27/07/2015 23:23 GMT+7 Email Print Like 0

20 ປີແຫ່ງການພົວພັນຫວຽດນາມ-ອາເມລິກາ, ບັນດາຂີດໝາຍ ປະຫວັດສາດທີ່ໜ້າຈົດຈຳ

ເມື່ອຫວຽດນາມ ແລະ ອາເມລິກາຕົກລົງສ້າງສາຍພົວພັນ ທາງການທູດເປັນປົກກະຕິນໍາກັນ, ຫຼາຍຄົນໄດ້ສະແດງຄວາມ ລະແວງສົງໄສເຖິງຄວາມເປັນໄປໄດ້ ຍ້ອນ “ບາດແຜ” ສົງຄາມ ໃຫຍ່ເກີນໄປ. ແຕ່ວ່າ, ພາຍຫຼັງ 20 ປີ, ດ້ວຍຄວາມ ມານະພະຍາ ຍາມຂອງທັງສອງຝ່າຍ, ຜົນສຳເລັດ ໄດ້ຢັ້ງຢືນສິ່ງກົງກັນຂ້າມ. ພວກເຮົາພ້ອມກັນຫວນຄືນເບິ່ງ ບັນດາ ຂີດໝາຍທີ່ໜ້າຈົດຈຳທີ່ຫວຽດນາມ ແລະ ອາເມລິກາບັນລຸໄດ້ໃນ 20 ປີຜ່ານມາດັ່ງນີ້:

ການຢ້ຽມຢາມຄັ້ງປະຫວັດສາດຕ່າງໆ
    ໂດຍຕອບສະໜອງຕາມຄຳເຊີນຂອງອຳນາດການປົກຄອງ ສ.ອາເມລິກາ, ທ່ານຫງວຽນຝູ໋ຈ້ອງ, ເລຂາທິການໃຫຍ່ ຄະນະ ບໍລິຫານງານສູນກາງພັກກອມມູນິດຫວຽດນາມ ໄດ້ມີການ ຢ້ຽມຢາມ ສ.ອາເມລິກາ ຢ່າງເປັນທາງການ ແຕ່ວັນທີ 5-12 ກໍລະກົດ 2015. ວັນທີ 7 ກໍລະກົດ ຕາມເວລາທ້ອງຖິ່ນ (ກົງກັບຕອນກາງຄືນວັນທີ 7 ກໍລະກົດ ຕາມເວລາຫວຽດນາມ), ທີ່ທຳນຽບຂາວ ໃນນະຄອນຫຼວງ ວໍຊິງຕັນ ດີ.ຊີ  ການພົບປະເຈລະຈາຄັ້ງປະຫວັດສາດ ລະຫວ່າງ ທ່ານຫງວຽນຝູ໋ຈ້ອງ ເລຂາທິການໃຫຍ່ ແລະ ທ່ານ Barack Obama ປະທານາທິບໍດີ ອາເມລິກາ ໄດ້ຈັດຂຶ້ນເປັນທາງການ.


ວັນທີ 7 ກໍລະກົດ 2015, ທີ່ທຳນຽບຂາວ ຢູ່ນະຄອນຫຼວງ ວໍຊິງຕັນ ດີ.ຊີ, ທ່ານ Barack Obama ປະທານາທິບໍດີ
ອາເມລິກາ ຕ້ອນຮັບ ທ່ານ ຫງວຽນຝູ໋ຈ້ອງ ເລຂາທິການໃຫຍ່. ພາບ: ຈີ້ຢຸງ-VNA


ທ່ານ ຫງວຽນຝູ໋ຈ້ອງ ເລຂາທິການໃຫຍ່ ພົບປະເຈລະຈາກັບ ທ່ານ Barack Obama ປະທານາທິບໍດີ
ອາເມລິກາ ທີ່ທຳນຽບຂາວ ຢູ່ນະຄອນຫຼວງ ວໍຊິງຕັນ ດີ.ຊີ. ພາບ: ຈີ້ຢຸງ-VNA



ທ່ານ ຫງວຽນຝູ໋ຈ້ອງ ເລຂາທິການໃຫຍ່ ເຂົ້າຮ່ວມງານລ້ຽງຮັບຮອງ ຂອງອຳນາດ ການປົກຄອງ ອາເມລິກາ ໂດຍທ່ານຮອງປະທານາທິບໍດີ
ອາເມລິກາ Joe Biden ເປັນເຈົ້າພາບ. ໃນພາບ: ທ່ານຮອງ ປະທານາທິບໍດີ Joe Biden
ຕ້ອນຮັບ ທ່ານເລຂາທິການໃຫຍ່ ຫງວຽນຝູ໋ຈ້ອງ. ພາບ: ຈີ້ຢຸງ-VNA



ທ່ານເລຂາທິການໃຫຍ່ ຫງວຽນຝູ໋ຈ້ອງ ພົບປະກັບທ່ານຜູ້ແທນ ສະພາສູງ ອາເມລິກາ John Mc.Cain. ພາບ: ຈີ້ຢຸງ-VNA


ທ່ານເລຂາທິການໃຫຍ່ ຫງວຽນຝູ໋ຈ້ອງ ຕ້ອນຮັບການເຂົ້າຢ້ຽມຄຳນັບ ຂອງຜູ້ຕາງໜ້າການຄ້າອາເມລິກາ Michael Froman. ພາບ: ຈີ້ຢຸງ-VNA


ທ່ານເລຂາທິການໃຫຍ່ ຫງວຽນຝູ໋ຈ້ອງ ຢ້ຽມຢາມຄອບຄົວ ຂອງທ່ານ ອະດີດປະທານາທິບໍດີ ອາເມລິກາ Bill Clinton
ຢູ່ເຂດຊານເມືອງນະຄອນ ນິວຢອກ, ອາເມລິກາ. ພາບ: ຈີ້ຢຸງ-VNA



ທ່ານເລຂາທິການໃຫຍ່ ຫງວຽນຝູ໋ຈ້ອງ ພົບປະແລກປ່ຽນ ຄຳຄິດຄຳເຫັນ ກັບທ່ານເລຂາທິການໃຫຍ່
ສະຫະປະຊາຊາດ Ban Ki-moon. ພາບ: ຈີ້ຢຸງ-VNA



ທ່ານເລຂາທິການໃຫຍ່ ຫງວຽນຝູ໋ຈ້ອງ ຕ້ອນຮັບບັນດາທ່ານຜູ້ນຳ ທາງສາດສະໜາ ອາເມລິກາ
ແລະ ຜູ້ຕາງໜ້າ ສະຖາບັນຜູກພັນກັນ ທົ່ວໂລກ(IGE). ພາບ: ຈີ້ຢຸງ-VNA


ທ່ານເລຂາທິການໃຫຍ່ ຫງວຽນຝູ໋ຈ້ອງ ເຂົ້າຮ່ວມພິທີຕັດແຖບຜ້າ ແລະ ມອບລູກກະແຈ ມອບສົ່ງເຄື່ອງບິນລຸ້ນໃໝ່ Boeing 787-9 Dreamliner
ລະຫວ່າງກຸ່ມບໍລິສັດ Boeing ແລະ Vietnam Airlines ທີ່ສະໜາມບິນ Ronal Reagan
ຢູ່ນະຄອນຫຼວງວໍຊິງຕັນ ດີ.ຊີ. ພາບ: ຈີ້ຢຸງ-VNA

ວັນທີ 11 ກໍລະກົດ 1995, ທ່ານ Bill Clinton, ປະທານາທິບໍດີແຫ່ງ ສ.ອາເມລິກາ ແລະ ທ່ານ ຫວໍວັນກຽດ, ນາຍົກລັດຖະມົນຕີແຫ່ງ ສສ.ຫວຽດນາມ ໄດ້ແຈ້ງຂ່າວກ່ຽວກັບການຕົກລົງສ້າງສາຍພົວພັນ ທາງການທູດຢ່າງເປັນປົກກະຕິ ລະຫວ່າງ ຫວຽດນາມ-ອາເມລິກາ.

ວັນທີ 5 ສິງຫາ 1995, ທ່ານ Warren Christopher, ລັດຖະມົນຕີ ວ່າການກະຊວງການຕ່າງປະເທດ ອາເມລິກາ ໄດ້ຈັດພິທີເປີດນຳໃຊ້ ຕຶກອາຄານເອກອັກຄະລັດຖະທູດ ສ.ອາເມລິກາ ປະຈຳນະຄອນ ຫຼວງຮ່າໂນ້ຍ. ນີ້ກໍແມ່ນການຢ້ຽມຢາມຫວຽດນາມຄັ້ງທຳອິດ ຂອງລັດຖະມົນຕີອາເມລິກາ.

ເດືອນພຶດສະພາ 1997, ສອງປະເທດແລກປ່ຽນ ເອກອັກຄະລັດ ຖະທູດນໍາກັນ. ທ່ານເລວັນບ່າງ ເປັນເອກອັກຄະລັດຖະທູດ ຫວຽດນາມ ຜູ້ທຳອິດ ປະຈຳຢູ່ອາເມລິກາ ແລະ ທ່ານ Douglas Peterson ເປັນເອກອັກຄະລັດຖະທູດ ອາເມລິກາ ຜູ້ທຳອິດ ປະຈຳຢູ່ຫວຽດນາມ.

ວັນທີ 13 ມີນາ 2000, ທ່ານ William S.Cohen ລັດຖະມົນ ຕີວ່າ ການກະຊວງ ປ້ອງກັນປະເທດ ອາເມລິກາ ໄດ້ມາຢ້ຽມຢາມ ຫວຽດ ນາມ. ໃນການມາຢ້ຽມຢາມຄັ້ງນີ້, ທັງສອງຝ່າຍໄດ້ໂອ້ລົມສົນທະນາ ນຳກັນ ກ່ຽວກັບການຊອກຫານາຍ ແລະ ພົນທະຫານທີ່ຫາຍສາບສູນ ໃນປາງສົງຄາມ ແລະ ປຶກສາຫາລືກ່ຽວກັບການຮ່ວມມືດ້ານ ການທະ ຫານ ລະຫວ່າງສອງປະເທດ. ນີ້ກໍແມ່ນຂີດໝາຍໜຶ່ງທີ່ສໍາຄັນ ໃນການ ພົວພັນຮ່ວມມື ດ້ານປ້ອງກັນຊາດ ລະຫວ່າງ ຫວຽດນາມ-ອາເມລິກາ. ມາໃນເດືອນ ພະຈິກ 2003, ທ່ານພົນເອກ ຟ້າມວັນຈ່າ ລັດຖະມົນຕີ ວ່າການກະຊວງປ້ອງກັນປະເທດ ຫວຽດນາມ, ໄດ້ເດີນທາງໄປຢ້ຽມ ຢາມນະຄອນຫຼວງ ວໍຊິງຕັນ ແຫ່ງປະເທດ ສ.ອາເມລິກາ.

ວັນທີ 16 ພະຈິກ 2000, ທ່ານປະທານາທິບໍດີ Bill Clinton ໄດ້ມາ ຢ້ຽມຢາມຫວຽດນາມຢ່າງເປັນທາງການເປັນເວລາ 4 ວັນ. ນີ້ແມ່ນ ການມາຢ້ຽມຢາມຫວຽດນາມຄັ້ງທຳອິດ ຂອງປະທານາທິບໍດີ ອາເມ ລິການັບຕັ້ງແຕ່ສົງຄາມສິ້ນສຸດລົງເມື່ອ ປີ 1975.

ໃນການຢ້ຽມຢາມດັ່ງກ່າວ, ທ່ານ Clinton ໄດ້ເວົ້າວ່າ: “ພວກຂ້າພະ ເຈົ້າເປັນກຽດຢ່າງຍິ່ງທີ່ໄດ້ພ້ອມກັບພວກທ່ານ ຂຽນໜ້າປະຫວັດສາດ ໃໝ່ໃນການພົວພັນລະຫວ່າງສອງຊາດ ຫວຽດນາມ-ອາເມລິກາ ແລະ ພວກຂ້າພະເຈົ້າຂໍສະແດງຄວາມຮູ້ບຸນຄຸນຕໍ່ໜ້າປະຫວັດສາດໃໝ່ນີ້ທີ່ ໄດ້ມີຈຸດເລີ່ມຕົ້ນທີ່ດີງາມ. ແມ່ນແນວນັ້ນແທ້, ປະຫວັດສາດ ທີ່ພວກເຮົາປະໄວ້ຢູ່ທາງຫຼັງນັ້ນແມ່ນເຈັບປວດ, ເສົ້າໝອງ ແລະ ໜັກໜ່ວງທີ່ສຸດ. ພວກເຮົາບໍ່ສາມາດຫຼົງລືມມັນໄດ້. ແຕ່ພວກເຮົາກໍບໍ່ໃຫ້ມັນຄອບງຳພວກເຮົາ. ອະດີດເປັນ ພຽງສິ່ງທີ່ມາກ່ອນອະນາຄົດ, ອະດີດບໍ່ແມ່ນສິ່ງຕັດສິນອະນາຄົດ”.

ວັນທີ 20 ມິຖຸນາ 2015, ທ່ານຟານວັນຂ້າຍ ນາຍົກລັດຖະມົນຕີ ແລະ ຄະນະຜູ້ແທນລັດຖະບານຫວຽດນາມ ໄດ້ເດີນທາງຢ້ຽມຢາມສ.ອາເມ ລິກາ ຕາມຄຳເຊື້ອເຊີນຂອງທ່ານປະທານາທິບໍດີ George Bush.

ຢູ່ທີ່ນີ້, ທ່ານນາຍົກລັດຖະມົນຕີ ໄດ້ຢືນຢັນວ່າ, ຫວຽດນາມ ແລະ ອາເມລິກາມີຄວາມສົນໃຈ ແລະ ຜົນປະໂຫຍດລວມໃນຫຼາຍຂົງເຂດ. ທ່ານຫວັງວ່າ, ການຢ້ຽມຢາມຈະເປີດແງ່ຫວັງໃໝ່ ໃນການພົວພັນ ຮ່ວມມື ລະຫວ່າງຫວຽດນາມ ແລະ ອາເມລິກາ ທັງລວງກວ້າງ ແລະ ລວງເລິກ, ນຳມາເຊິ່ງຜົນປະໂຫຍດໃຫ້ແກ່ທັງສອງປະເທດ.

ເດືອນພະຈິກ 2006, ທ່ານປະທານາທິບໍດີ George W.Bush ໄດ້ມາຢ້ຽມຢາມຫວຽດນາມ. ໃນການຢ້ຽມຢາມດັ່ງກ່າວ, ທ່ານ Bush ໄດ້ລົງນາມໃສ່ຮ່າງກົດລະບຽບການພົວພັນ ເປັນປົກກະຕິຕະຫລອດການໃຫ້ແກ່ຫວຽດນາມ.

ເດືອນມິຖຸນາ 2007, ທ່ານປະທານປະເທດຫວຽດນາມ ຫງວຽນມິງ ຈ໋ຽດ ໄປຢ້ຽມຢາມອາເມລິກາ. ຢູ່ທີ່ນີ້, ທ່ານປະທານປະເທດ ຢັ້ງຢືນ ວ່າ, ຫວຽດນາມ ໄດ້ ແລະ ພວມສືບຕໍ່ ຂະບວນການເຊື່ອມໂຍງຫລາຍຍິ່ງຕື່ມໃນການເຂົ້າເປັນສະມາຊິກອົງການການຄ້າໂລກ (WTO), ສືບ ຕໍ່ປະຕິບັດຕາມລະບຽບກົດໝາຍຂອງ WTO ເພື່ອສ້າງສະພາບແວດ ລ້ອມທີ່ປະທັບໃຈໃຫ້ແກ່ການລົງທຶນ.

ເດືອນມິຖຸນາ 2008, ທ່ານຫງວຽນເຕິນຢຸງ ນາຍົກລັດຖະມົນຕີ ໄດ້ນໍາພາຄະນະຜູ້ແທນຂັ້ນສູງຢ້ຽມຢາມວໍຊິງຕັນ. ຢູ່ທີ່ນີ້, ສອງຝ່າຍ ໄດ້ເປັນ ເອກະພາບກັນ ຈັດຕັ້ງບັນດາການພົບປະສົນທະນາ ກ່ຽວກັບຄວາມສະຫງົບຍຸດທະສາດຂັ້ນລັດຖະມົນຕີຊ່ວຍ. ຜົນຂອງການ ຢ້ຽມຢາມດັ່ງກ່າວ ທັງສອງຝ່າຍໄດ້ມີການພົບປະສົນທະນາດ້ານ ການເມືອງ, ປ້ອງກັນຊາດ ປ້ອງກັນຄວາມສະຫງົບ ຄັ້ງທຳອິດ ໃນ ເດືອນຕຸລາ 2008 ທີ່ວໍຊິງຕັນ.

ເດືອນກໍລະກົດ 2013, ທ່ານປະທານປະເທດ ເຈືອງເຕິນຊາງໄດ້ເດີນທາງໄປຢ້ຽມຢາມ ອາເມລິກາຢ່າງເປັນທາງການ. ໃນໂອກາດນີ້, ສອງຝ່າຍໄດ້ລົງນາມສ້າງການພົວພັນຄູ່ຮ່ວມມືຮອບດ້ານ.

ເດືອນທັນວາ 2013, ທ່ານ John Kerry  ລັດຖະມົນຕີວ່າການກະຊວງການຕ່າງປະເທດ ໄດ້ມາຢ້ຽມຢາມຫວຽດນາມ ແລະ ພົບປະສົນທະນາກັບບັນດາທ່ານຜູ້ນຳຫວຽດນາມ ບັນດາບັນຫາກ່ຽວກັບການຮ່ວມມື ແລະ ຍົກສູງສາຍພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ-ອາເມລິກາ.

ເດືອນຕຸລາ 2014, ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດຫວຽດນາມໄດ້ໄປຢ້ຽມຢາມອາເມລິກາ. ຢູ່ທີ່ນີ້, ທ່ານ Kerry ໄດ້ແຈ້ງຂ່າວວ່າ ອາເມລິກາ ຈະຍົກເລີກສ່ວນໃດສ່ວນໜຶ່ງຄຳສັ່ງຂວ້ຳບາດອາວຸດຂ້າຕາຍ ຫຼືເຮັດໃຫ້ບາດເຈັບແກ່ຫວຽດນາມ. ບັນຫາທະເລຕາເວັນອອກກໍແມ່ນຫົວຂໍ້ໜຶ່ງທີ່ສອງຝ່າຍໄດ້ນໍາມາພິຈາລະນາໃນການຢ້ຽມຢາມຄັ້ງນີ້.

ທ່ານນາຍົກລັດຖະມົນຕີ ຟານວັນຂ້າຍ ຢ້ຽມຢາມ ອາເມລິກາ(2005). ພາບ: VNA

ທ່ານປະທານາທິບໍດີ ອາເມລິກາ George W.Bush ຢ້ຽມຢາມ ຫວຽດນາມ(2006). ພາບ: VNA

ທ່ານປະທານປະເທດ ຫງວຽນມິງຈ໋ຽດ ຢ້ຽມຢາມອາເມລິກາ(2007). ພາບ: VNA

ທ່ານນາຍົກລັດຖະມົນຕີ ຫງວຽນເຕິນຢຸງ ຢ້ຽມຢາມ
ອາເມລິກາ(2008). ພາບ: VNA


ທ່ານປະທານາທິບໍດີ ອາເມລິກາ George W.Bush ແລະ ບັນດາທ່ານປະມຸກລັດປະເທດຕ່າງໆ
ເຂົ້າຮ່ວມກອງປະຊຸມສຸດຍອດ ອາເປັກ 14 (2006) ທີ່ຫວຽດນາມ. ພາບ: VNA

 

ເມື່ອເດືອນກໍລະກົດ 2013, ຫວຽດນາມ ແລະ ອາເມລິກາ ໄດ້ ລົງນາມ ສ້າງການພົວພັນຄູ່ຮ່ວມມືຮອບດ້ານ. ໃນພາບ: ທ່ານປະທານປະເທດ
ເຈືອງເຕິນຊາງ ພົບປະກັບທ່ານປະທານາທິບໍດີ ອາເມລິກາ Barack Obama ທີ່ທຳນຽບຂາວ. ພາບ: ຫງວຽນຄາງ-VNA

ບັນດາສັນຍາທີ່ສຳຄັນ

ສັນຍາການຄ້າຫວຽດນາມ-ອາເມລິກາ

ເດືອນກໍລະກົດ ປີ 2000, ສອງຝ່າຍໄດ້ລົງນາມໃນຂໍ້ສັນຍາກ່ຽວກັບການຄ້າລະຫວ່າງຫວຽດນາມ-ອາເມລິກາ(BTA) ແລະ ມີຜົນສັກສິດຢ່າງເປັນທາງການ ເມື່ອວັນທີ 11 ທັນວາ 2001, ເມື່ອທ່ານຫວູຄວານ  ລັດຖະມົນຕີວ່າການກະຊວງການຄ້າຫວຽດນາມ ແລະ ທ່ານ Zoellick ຜູ້ຕາງໜ້າການຄ້າ ອາເມລິກາ ໄດ້ແລກປ່ຽນຈົດໝາຍໃຫ້ສັດຕະຍາບັນ ແກ່ສັນຍາທີ່ ວໍຊິງຕັນ. ຕາມນັ້ນ, ສິນຄ້າ ທຸກປະເພດຂອງຫວຽດນາມ ນໍາເຂົ້າອາເມລິກາ ຈະໄດ້ຮັບອັດຕາພາສີ ຕາມ ກົດລະບຽບຂອງ ການພົວພັນການຄ້າເປັນປົກກະຕິ (NTR) ໄຮ້ເງື່ອນໄຂ, ຕໍ່າກວ່າຫຼາຍ ເມື່ອທຽບກັບອັດຕາພາສີກ່ອນໜ້ານັ້ນ. ພຽງ 2 ປີ ຫຼັງຈາກ BTA ມີຜົນສັກສິດ, ອາເມລິກາໄດ້ກາຍເປັນຕະຫຼາດສົ່ງອອກ ອັນດັບໜຶ່ງ ຂອງຫວຽດນາມ ແລະ ອັນດັບນີ້ຄົງໄວ້ຈົນມາເຖິງປັດຈຸບັນ. ຕາມ ສະຖິຕິຂອງກະຊວງ ອຸດສາຫະກຳ ແລະ ການຄ້າຫວຽດນາມ, ຄິດໄລ່ມາຮອດ 4 ເດືອນຕົ້ນປີ 2015, ອາເມລິກາ ຍັງຄົງເປັນຕະຫຼາດ ສົ່ງອອກອັນດັບໜຶ່ງຂອງຫວຽດນາມ ດ້ວຍອັດຕາຖ່ວງ 19,7%.

ວົງເງິນການຄ້າສອງສົ້ນລະຫວ່າງຫວຽດນາມ-ອາເມລິກາ ປີ 2014 ບັນລຸ 36,3 ຕື້ USD, ໃນນັ້ນ ວົງເງິນສົ່ງອອກບັນລຸ 30,6 ຕື້ USD, ເພີ່ມຂຶ້ນ 25%, ວົງເງິນນຳເຂົ້າບັນລຸ 5,7 ຕື້ USD, ເພີ່ມຂຶ້ນ 13,6 %. ຕາມນັ້ນ, ຫວຽດນາມໄດ້ສົ່ງອອກຫຼາຍກວ່າການນຳເຂົ້າ ທີ່ຕະຫຼາດ ອາເມລິກາ 24,9 ຕື້ USD, ແມ່ນລະດັບການສົ່ງອອກຫຼາຍກວ່າ ການນຳເຂົ້າສູງສຸດ ນັບແຕ່ກ່ອນມາເຖິງປັດຈຸບັນ. ປີ 2014, ອາເມລິກາ ກໍເປັນຄູ່ຮ່ວມມືການຄ້າໃຫຍ່ທີສຸດຂອງ ຫວຽດນາມ ທັງ ເປັນໜ່ຶງໃນ 7 ນັກລົງທຶນໃຫຍ່ທີສຸດຂອງຫວຽດນາມ ດ້ວຍກ້ອນເງິນ ລົງທຶນໂດຍກົງ(FDI) ປະມານ 10 ຕື້ USD.

ຫວຽດນາມເຂົ້າຮ່ວມ WTO

ຄຽງຄູ່ກັບການເພີ່ມທະວີສາຍພົວພັນການຄ້າ ແລະ ການລົງທຶນ ຫວຽດນາມ-ອາເມລິກາ, BTA ກໍເປີດໂອກາດໃຫ້ແກ່ການເພີ່ມທະວີ ການພົບປະແລກປ່ຽນ ລະຫວ່າງປະຊາຊົນສອງປະເທດ, ເປີດປະຕູ ເພື່ອໃຫ້ຫວຽດນາມເຂົ້າຮ່ວມ WTO(ອົງການການຄ້າໂລກ) ຢ່າງເປັນທາງການໃນເມື່ອວັນທີ 11 ມັງກອນ 2007. ບັນດາບົດຮຽນ ທີ່ສະສົມມາໄດ້ຈາກການເຈລະຈາ BTA ໄດ້ເປັນຜົນປະໂຫຍດ ຢ່າງຫຼວງຫຼາຍ ໃຫ້ແກ່ຫວຽດນາມ ໃນຂະບວນວິວັດການເຈລະຈາ ກັບອາເມລິກາເພື່ອເຂົ້າຮ່ວມ WTO ຊຶ່ງເປັນຄູ່ຮ່ວມມືຕົ້ນຕໍໃນ WTO. 

ສັນຍາຄູ່ຮ່ວມມືຂ້າມປາຊີຟິກ (TPP)

ຫວຽດນາມ, ອາເມລິກາ ພ້ອມກັບ 10 ປະເທດອື່ນໆ ພວມເຈລະຈາ ກ່ຽວກັບ TPP (ສັນຍາຄູ່ຮ່ວມມືຂ້າມປາຊີຟິກ). ຄາດຫວັງວ່າ ສັນຍາດັ່ງກ່າວ 12 ປະເທດຈະໄດ້ຮ່ວມລົງນາມເຊັນໃນທ້າຍປີ 2015 ນີ້, ມູນຄ່າວົງເງິນສົ່ງອອກ-ນຳເຂົ້າຂອງຫວຽດນາມເຂົ້າອາເມລິການັບແຕ່ປີ 2015 ເປັນຕົ້ນໄປຍັງຈະເພີ່ມຂຶ້ນອີກຫລາຍພໍຄວນ. ສະມາຄົມການຄ້າອາເມລິກາປະຈໍາຫວຽດນາມ(AmCham) ຄິດປະມານວ່າ, ຮອດປີ 2020 ມູນຄ່າສິນຄ້າສົ່ງອອກຂອງຫວຽດນາມ ໄປສູ່ອາເມລິກາ ອາດຈະບັນລຸ 57 ຕື້ USD.

TPP ຖືວ່າເປັນພື້ນຖານໃຫ້ແກ່ການເຊື່ອມໂຍງເສດຖະກິດ ໃນທົ່ວພາກພື້ນ ອາຊີ-ປາຊີຟິກ. ສັນຍາດັ່ງກ່າວຈະຊຸກຍູ້ ຜົນປະໂຫຍດດ້ານເສດຖະກິດ, ສ້າງວຽກເຮັດງານທຳ ແລະ ເພີ່ມທະວີສາຍພົວພັນ ຫວຽດນາມ-ອາເມລິກາຂຶ້ນຕື່ມອີກ. ເມື່ອເຂົ້າຮ່ວມ TPP ແລ້ວ, ສິນຄ້າບາງປະເພດຂອງ ຫວຽດນາມ ທີ່ສົ່ງອອກໄປອາເມລິກາເຊັ່ນ:ຜະລິດພັນຕໍ່າແຜ່ນ-ຕັດຫຍິບ, ເກີບໜັງ ແລະ ສິນໃນນ້ຳ ອາດຈະໄດ້ຊົມໃຊ້ອັດຕາພາສີ  0%.

ຜົນສຳເລັດຂອງບັນດາສັນຍາການຄ້າ ຈະເປັນເງື່ອນໄຂ ອຳນວຍ ຄວາມສະດວກ ເພື່ອຍົກລະດັບສາຍພົວພັນຫວຽດນາມ-ອາເມລິກາ ຂຶ້ນສູ່ຄູ່ຮ່ວມມືຍຸດທະສາດໃນອະນາຄົດ.

ຄະນະຜູ້ແທນຫວຽດນາມ ເຂົ້າຮ່ວມການເຈລະຈາ ສັນຍາຄູ່ຮ່ວມມື ຂ້າມປາຊີຟິກ (TPP) ທີ່ສິງກະໂປ. ພາບ: ເລຫາຍ-VNA


ທ່ານລັດຖະມົນຕີວ່າການກະຊວງປ້ອງກັນປະເທດ ຫວຽດນາມ ຟຸ່ງກວາງແທງ ແລະ ທ່ານລັດຖະມົນຕີວ່າການກະຊວງ ປ້ອງກັນ ປະເທດ
ອາເມລິກາ Ashton Carter ລົງນາມໃນຂໍ້ຖະແຫຼງການ ວິໄສທັດລວມ ລະຫວ່າງກະຊວງປ້ອງກັນປະເທດ
ສອງຊາດ ຫວຽດນາມ-ອາເມລິກາ. ພາບ: ຈ້ອງດຶກ-VNA



ຫວຽດນາມ-ອາເມລິກາ ຮ່ວມມືນຳໃຊ້ພະລັງງານ ນິວເກຼຍ ສັນຕິພາບ. ພາບ: VNA


ການພົບປະສົນທະນາປ້ອງກັນຊາດ ລະຫວ່າງຫວຽດນາມ-ອາເມລິກາ. ພາບ: ຈ້ອງດຶກ-VNA

ໂດຍ: ຟ້າມແຄ໋ງ (Infornet.vn ສັງລວມ)
ບັນດາບົດທີ່ຖືກນຳສະເໜີ