຂົງເຂດບຸລິມະສິດ ທີ່ວາງອອກ ໃນການພົວພັນຄູ່ຮ່ວມມື ຮອບດ້ານ,  ບັນລຸໄດ້ຄວາມກ້າວ ໜ້າຈຳນວນ ຫນຶ່ງ ຊຶ່ງໄດ້ ຮັບການຕີລາຄາກັບທີ່ວ່າ ມີລັກສະນະບຸກທະລຸ, ແຕ່ “ຊ່ອງ ຫວ່າງ ໃນການຮ່ວມມື” ຍັງມີຫຼາຍ ແລະ ຍັງມີສິ່ງກີດຂວາງ ຫລາຍຢ່າງ , ດັ່ງນັ້ນ ເພື່ອເຮັດໃຫ້ ການພົວພັນຄູ່ຮ່ວມມື ຮອບ ດ້ານເຂົ້າສູ່ລວງເລິກ, ຍັງຕ້ອງມີໄລຍະເວລາເປັນສິ່ງພິສູດ.

ບັນດາຜົນສຳເລັດທີ່ບັນລຸມາໄດ້ ສຸດທີ່ມີຄວາມໝາຍ ແລະ ປະກອບສ່ວນ ຊຸກຍູ້ ຢ່າງແຮງຖ່ວງທ່າຂະຫຍາຍຕົວຂອງ  ການ ພົວພັນ ລະຫວ່າງ ສອງຊາດ ໜ້າສົນໃຈແມ່ນການພົວພັນ ໃນດ້ານການເມືອງ ແລະ ການທູດ ສືບຕໍ່ ໃນຮູບການເພີ່ມທະວີ ດ້ວຍການພົບປະ ແລະ ຢ້ຽມຢາມ ໃນຂັ້ນ ຕ່າງໆ ລະຫວ່າງ ສອງ ປະເທດ ໃນປີ 2014 ຄື: ທ່ານປະທານປະເທດ ເຈືອງເຕິນຊາງ ແລະ ນາຍົກລັດຖະມົນຕີ ພົບປະກັບທ່ານ ປະທານາທິບໍດີ Barack Obama ຢູ່ນອກກອງປະຊຸມຂັ້ນສູງ ໃນເວທີປາໄສ ການຮ່ວມມືເສດຖະກິດ ອາຊີ-ປາຊີຟິກ (APEC) ແລະ ກອງປະຊຸມຂັ້ນສູງອາຊີຕາເວັນອອກ (EAS); ການຢ້ຽມຢາມ ຫວຽດນາມ 13 ຄັ້ງຂອງບັນດາທ່ານຜູ້ນຳ ສະພາແຫ່ງຊາດ ອາເມລິກາ ຄື ທ່ານປະທານ ຜູ້ປະຈຳການສະພາສູງ Patrick Leahy ແລະ ທ່ານຜູ້ແທນ ສະພາສູງ John McCain, Benjamin Cardin, Bob Corker…;  ການຢ້ຽມຢາມ ອາເມລິກາ ຂອງທ່ານ ຟ້າມກວາງງີ້, ຄະນະກຳມະການກົມ ການເມືອງ, ເລຂາຄະນະພັກ ນະຄອນຫຼວງຮ່າໂນ້ຍ, ທ່ານ ຮອງນາຍົກລັດຖະມົນຕີ ຫວູວັນນິງ, ແລະ ທ່ານຮອງນາຍົກ ລັດຖະມົນຕີ, ລັດຖະມົນຕີວ່າການ ກະຊວງການຕ່າງປະເທດ ຟ້າມບິ່ງມິນ.

ນອກຈາກນັ້ນ ກໍຍັງມີການເຄື່ອນໄຫວແລກປ່ຽນ ຄະນະ ຂັ້ນກະຊວງ, ຂະແໜງການ, ທ້ອງຖິ່ນ, ຜັນຂະຫຍາຍ 11 ກົນໄກ ສົນທະນາໃນຂົງເຂດ ການເມືອງ, ການປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ, ການ ພັດທະນາ ປະຊາທິປະໄຕ ສິດທິມະນຸດ ແລະ ແຮງງານ.

ທ່ານເອກອັກຄະລັດຖະທູດ ຟ້າມກວາງວິງ ກໍໄດ້ຍົກໃຫ້ເຫັນຢ່າງ ຈະແຈ້ງ ກ່ຽວກັບການພົວພັນເສດຖະກິດ ສືບຕໍ່ເປັນ ຈຸດປະກາຍແສງທີ່ພົ້ນເດັ່ນໃນການຮ່ວມມືລະຫວ່າງ ສອງ ປະເທດ. ອາເມລິກາ ສືບຕໍ່ເປັນຄູ່ຮ່ວມມືເສດຖະກິດ ແລະ ເປັນຕະຫຼາດສົ່ງອອກ ແຖວໜ້າ ຂອງຫວຽດນາມ. ພິເສດ ຍອດມູນຄ່າ ການຄ້າ ລະຫວ່າງສອງປະເທດ ໃນປີ 2014 ຄາດວ່າບັນລຸປະມານ 35-36 ຕື້ USD; ໃນນັ້ນ ຫວຽດນາມ ສົ່ງອອກໄປອາເມລິກາ 28 ກວ່າຕື້ USD, ເພີ່ມ 19% ເມື່ອທຽບໃສ່ປີ 2013.

ອາເມລິກາ ກໍເປັນປະເທດທີ່ລົງທຶນລາຍໃຫຍ່ອັນດັບ 7 ຂອງ ຫວຽດນາມ ມີປະມານ 700 ໂຄງການ ແລະ ຍອດມູນຄ່າການລົງທຶນ ເກືອບ 10,7 ຕື້ USD, ນັ້ນຍັງບໍ່ທັນນັບ ການລົງທຶນ ຂອງ ນັກທຸລະກິດ ອາເມລິກາ ເຂົ້າຫວຽດນາມ ໂດຍຜ່ານ ປະເທດທີ 3. ໃນຂອບການພົບປະເຈລະຈາລວມ, ສອງຝ່າຍ ກໍບັນລຸໄດ້ ຄວາມຄືບໜ້າ ຢ່າງແທ້ຈິງ ໃນການພົບປະເຈລະຈາ ກ່ຽວກັບ ສັນຍາຮ່ວມມືສອງຝ່າຍກັບບັນດາປະເທດຂ້າມມະຫາສະໝຸດປາຊີຟິກ (TPP). ໃນຕໍ່ຫນ້າການ ພົບປະ ເຈລະຈາ ດັ່ງກ່າວ ຕ້ອງກ້າວສູ່ TPP ທີ່ ຮັບປະກັນຄວາມສອດຄ່ອງກັບ ລະດັບການ ຈະເລີນເຕີບໂຕ ແລະ ຜົນປະໂຫຍດຂອງຝ່າຍຕ່າງໆ ທີ່ເຂົ້າຮ່ວມສັນຍາດັ່ງກ່າວ.

ການຮ່ວມມືກ່ຽວກັບວິທະຍາສາດ-ເຕັກໂນໂລຢີໄດ້ມີ ບາດ ກ້າວບຸກທະລຸໃໝ່ ຊຶ່ງສັນຍາ ນິວເຄຼຍ ດ້ານພົນລະເຮືອນ 123 ໄດ້ມີ ຜົນສັກສິດຢ່າງເປັນທາງການ ແຕ່ວັນທີ 10 ກັນຍາ ປີ 2014, ເປີດກາລະໂອກາດໃຫຍ່ຫຼວງ ໃຫ້ແກ່ ການຮ່ວມມື ລະຫວ່າງສອງປະເທດ ໃນຂົງເຂດ ນິວເຄຼຍ ດ້ານພົນລະເຮືອນ. ອາເມລິກາ ສືບຕໍ່ໝັ້ນໝາຍ ແລະ ຜັນຂະຫຍາຍ ການຮ່ວມມື ຢ່າງຕັ້ງຫນ້າ ກັບຫວຽດນາມ ກ່ຽວກັບການແກ້ໄຂ ບັນຫາຕ່າງໆ ທີ່ເປັນຜົນຮ້າຍຈາກສົງຄາມປະໄວ້ຄື: ບັນດາໂຄງການຂັບຖ່າຍ ທາດພິດ ຢູ່ບັນດາບໍລິເວນຖືກຊືມທາດພິດ ດີໂອຊີນ ດ້ວຍມູນຄ່າ ທັງໝົດ 15 ລ້ານ USD ຫຼື ໂຄງການ 7,5 ລ້ານ USD ຊ່ວຍເຫຼືອຄົນພິການ ຍ້ອນຜົນຮ້າຍຂອງສົງຄາມ.

ທ່ານເອກອັກຄະລັດຖະທູດໃຫ້ຮູ້ວ່າ, ການຮ່ວມມື ດ້ານການ ສຶກສາ ແລະ ພົບປະສ້າງສັນປະຊາຊົນ ສືບຕໍ່ໄດ້ຮັບການ ເປີດກວ້າງ. ປະຈຸບັນ, ຫວຽດນາມ ຈັດຢູ່ອັນ ດັບແຖວໜ້າ ໃນບັນ ດາປະເທດ ອາຊຽນທີ່ມີນັກສຶກສາຮຽນຢູ່ ອາເມລິກາ ມີ ຈຳນວນທັງໝົດ 16.000 ຄົນ, ເປັນອັນດັບທີ 8 ໃນຈຳນວນ ປະເທດທີ່ມີນັກສຶກສາພວມຮຽນຢູ່ອາເມລິກາ. ໃນປີ 2014, ຈຳນວນນັກທ່ອງທ່ຽວ ອາເມລິກາ ມາຫວຽດນາມ ກໍສືບຕໍ່ ເພີ່ມຂຶ້ນ, ບັນລຸ 443.000 ເທື່ອຄົນ, ຈັດຢູ່ອັນດັບທີ 4 ໃນ ຈຳນວນ ບັນດາປະເທດ ທີ່ມີນັກທ່ອງທ່ຽວ ຫຼາຍເຂົ້າມາ ທ່ອງທ່ຽວຫວຽດນາມ. 

ທ່ານນາຍົກລັດຖະມົນຕີ ຫງວຽນເຕິນຢຸງ ພົບປະກັບທ່ານປະທານາທິບໍດີ ສ.ອາເມລິກາ Barack Obama
ຢູ່ນອກກອງປະຊຸມຂັ້ນສູງ ອາຊຽນ ຄັ້ງທີ 25. ພາບ: ເຈີ່ນເລເລີມ/VNA


ທ່ານນາຍົກລັດຖະມົນຕີ ຫງວຽນເຕິນຢຸງ ຕ້ອນຮັບທ່ານຜູ້ແທນສະພາສູງ ສ.ອາເມລິກາ John McCain.
ພາບ: ເລີມແຄ໋ງ/VNA


ທ່ານລັດຖະມົນຕີການຕ່າງປະເທດ John Kerry ຕ້ອນຮັບທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບິ່ງມິນ ທີ່ສຳນັກງານຂອງກະຊວງການຕ່າງປະເທດ ອາເມລິກາ ຢູ່ ລັດ ວໍຊິງຕັນ, ດີຊີ. ພາບ: ຕ໋ວນດາດ/VNA

ຄະນະຫວຽດນາມເຂົ້າຮ່ວມການພົບປະເຈລະຈາກ່ຽວກັບ ສັນຍາຄູ່ຮ່ວມມື ລະຫວ່າງ ບັນດາປະເທດ
ຂ້າມມະຫາສະໝຸດປາຊີຟິກ(TPP) ທີ່ສິງກະໂປ. ພາບ: ເລຫາຍ/VNA


ທ່ານພົນໂທ ໂດ໊ບ໋າຕີ້, ຫົວໜ້າເສນາທິການໃຫຍ່, ລັດຖະມົນຕີຊ່ວຍວ່າການ ກະຊວງປ້ອງກັນປະເທດຫວຽດນາມ
ເປັນເຈົ້າພາບໃນພິທີຕ້ອນຮັບທ່ານພົນເອກ Martin Dempsey, ປະທານສະພາ ຫົວໜ້າເສນາທິການໃຫຍ່
ກອງທັບປະສົມ ອາເມລິກາໃນໂອກາດມາຢ້ຽມຢາມ ຫວຽດນາມຢ່າງເປັນທາງການ. ພາບ: ຈ້ອງດຶກ/VNA


ການໂອ້ລົມສົນທະນາດ້ານປ້ອງກັນຊາດ ລະຫວ່າງຫວຽດນາມ-ອາເມລິກາ
ທີ່ໄດ້ຮັບການຈັດຕັ້ງຢູ່ນະຄອນຫຼວງຮ່າໂນ້ຍ. ພາບ: ຈ້ອງດຶກ/VNA


ທ່ານນາງ Denise Rollins, ຜູ້ວ່າການຮອງອຳນວຍການ ອົງການພັດທະນາສາກົນ ສ.ອາເມລິກາ ລົງກວດເບິ່ງຕົວຈິງ
 ທີ່ເຂດຂັບຖ່າຍທາດພິດ ດີໂອຊີນ ທີ່ສະໜາມບິນ ດານັງ. ພາບ: ເຈີ່ນເລເລີມ/VNA
ການຮ່ວມມືດ້ານປ້ອງການຊາດ, ປ້ອງກັນຄວາມສະຫງົບໄດ້ ສືບຕໍ່ຊຸກຍູ້ ບົນພື້ນຖານຜັນຂະຫຍາຍ ບົດບັນທຶກຊ່ວຍຈຳ ວ່າດ້ວຍການຮ່ວມມື ດ້ານ ປ້ອງກັນຊາດ (ເດືອນ ກັນຍາ ປີ 2011). ເລື່ອງອາເມລິກາ ຍົກເລີກ ສ່ວນໜຶ່ງ ຄຳສັ່ງຂວ້ຳບາດ ສັດຕາອາວຸດ ກັບຫວຽດນາມ ໄດ້ຮັບຕີລາຄາສູງ ແລະ ຫວຽດນາມ ໄດ້ສະເໜີ ອາເມລິກາ ເຫັນ ຄວນຍົກເລີກຄຳສັ່ງຂວ້ຳບາດທັງໝົດ ໂດຍໄວ ເພື່ອໃຫ້ສອດຄ່ອງກັບ ຂອບເຂດ ການພົວພັນ ຄູ່ຮ່ວມມືຮອບດ້ານ ລະຫວ່າງສອງຊາດ.

ທັງສອງຝ່າຍກໍໄດ້ມີການແລກປ່ຽນ ດ້ານວຽກງານ ປ້ອງກັນປະ ເທດ ຫຼາຍຄະນະ,  ຊຶ່ງ ເປັນໜ້າສົນໃຈແມ່ນການມາຢ້ຽມຢາມ ຫວຽດນາມ ຄັ້ງທຳອິດຂອງ ທ່ານປະທານສະພາເສນາທິການ ໃຫຍ່ ກຳລັງທະຫານ ປະສົມອາເມລິກາ, ນາຍພົນ Martin Dempsey ໃນເມື່ອເດືອນ ສິງຫາ 2014. ການຮ່ວມມືໃນຂົງ ເຂດ ຕຳຫຼວດທາງ ທະເລ ກໍໄດ້ເປີດກວ້າງ , ສອງຝ່າຍກຳລັງຈັດ ຕັ້ງ ຜັນຂະຫຍາຍແຫລ່ງທຶນ ຊ່ວຍເຫລືອຈຳນວນ 18 ລ້ານ USD ທີ່ສະຫງວນໃຫ້ແກ່ຫວຽດນາມ ແນໃສ່ຍົກສູງ ສະມັດຕະ ພາບດ້ານການເດີນທະເລ.

ຄຽງຄູ່ກັນນັ້ນ ກໍຕ້ອງກ່າວເຖິງການຮ່ວມມື ແລະ ການປະສານສົມທົບຢ່າງມີປະສິດທິຜົນ ລະຫວ່າງສອງຊາດ ໃນເວທີປາໄສຫຼາຍຝ່າຍ ໃນພາກພື້ນ ແລະ ສາກົນ, ໂດຍສະເພາະແມ່ນໃນ ເວທີປາໄສອາຊຽນ (ARF), EAS, ອາເປັກ…ຊຶ່ງໃນນັ້ນ, ສິ່ງທີ່ ຫນ້າສົນໃຈແມ່ນ ກອງປະຊຸມລັດຖະມົນຕີປ້ອງກັນປະເທດອາເມລິກາ-ອາຊຽນ ຈະໄດ້ຈັດຂຶ້ນເປັນຄັ້ງທຳອິດໃນປີນີ້.

ເຖິງຢ່າງໃດກໍ່ດີ,  ທ່ານເອກອັກຄະລັດຖະທູດ ຟ້າມກວາງວິງ ກໍ່ໄດ້ໃຫ້ຄວາມສົນໃຈ ເມື່ອເຫັນວ່າແຕ່ລະຂົງເຂດ,  ຍັງມີພື້ນທີ່ີ ເພື່ອຊຸກຍູ້ການຮ່ວມມື. ອີກຢ່າງຫນຶ່ງ, ການພົວພັນສອງຝ່າຍກໍ່ ຍັງມີຄວາມຫຍຸ້ງຍາກຈຳນວນໜຶ່ງ, ໂດຍສະເພາະແມ່ນເລື່ອງ ອາເມລິກາ ສືບຕໍ່ປະຕິບັດມາດຕະການ ແລະ ຮົ້ວກີດຂວາງການຄ້າຫຼາຍຢ່າງ ສຳລັບຫວຽດນາມ ເຊັ່ນ: ກຳນົດໃຊ້ກົນໄກຄວບຄຸມ ປາໜັງ (catfish); ນຳໃຊ້ນະໂຍບາຍ ກ່ຽວກັບ ຫຼັກ ການອະນາໄມດ້ານສະບຽບອາຫານ ຕໍ່ສິນຄ້າປະເພດໝາກໄມ້ ແລະ ນ້ຳເຜີ້ງຂອງຫວຽດນາມ.

ນອກນັ້ນ, ສອງຝ່າຍຍັງມີຄວາມແຕກຕ່າງກັນ ກ່ຽວກັບ ບັນຫາ ປະຊາທິປະໄຕ ແລະ ສິດທິມະນຸດ. ຈາກຄວາມແຕກຕ່າງ ດັ່ງກ່າວ, ທ່ານເອກອັກຄະລັດຖະທູດ ໄດ້ ຢືນຢັນວ່າ ຫວຽດນາມ ມີນະໂຍບາຍ ພົບປະເຈລະຈາ  ຢ່າງກົງໄປກົງມາ ແລະ ຮ່ວມມືສ້າງສັນ ບົນຈິດໃຈສະເໝີພາບ, ເຄົາລົບນັບຖື ແລະ ເຂົ້າໃຈເຊິ່ງກັນ ແລະ ກັນ. ໃນໄລຍະຜ່ານມາ, ໄດ້ມີເຈົ້າໜ້າທີ່ ວົງການການເມືອງ ແລະ ສະພາແຫ່ງຊາດອາເມລິກາ ຫຼາຍທ່ານ ໄດ້ມາ ຢ້ຽມຢາມ ຫວຽດນາມ.  ເຂົາເຈົ້າລ້ວນແຕ່ ໄດ້ມີຄວາມ ເຂົ້າໃຈເພີ່ມເຕີມ ກ່ຽວກັບນະໂຍບາຍ ແລະ ການຂະຫຍາຍຕົວ ຂອງປະເທດຫວຽດນາມ, ໃນນັ້ນ ມີທັງບັນດາບັນຫາ ທີ່ກ່ຽວພັນ ເຖິງສິດເສລີພາບ, ອະທິປະໄຕ ແລະ ສິດທິມະນຸດ.

ເບິ່ງລວມແລ້ວ, ການພົວພັນລະຫວ່າງສອງຊາດ ໃນ ໜຶ່ງປີ ກວ່າ ຜ່ານມາ ໄດ້ມີການພັດທະນາຢ່າງຕັ້ງຫນ້າ, ສ້າງຖ່ວງທ່າເພື່ອ ໃຫ້ສອງ ຝ່າຍ ຖືການພົວພັນຮ່ວມມືຮອບດ້ານ ເຂົ້າສູ່ລວງເລິກ ໃນປີ 2015 ແລະ ຊຸມປີຕໍ່ໄປ.

ກ່ຽວກັບຈຸດໝາຍ ແລະ ການບຸລິມະສິດ ໃນການພົວພັນ ລະຫວ່າງ ສອງຊາດ, ທ່ານເອກອັກຄະລັດຖະທູດ ກຳນົດວ່າ ປີ 2015 ເປັນປີມີ ຄວາມໝາຍສຳຄັນຍິ່ງ, ມີລັກສະນະ ເປັນ ຂີດໝາຍ ຂອງສາຍພົວພັນ ລະຫວ່າງ ຫວຽດນາມ-ອາເມລິກາ ແລະ ແມ່ນປີ ສະເຫຼີມສະຫຼອງວັນສ້າງຕັ້ງ ສາຍພົວພັນທາງການທູດ ຄົບຮອບ 20 ປີ ທັງເປັນໂອກາດເພື່ອ ຊຸກຍູ້ ການພົວພັນ ລະຫວ່າງສອງຊາດຍິ່ງກວ່າອີກ, ເພື່ອຜົນປະໂຫຍດ ຂອງ ປະຊາ ຊົນສອງຊາດ ແລະ ເພື່ອສັນຕິພາບ, ຄວາມສະຫງົບ ແລະ ວັດຖະນາຖາວອນ ຢູ່ໃນພາກພື້ນ ແລະ ໃນໂລກ.

ຕາມທ່ານເອກອັກຄະລັດຖະທູດແລ້ວ, ວຽກຕົ້ນຕໍ ແລະ ແຖວໜ້າ ແມ່ນ ຕ້ອງເຮັດແນວໃດ ເພື່ອຜັນຂະຫຍາຍ ຢ່າງມີ ປະສິດທິຜົນ ແລະ ເຮັດໃຫ້ ການພົວພັນຄູ່ຮ່ວມມື ຢ່າງຮອບດ້ານ ລະຫວ່າງ ຫວຽດນາມ-ອາເມລິກາ ເລິກເຊິ່ງ ຍິ່ງໆຂຶ້ນ ໃນ 9 ຂົງເຂດບຸລິ ມະສິດ ທີ່ໄດ້ກຳນົດໄວ້. ໃນແຕ່ລະ ຂົງເຂດນັ້ນ ຍັງຄົງມີ ຫຼາຍ “ພື້ນທີ່ຫວ່າງ” ການ ຮ່ວມມືອັນໃໝ່ ລະຫວ່າງ ສອງຊາດ, ໃນນັ້ນ, ຕ້ອງເຮັດແນວໃດເພື່ອຊຸກຍູ້ເພີ່ມທະວີການຮ່ວມມື ໃນ ຂົງເຂດຕ່າງໆຄື ເສດຖະກິດ, ວິທະຍາສາດ-ເຕັກນິກ ແລະ ສຶກສາ, ສ້າງບຸກທະລຸ ແລະ ຂີດໝາຍອັນໃໝ່ ໃນແຕ່ລະ ຂົງເຂດ.

ປີ 2015 ເປັນປີສະເຫຼີມສະຫຼອງ ວັນສ້າງສາຍພົວພັນ ທາງ ການທູດ ຄົບຮອບ 20 ປີ, ດັ່ງນັ້ນ ສອງປະເທດ ຕ້ອງຈັດຕັ້ງ ການສະເຫຼີມສະຫຼອງ ແນວໃດ ໃຫ້ເຫັນໄດ້ຄວາມເປັນຈິງ ແລະ ມີປະສິດທະຜົນ . ການສືບຕໍ່ ແລກປ່ຽນຄະນະຜູ້ແທນນຳກັນ ໃນຂັ້ນຕ່າງໆ, ຊຶ່ງເປັນການເພີ່ມທະວີຄວາມເຂົ້າໃຈ ແລະ ຊຸກຍູ້ກາລະໂອກາດ, ຂໍ້ຕົກລົງຮ່ວມມື,  ສ້າງໃຫ້ມີ ຈຸດສຸມແມ່ນມີ ຄວາມໝາຍໃນການສະເຫລີມສະຫລອງໃນປີນີ້.

ສອງປະເທດກໍຕ້ອງຂຶ້ນແຜນການຈັດຕັ້ງ “ຊຸມມື້ຫວຽດນາມ ຢູ່ອາເມລິກາ” ຊຶ່ງມັນບໍ່ເປັນພຽງແຕ່ ເພື່ອການ ສະເຫລີມສະຫລອງ ເທ່ົານັ້ນ ແຕ່ຍັງ ຊ່ວຍໃຫ້ວົງການການເມືອງ ແລະ ປະຊາຊົນສອງຊາດ ເພີ່ມທະວີຄວາມເຂົ້າໃຈ ເຊິ່ງກັນ ແລະ ກັນ, ຊຸກຍູ້ການພົວພັນຍິ່ງສູງຂຶ້ນ.

ສະຖານທູດ ແລະ ບັນດາອົງການຜູ້ຕາງໜ້າຫວຽດນາມ ປະຈຳ ອາເມລິກາ ຈະຮັບໃຊ້ ແລະ ເຂົ້າຮ່ວມ ບັນດາ ການເຄື່ອນໄຫວ ດັ່ງກ່າວຢ່າງຕັ້ງໜ້າ, ພ້ອມກັນນັ້ນ ກໍຈະ ປະສານສົມທົບ ກັບ ບັນດາອົງການຈັດຕັ້ງຂອງປະເທດເຈົ້າພາບ ເພື່ອຈັດຕັ້ງ ກິດຈະກຳການເຄື່ອນໄຫວແລກປ່ຽນ, ໂຄສະນາ ແລະ ເປີດກວ້າງການສະເຫຼີມສະຫຼອງ ຕະຫຼອດປີ, ນັບທັງຢູ່ນະຄອນ ຫຼວງ ແລະ ທ້ອງຖິ່ນຕ່າງໆຂອງອາເມລິກາ.

ກ່ຽວກັບບົດບາດຂອງວົງຄະນາຍາດຊາວຫວຽດນາມ ອາໄສ ຢູ່ອາເມລິກາ, ທ່ານເອກອັກຄະລັດຖະທູດ ຟ້າມກວາງວິງ ໃຫ້ຮູ້ ວ່າ, ປະຈຸບັນ, ວົງຄະນາຍາດຊາວຫວຽດນາມອາໄສ ຢູ່ອາເມ ລິກາ ລວມມີປະມານ 2 ລ້ານຄົນ, ກວມເກືອບເຄິ່ງໜຶ່ງ ໃນຈຳ ນວນທັງໝົດ  4 ລ້ານກວ່າ ຄົນ ຫວຽດນາມ ທີ່ອາໄສ ຢູ່ຕ່າງປະ ເທດ ແລະ ເປັນວົງຄະນາຍາດຂອງຄົນຫວຽດທີ່ໃຫຍ່ ທີສຸດ ທີ່ອາໄສ ຢູ່ຕ່າງປະເທດ.

ເນື່ອງຈາກສະພາບແວດລ້ອມທາງດ້ານປະຫວັດສາດ, ວົງຄະນາ ຍາດ ຊາວຫວຽດນາມ ສ່ວນໃຫຍ່ ໄດ້ຕັ້ງຖິ່ນຖານ ຢູ່ອາເມລິກາ ຫຼັງປີ 1975,  ຫລາຍປີຜ່ານມາ ກໍມີຫຼາຍຄົນໄປ ອາເມລິກາ ເພື່ອ ຮຳ່ຮຽນ, ເຮັດວຽກ, ເຮັດທຸລະກິດ ຫຼື ເພື່ອການທ້ອນໂຮມ ຄອບ ຄົວ.

ຜ່ານເວລາ 40 ປີທີ່ຕັ້ງຖີ່ນຖານຢູ່ອາເມລິກາ, ເຖິງວ່າ ທັດສະ ນະຍັງມີຈຸດ ແຕກຕ່າງກັນ, ແຕ່ສ່ວນຫຼາຍ  ພໍ່ແມ່ປະຊາຊົນ ຍາມໃດ ກໍມີຄວາມ ສະໜິດຕິດພັນ, ອ່ວຍຄືນ ບ້ານເກີດເມືອງ ນອນ ແລະ ມີການປະກອບສ່ວນ ສຳຄັນເຂົ້າໃນການພັດທະ ນາລວມຂອງປະເທດຊາດ ທັງເປັນຂົວຕໍ່ ໃຫ້ແກ່ການພົວພັນ ຮ່ວມມືມິດຕະພາບ ລະຫວ່າງປະຊາຊົນ ສອງປະເທດ.

ພໍ່ແມ່ພີ່ນ້ອງຊາວຫວຽດນາມອາໄສຢູ່ຕ່າງປະເທດ ໄດ້ມີຄວາມ ປິຕິຍິນດີ ຕໍ່ແນວທາງ ແລະ ນະໂຍບາຍ ຂອງພັກ ແລະ ລັດ ຕໍ່ ຊາວຫວຽດນາມຕ່າງດ້າວ, ໂດຍສະເພາະຢ່າງຍິ່ງແມ່ນ ມະຕິ 36 ຂອງກົມການເມືອງ. ຜ່ານເວລາ 10 ປີ ແຫ່ງການຜັນຂະຫຍາຍ, ຜ່ານມາ, ຫວຽດນາມໄດ້ມີການສຳຫຼວດກວດກາ, ຖອດຖອນບົດ ຮຽນ ແລະ ວາງນະໂຍບາຍຕ່າງໆອອກ ຊຶ່ງເປັນພື້ນຖານຊີ້ນຳ ເພື່ອ ຜັນຂະຫຍາຍວຽກງານວົງຄະນາຍາດໃຫ້ດີ.

ດັ່ງນັ້ນ, ໜ້າທີ່ຂອງສະຖານທູດແມ່ນຕ້ອງ ສືບຕໍ່ຜັນຂະຫຍາຍ ແລະ ນຳນະໂຍບາຍຂອງປະເທດຫວຽດນາມ ໄປສູ່ພີ່ນ້ອງ ຊາວ ຫວຽດນາມ ທີ່ອາໄສຢູ່ຕ່າງປະເທດ, ຊຸກຍູ້ການສະໜິດຕິດພັນ ຂອງເຂົາເຈົ້າ ຕໍ່ປະເທດຊາດຍິ່ງໆຂຶ້ນ; ເຂົ້າໃຈ ແລະ ກຳໄດ້ຈິດ ໃຈ ສ່ວນເລິກດ້ານຄວາມ ມຸ່ງມາດປາດຖະຫນາ ຂອງເຂົາເຈົ້າ, ຈາກນັ້ນຊ່ວຍແກ້ໄຂຂໍ້ ຫຍຸ້ງຍາກ, ຂໍ້ຂ້ອງຄາ ທີ່ເຂົາເຈົ້າພົບພໍ້.

ຕໍ່ບັນຫານີ້, ທ່ານເອກອັກຄະລັດຖະທູດ ຟ້າມກວາງວິງ ໄດ້ເນັ້ນ ໜັກເຖິງ ການຍາດແຍ່ງເອົາຄວາມຮູ້ ຂອງຊາວຫວຽດ ນາມທີ່ອາ ໄສຢູ່ຕ່າງປະເທດ, ເຮັດແນວໃດ ເພື່ອໃຫ້ມີບັນດາກົນໄກ, ນະໂຍ ບາຍນຳໃຊ້ ນັກຊ່ຽວຊານ, ນັກປັນຍາຊົນຫວຽດນາມຢູ່ຕ່າງປະ ເທດ ຢ່າງມີປະສິດທິຜົນ. ມີ ນັກຮຽນຮູ້ຊາວຫວຽດນາມ ຢູ່ຕ່າງ ປະເທດຫຼາຍຄົນ ທີ່ມີຄວາມຫ່ວງໄຍຕໍ່ ບັນຫາຕ່າງໆຂອງ ປະ ເທດຊາດ ແລະ ຢາກປະກອບສ່ວນດ້ານພູມປັນຍາ ໃຫ້ແກ່ ປະເທດຊາດ. 
ປະຕິບັດໂດຍ: VNA/VNP
 
ບັນດາບົດທີ່ຖືກນຳສະເໜີ