03/07/2015 17:01 GMT+7 Email Print Like 0

ໝາກລິ່ນຈີ່ນຂອງຫວຽດນາມໄດ້ສົ່ງອອກໄປຕ່າງປະເທດ

ລະດູໝາກລິ່ນຈີ່ປີ 2015 ນີ້, ແຂວງບັກຢາງ ແລະ ຫາຍເຢືອງ ໄດ້ຮັບຂ່າວດີຢ່າງຕໍ່ເນື່ອງ ໃນເມື່ອໝາກລິ່ນຈີ່ ໄດ້ປະກົດຕົວທີ່ຕະຫຼາດຂອງບັນດາປະເທດຢູ່ທະວີບ ອາຊີ, ເອີຣົບ, ອາເມລິກາ ແລະ ອົສຕາລີ. ພິເສດວ່າ, ໝາກລິ່ນຈີ່ ຂອງຫວຽດນາມ ໄດ້ຮັບອະນຸມັດຜ່ານແດນ ເຂົ້າສູ່ຕະຫຼາດ ທີ່ມີລົດນິຍົມສູງຄື ອາເມລິກາ ແລະ ອົສຕາລີ ເພື່ອເປັນເປີດຄວາມຫວັງ ຍົກສູງຄຸນຄ່າຂອງ ໝາກລິ່ນຈີ່ຫວຽດນາມ. 
ບັນຍາກາດຄຶກຄັກ ໃນລະດູໝາກລິ່ນຈີ່ ຢູ່ເມືອງ ລູກງ້ານ

ໃນທຸກມື້ກາງເດືອນມິຖຸນາ, ຢູ່ທົ່ວທຸກເສັ້ນທາງຂອງ ເທດສະບານ ຈູ໋, ເມືອງລູກງ້ານ, ແຂວງບັກຢາງ ເໝືອດັ່ງຖືກປົກຄຸມໄປດ້ວຍ ສີແດງເຮື່ອຂອງໝາກລິ່ນຈີ່. ພໍ່ແມ່ປະຊາຊົນ ຈາກຕາແສງ ຕ່າງໆຄື ເກີ່ມເຊີນ, ເຕິນເຊີນ, ຟອງເວິນ, ຊາລີ້ ແລະ ຮົ່ງຢາງ ໄດ້ບັນທຸກ ໝາກລິ່ນຈີ່ເປັນແກັດໆ ມີນຳ້ໜັກເຖິງຮ້ອຍກິໂລກຣາມ ດ້ວຍລົດຈັກ ໄປສົ່ງສາຂາຈຳໜ່າຍ ຢູ່ລຽບຕາມເສັ້ນທາງຫຼວງ  ເລກທີ່ 31 ຢ່າງຄັບຄາໜາແໜ້ນ.

ຕາມການສະຖິຕິຂອງຄະນະກຳມະການປະຊາຊົນ ເມືອງ ລູກງ້ານ ແລ້ວ, ເຖິງວ່າ ເສັ້ນທາງຫຼວງເລກທີ່ 31 ຈາກບ່ອນທາງສາມແຍກ  ກິມຮອດໃຈກາງເທດສະບານ ຈູ໋ ມີຄວາມຍາວພຽງ 5 ກິໂລແມັດ ເທົ່ານັ້ນ ແຕ່ໄດ້ມີເຖິງ 1000 ກວ່າ ສາຂາເກັບຊື້ໝາກລິ່ນຈີ່. ເອື້ອຍ ຫງວຽນຢາງ, ເຈົ້າຂອງສາຂາໜຶ່ງຢູ່ເທດສະບານຈູ໋ ໃຫ້ຮູ້ວ່າ: “ສອງສາມ ປີກ່ອນນີ້, ລະດູໝາກລິ່ນຈີ່ໄດ້ຮັບຜົນດີ ແຕ່ລາຄາ ຊ້ຳພັດຖືກລົງຢ່າງໜ້າສະຫຼົດໃຈ. ຕ່າງກັບລະດູກ່ອນໆນັ້ນ, ລະດູໝາກລິ່ນຈີ່ປີນີ້ ໄດ້ຮັບຜົນດີ ແລະ ຂາຍກໍໄດ້ລາຄາສູງ ດັ່ງນັ້ນ, ຊາວກະສິກອນ ແລະ ພໍ່ຄ້າຊາວຂາຍພວກຂ້າພະເຈົ້າ ຕ່າງກໍມີຄວາມດີອົກດີໃຈຫຼາຍ”.
 

ແນວພັນໝາກລິ່ນຈີ່ຄຸນນະພາບສູງໄດ້ຕາມມາດຕະຖານ GlobalGAP ຂອງເມືອງລູກງ້ານ, ແຂວງບັກຢາງ. ພາບ: ຈິ້ງໂບ້


ຄອບຄົວເອື້ອຍ ຟ້າມທິງ່າ(ບ້ານ ແກັບ I, ຕາແສງ ຮົ່ງຢາງ) ກຳລັງເກັບກ່ຽວໝາກລິ່ນຈີ່ໃນສວນຂະຫນາດ 1.7 ເຮັກຕາ ທີ່ໄດ້ປູກ
ຕາມຂັ້ນຕອນຂອງ GlobalGAP ເພື່ອສ່ົງອອກໄປຕະຫຼາດ ອາເມລິກາ ແລະ ອົສຕາລີ. ພາບ: ຈິ້ງໂບ້



ຄະນະກຳມະການປະຊາຊົນແຂວງບັກຢາງ ໄດ້ຈັດສັນທີ່ດິນຈຳນວນ 100 ເຮັກຕາ ແລະ ມອບໃຫ້ຈຳນວນ 109 ຄອບຄົວ
ເພື່ອປູກຕົ້ນໝາກລິ່ນຈີ່ ຕາມມາດຕະຖານ GlobalGAP ທີ່ຕາແສງ ຮົ່ງຢາງ ເພື່ອສົ່ງອອກ. ພາບ: ທົງທ້ຽນ



ຜູ້ຕາງໜ້າຈາກອົງການກັກກັນພະຍາດ (ກະຊວງກະສິກຳ ອາເມລິກາ) ໄດ້ມາຢ້ຽມຢາມເຂດປູກໝາກລິ່ນຈີ່
ຕາມແບບ GlobalGAP ຢູ່ຕາແສງຮົ່ງຢາງ. ພາບ: ແມ້ງມິງ



ຮູບພາບລວມທັງໝົດຂອງເນື້ອທີ່ປູກຕົ້ນໝາກລິ່ນຈີ່ເພື່ອສົ່ງອອກ ຕາມມາດຕະຖານ GlobalGAP ທີ່ຕາແສງຮົ່ງຢາງ. ພາບ: ຈິ້ງໂບ້
 

(ທ່ານ ເຈີ່ນກວາງເຕິນ, ປະທານຄະນະກຳມະການປະຊາຊົນ ເມືອງລູກງ້ານ)
 
ຄາດຄະເນລະດູໝາກລິ່ນຈີປີ 2015 ນີ້, ເມືອງລູກງ້ານ ຜະລິດ ໄດ້ປະມານ 100-130 ພັນໂຕນ. ໝາກລິ່ນຈີ່ ລູກງ້ານແຊກຊືມ ເຂົ້າຕະຫຼາດອາເມລິກາ ແລະ ອົສຕາລີປະສົບຜົນສຳເລັດ ຈະ ຊ່ວຍໃຫ້ຊາວກະສິກອນມີເງື່ອນໄຂຈັດຕັ້ງການຜະລິດຄືນໃໝ່, ຍົກສູງຄຸນນະພາບຂອງຕົ້ນໄມ້ ແລະ ນຳໃຊ້ເຕັກໂນໂລຢີດ້ານ ຄຸ້ມຄອງຮັກສາໝາກໄມ້ ຫຼັງເກັບກ່ຽວ ເພື່ອຍົກສູງຄຸນຄ່າຂອງ ຜະລິດຕະພັນ”. 
ຕາມການແນະນຳຂອງຄະນະກຳມະການເມືອງລູກງ້ານ, ພວກ ຂ້າພະເຈົ້າໄດ້ມາຕາແສງ ຮົ່ງຢາງ ບ່ອນທີ່ ບັນດາອົງການ ທີ່ກ່ຽວຂ້ອງ ຈັດສັນເປັນເຂດປູກຕົ້ນໝາກລິ່ນຈີ່ຕົ້ນຕໍ ເພື່ອ ສົ່ງ ອອກໄປຕະຫຼາດ ອາເມລິການ ແລະ ອົສຕາລີ. ໃນທຸກມື້ນີ້, ເຂດປູກຕົ້ນໝາກລິ່ນຈີ່ ເພື່ອສົ່ງອອກນີ້ ພວມຖືກວາງ ຢູ່ໃນການ ກວດກາຢ່າງເຄັ່ງຄັດຕະຫຼອດວັນຄືນ. 60 ເຮັກຕາຕົ້ນໝາກລິ່ນຈີ່ ໄດ້ປູກຝັງຕາມມາດຕະຖານ GlobalGAP ຍາວຢຽດ ຕາມ ບ້ານ 3 ແຫ່ງເຊັ່ນ: ແກັບ I, ງອດ ແລະ ເຟືອງເຊີນ ທີ່ຂຶ້ນກັບ ຕາແສງ ຮົ່ງຢາງ ພວມຢູ່ໃນກາງລະດູ ສະນັ້ນ, ໝາກລິ່ນຈີ່ຕົ້ນໃດໆ ກໍມີໝາກດົກຈົນໜັກງ່າກ່ອງລົງ.

ໃນເຂດສວນປູກຕົ້ນໝາກລິ່ນຈີ່ ກວ້າງ 1.7 ເຮັກຕາຂອງອ້າຍ ຫງວຽນວັນລືວ ຢູ່ບ້ານແກັບ I ມີກຳມະກອນ 20 ຄົນ ກຳລັງຂຸ້ນຂ້ຽວເກັບກູ້ໝາກລິ່ນຈີ່ ເພື່ອສ່ົງ ສິນຄ້າຄັ້ງທີສອງ ເຖິງປະເທດ ອົສຕາລີ ຮອດຕາມກຳນົດເວລາ. ເຖິງວ່າເຫື່ອໄຫຼສົດໆທົ່ວຕົວຕົນ ແຕ່ອ້າຍລືວ ກໍຍັງອວດຕໍ່ພວກຂ້າພະເຈົ້າ ດ້ວຍໃບໜ້າຊື່ນບານວ່າ: “ໝາກລິ່ນຈີ່ຢູ່ສວນຂ້ອຍເມື່ອເກັບກູ້ແລ້ວໆກໍຖືກສົ່ງຂຶ້ນເຄື່ອງບິນໄປເຖິງ ອົສຕາລີ ເລີຍ”.


ສ່ວນທ່ານ ຢ໋າບວັນລອງ, ຫົວໜ້າບ້ານແກັບ I ໄດ້ເວົ້າວ່າ: “ເບິ່ງໂທລະພາບ, ເຫັນໝາກລິ່ນຈີ່ຂອງບ້ານເຮົາ ຖືກວາງຂາຍ ທີ່ສັບພະສິນຄ້າຢູ່ຝຣັ່ງ ແລະ ມາເລເຊຍ ໃຜໆກໍມີຄວາມດີອົກດີໃຈ ໃຈທີ່ພັນລະນາບໍ່ໄດ້”.

ລະດູໝາກລິ່ນຈີ່ປີນີ້, ເພື່ອໃຫ້ການຊ່ວຍໜູນຊາວກະສິກອນ ໂຄສະນາ ເຜີຍແຜ່ ຜະລິດຕະພັນຂອງຕົນ, ແຕ່ລະທິດ, ຄະນະກຳ ມະການ ປະຊາຊົນ ເມືອງ ລູກງ້ານ ໄດ້ຟາກໝາກລິ່ນຈີ່ 2 ໂຕນ ໂດຍ ບໍ່ຄິດຄ່າ ຂຶ້ນຖ້ຽວບິນການຄ້າຢູ່ພາຍໃນ ແລະ ຕ່າງປະເທດ ເພື່ອບໍລິການແຂກໄປນຳເຄື່ອງບິນ. ວຽກງານຄິດວ່າງ່າຍໆ ພັດບັນລຸປະສິດທິຜົນ ເພາະເນື່ອງຈາກວ່າ ໝາກລິ່ນຈີ່ ມີຫຼາຍ ປະເທດເປັນທີ່ຮູ້ຈັກໂດຍໄວ.

ບັນຍາກາດຄຶກຄັກ ໃນລະດູໝາກລິ່ນຈີ່ ຢູ່ເມືອງ ລູກງ້ານ. ພາບ: ຈິ້ງໂບ້


ຕະຫຼອດໄລຍະທາງທີ່ມີຄວາມຍາວ 5 ກິໂລແມັດ ຈາກສາມແຍກ ກິມ ຮອດໃຈກາງເທດສະບານ ຈູ ຕາມເສັ້ນທາງຫຼວງເລກທີ່ 31
ຍາມໃດກໍມີປະຊາຊົນຂົນສົ່ງໝາກລິ່ນຈີ່ ໃຫ້ບັນດາສາຂາຈຳໜ່າຍຢ່າງຄັບຄາໜາແໜ້ນ. ພາບ: ທົງທ້ຽນ



ຕາມການສະຖິຕິຂອງຄະນະກຳມະການປະຊາຊົນເມືອງລູກງ້ານ, ໃນຊຸມມື້ ກາງລະດູ ໄດ້ມີພໍ່ຄ້າຊາວຂາຍຈີນ
ຫລາຍ ກວ່າ 500 ຄົນ ລົງທະບຽນສັ່ງຊື້ ໝາກລິ່ນຈີ່. ພາບ: ຈິ້ງໂບ້



ປະຊາຊົນເມືອງລູກງ້ານຄັດເລືອກ ແລະ ຈັດປະເພດໝາກລິ່ນຈີ່ກ່ອນການສົ່ງອອກ. ພາບ: ທົງທ້ຽນ


ໝາກລິ່ນຈີ່ທີ່ເກັບຊື້ແລ້ວ ຜູ້ເກັບຊື້ໄດ້ຈັດປະເພດເພື່ອສົ່ງອອກ. ພາບ: ຈິ້ງໂບ້


ໝາກລິ່ນຈີ່ທີ່ເກັບຊື້ແລ້ວຜູ້ເກັບຊື້ ໄດ້ຕັດຂວັ້ນອອກ ແລະ ບັນຈຸເຂົ້າໃນແກັດເພື່ອສົ່ງອອກ. ພາບ: ຈິ້ງໂບ້


ຊາວກະສິກອນເມືອງລູກງ້ານໄດ້ນຳໃຊ້ນ້ຳກ້ອນ ເພື່ອຮັກສາຄວາມສົດຂອງໝາກລິ່ນຈີ່ໄດ້ 4-6 ອາທິດ
ຕາມເຕັກໂນໂລຢີຂອງ ອິສຣາແອນ (Israel) . ພາບ: ທົງທ້ຽນ

 
ໜັງສືຜ່ານແດນສົ່ງອອກສູ່ຕ່າງປະເທດຂອງໝາກລິ່ນຈີ່ຫວຽດນາມ

ເພື່ອສາມາດໃຫ້ໝາກລິ່ນຈີ່ສົ່ງອອກເຖິງບັນດາຕະຫຼາດໃຫຍ່ ແລະ ມີລົດນິຍົມສູງ, ຫວຽດນາມຕ້ອງໄດ້ມີການກະກຽມຢ່າງລະອຽດ ແຕ່ຫຼາຍປີກ່ອນນີ້ແລ້ວ.

ຕົວຢ່າງ ເຊັ່ນ: ແຕ່ວັນທີ 12 ກັນຍາ ປີ 2003, ຫວຽດນາມ ໄດ້ ສະເໜີ ອົສຕາລີ ອະນຸຍາດໃຫ້ ໝາກລິ່ນຈ່ີສົດ ເຂົ້າຕະຫຼາດ ຂອງປະເທດນີ້ຢ່າງເປັນທາງການ. ແຕ່ຫາກວ່າ, ອົສຕາລີ ເປັນຕະຫຼາດທີ່ຮຽກຮ້ອງມາດຕະຖານສູງກ່ຽວກັບ ຫຼັກອະນາໄມ ດ້ານສະບຽງອາຫານ ກໍຄືການກັກກັນພະຍາດພືດ ຢ່າງເຂັ່ງຄັດ ທີສຸດຂອງໂລກ, ດັ່ງນັ້ນໝາກລິ່ນຈີ່ຂອງຫວຽດນາມຍັງບໍ່ທັນ ມີເງື່ອນໄຂເຂົ້າເຖິງເທື່ອ.

ມາຮອດວັນທີ 17 ເມສາ ປີ 2015 ນີ້, ກະຊວງກະສິກຳ ອົສຕາລີ ໄດ້ສົ່ງຈົດໝາຍເຖິງ ກົມປົກປ້ອງພືດສາສາດ ຢ່າງເປັນທາງການ ແຈ້ງການກ່ຽວກັບ ບັນດາວິສາຫະກິດ ຫວຽດນາມ ສາມາດຂໍອະ ນຸຍາດ ນຳໝາກລິ່ນຈີ່ເຂົ້າສູ່ ອົສຕາລີ. ແລະ ພຽງສອງເດືອນຫຼັງ ນັ້ນ, ໄດ້ສົ່ງໝາກລິ່ນຈີ່ 17 ໂຕນ ໂດຍບໍລິສັດການຄ້າ ແລະ ການບໍລິການ ຣົ່ງເດາະ (ມັງກອນແດງ) ເກັບຊື້ ສົ່ງໄປຕະຫຼາດ ອົສຕາລີສຳເລັດຜົນ.

ເມື່ອເວົ້າກ່ຽວກັບເຫດການດັ່ງກ່າວ, ທ່ານເອກອັກຄະລັດຖະທູດ ອົສຕາລີ ປະຈຳຫວຽດນາມ Hugh Borrowman ໄດ້ສະແດງ ຄວາມຄິດເຫັນວ່າ: “ເປັນສິ່ງຍອດຍິ່ງທີ່ສຸດ ເມື່ອຜູ້ບໍລິໂພກ ອົສຕາລີ ມີໂອກາດໄດ້ຊິມລົດຊາດຫອມຫວານຂອງໝາກລິ່ນຈີ່ ໃນລະດູການໃນ ປີ 2015 ນີ້. ຂ້າພະເຈົ້າມີຄວາມຫມັ້ນໃຈວ່າ ຊາວ ອົສຕາລີ ຈະຕ້ອນຮັບຜະລິດຕະພັນຄຸນນະພາບສູງນີ້ ຄືກັນກັບຊາວຫວຽດນາມພວມໄດ້ຊິມລົດຊາດຂອງທຸກປະເພດ ໝາກໄມ້ສົດຂອງ ອົສຕາລີ ຄື: ໝາກອະງຸ່ນ, ໝາກກ້ຽງ ແລະ ໝາກແຊຣີ”.


ກະຊວງອຸດສາຫະກຳ-ການຄ້າ, ກະຊວງກະສິກຳ ແລະ ພັດທະນາຊົນນະບົດ ປະສານສົມທົບ ກັບຄະນະກຳມະການປະຊາຊົນ ນະ ຄອນໂຮ່ຈີມິນ,
ຄະນະກຳມະການປະຊາຊົນ ແຂວງ ບັກຢາງ ແລະ ຄະນະກຳມະການປະຊາຊົນ ແຂວງ ຫາຍເຢືອງ
ຈັດຕັ້ງກອງປະຊຸມສົ່ງເສີມການຈຳໜ່າຍໝາກລິ່ນຈີ່ ປີ 2015. ພາບ: ແທງຫວູ



ຄະນະກຳມະການປະຊາຊົນເມືອງລູກງ້ານ ລົງນາມບົດບັນທຶກ ຊ່ວຍຈຳ ກັບບໍລິສັດຫຸ້ນສ່ວນ AIC ວ່າດວ້ຍ
ການສະໜອງໝາກລິ່ນຈີ່ເພື່ອສົ່ງອອກ. ພາບ: ເອກະສານ



ນຳເອົາໝາກລິ່ນຈີ່ເຂົ້າໃນລະບົບ ສ່ອງລັງສີ ເພື່ອຂ້າເຊື້ອກາຝາກ. ພາບ: ເລກວນ


ລັດຖະກອນກວດສອບຄຸນນະພາບ ຈະຖືກຕິດສະແຕມຮັບຮອງ ແລະ ກວດກາແກັດໝາກລິ່ນຈີ່ ຫຼັງສຳເລັດການສ່ອງລັງສີ. ພາບ: ທົງຫາຍ


ທ່ານ Robert Guillermo ນັກກັກກັນພະຍາດ ສັງກັດກະຊວງກະສິກຳອາເມລິກາ (USDA) ເປັນຜູ້ຫຸ້ມຫໍ່ໂດຍກົງ
ບັນດາແກັດໝາກລິ່ນຈີ່ຫຼັງຈາກຜ່ານການສ່ອງລັງສີ. ພາບ: ເລກວນ



ທ່ານ Alex Aexopoulos, ຜູ້ຕາງໜ້າຜູ້ນຳເຂົ້າໝາກລິ່ນຈີ່(ບໍລິສັດ Panasia Fresh-ອົສຕາລີ ໃຫ້ຮູ້ວ່າ: ຕົນເອງທ່ານມີຄວາມເພິ່ງພໍໃຈທີ່ສຸດ
ກ່ຽວກັບຂັ້ນຕອນກວດກາຄຸນນະພາບໝາກລິ່ນຈີ່ຂອງຫວຽດນາມ. ພາບ: ເລກວນ

 
ສຳລັບຕະຫຼາດອາເມລິກາ, ນັບແຕ່ເດືອນຕຸລາ ປີ 2014, ກະຊວງ ກະສິກຳ ອາເມລິກາ ໄດ້ຕັດສິນໃຈ ອະນຸຍາດ ນຳເຂົ້າ ໝາກລິ່ນຈີ່ ແລະ ໝາກລຳໄຍຈາກຫວຽດນາມ. ເພື່ອສາມາດ ເຂົ້າສູ່ຕະຫຼາດ ອາເມລິກາໄດ້, ໝາກລິ່ນຈີ່ຫວຽດນາມ ຕ້ອງຕອບສະໜອງ ໄດ້ບັນດາມາດຕະຖານ ກ່ຽວກັບຫຼັກອະນາໄມ ດ້ານສະບຽງອາ ຫານຢ່າງເຄັ່ງຄັດເຊັ່ນ: ຕົ້ນໝາກລິ່ນຈີ່ ຕ້ອງໄດ້ປູກ ຢູ່ເຂດທີ່ໄດ້ລົງທະບຽນ ແລະ ໄດ້ຮັບການຕິດຕາມຈາກກົມປົກປ້ອງ ພືດສາສາດ(ກະຊວງກະສິກຳ ແລະ ພັດທະນາຊົນນະບົດ) ຮັບປະກັນບໍ່ໃຫ້ໝາກໄມ້ມີເຊື້ອພະຍາດ; ບໍ່ມີສານປາບສັດ ຕູພືດປະເພດທີ່ຫວງຫ້າມ; ກ່ອນການສົ່ງອອກ ຕ້ອງໄດ້ ສ່ອງລັງສີ ຕ້ານເຊື້ອກາຝາກ; ສິນຄ້າສົ່ງອອກແຕ່ລະຊຸດ ຕ້ອງມີໃບຮັບຮອງ ກ່ຽວກັບຫຼັກອະນາໄມດ້ານສະບຽງອາຫານ ຂອງອົງການທີ່ກ່ຽວ ຂ້ອງຂອງຫວຽດນາມ ແລະ ມີໃບຮັບຮອງກ່ຽວກັບແຫລ່ງກຳເນີດ ສິນຄ້ານຳອີກ.

ເພື່ອສາມາດຕອບສະໜອງບັນດາມາດຕະຖານຢ່າງເຂັ້ມງວດ ຂອງ ຕະຫຼາດ ອາເມລິກາ, ບັນດາອົງການທີ່ກ່ຽວຂ້ອງ ຂອງ ຫວຽດນາມ ໃຊ້ເວລາກະກຽມເກືອບເປັນປີ. ເມື່ອເດືອນມີນາ ປີ 2015, ຜູ້ຕາງໜ້າອົງການກັກກັນພະຍາດ (ກະຊວງກະສິກຳ ອາເມລິກາ) ໄດ້ມາຢ້ຽມຢາມເຂດປູກໝາກລິ່ນຈີ່ ທີ່ຜະລິດ ຕາມຂັ້ນຕອນ GlobalGAP ຢູ່ຕາແສງຮົ່ງຢາງ.
 
  

ທ່ານ Hugh Borrowman, ເອກອັກຄະລັດຖະທູດ ອົສຕາລີ ປະຈຳ ຫວຽດນາມ 
 
“ເປັນສິ່ງຍອດຍິ່ງທີ່ສຸດ ເມື່ອ ຜູ້ບໍລິໂພກ ອົສຕາລີ ມີໂອກາດໄດ້ຊິມລົດຊາດ ຫອມຫວານ ຂອງໝາກລີ່ນຈີ່ ໃນລະດູການ ປີ 2015 ນີ້. ຂ້າພະເຈົ້າມີ ຄວາມ ຫມັ້ນໃຈວ່າ ຊາວ ອົສຕາລີ ຈະຕ້ອນຮັບຜະລິດຕະພັນ ຄຸນນະພາບສູງນີ້ ຄືກັນກັບ ຊາວຫວຽດນາມ ພວມໄດ້ຊິມ ບັນດາ ລົດຊາດຂອງໝາກໄມ້ສົດ ປະເພດຕ່າງໆຂອງ ອົສຕາລີ ຄື: ໝາກອະງຸ່ນ, ໝາກກ້ຽງ ແລະ ໝາກແຊຣີ”.

ຫຼັງຈາກການກວດກາ, ອົງການກັກກັນພະຍາດສັດ ແລະ ພືດສາ ສາດ ອາເມລິກາ ໄດ້ມີຄວາມເພີ່ງພໍໃຈ ແລະ ສະໜອງ ເລກລະ ຫັດ ໃຫ້ແກ່ບັນດາເຂດປູກໝາກລິ່ນຈີ່ ເພື່ອຕອບສະໜອງ ເງື່ອນ ໄຂສົ່ງອອກເຂົ້າຕະຫຼາດ ອາເມລິກາ ທີ່ບ້ານ ແກັບ 1, ບ້ານ ງອດ ແລະ ບ້ານ ເຟືອງເຊີນ. ທ້າຍເດືອນພຶດສະພາຜ່ານມາ, ບໍລິສັດ ແອ໋ງເຢືອງຊາວກຳກັດ ໄດ້ເກັບຊື້ໝາກລິ່ນຈີ່ສອງໂຕນ ທຳອິດ ທີ່ເມືອງລູກງ້ານ ແລະ ຂົນສົ່ງເຂົ້ານະຄອນໂຮ່ຈີມິນ ເພື່ອປະຕິບັດ ການສ່ອງລັງສີ ກ່ອນຈະສົ່ງອອກໄປຕະຫຼາດ ອາເມລິກາ.

ທີ່ໂຮງງານສ່ອງລັງສີ ເຊີນເຊີນ(ເມືອງບິ່ງເຕິນ) ບັນດາແກັດບັນຈຸ ໝາກລິ່ນຈີ່ ໄດ້ນຳເຂົ້າເຄື່ອງຈັກສ່ອງລັງສີ ດ້ວຍແສງເຣີນແກນ ດ້ວຍ ປະລິມານສ່ອງສັ່ນໄກວແຕ່ 400 – 1000Gy. ຂັ້ນຕອນ ສ່ອງລັງສີດັ່ງກ່າວ ມີຄຸນປະໂຫຍດທຳລາຍເຊື້ອກາຝາກ ຢູ່ເທິງໝາກລິ່ນຈີ່, ພິເສດແມ່ນໄຂ່, ໜອນຈະຖືກເປັນໝັນ, ທີ່ບໍ່ສົ່ງຜົນສະທ້ອນເຖິງໝາກລິ່ນຈີ່ ແລະ  ຮັບປະກັນຄວາມ ປອດໄພດ້ານສຸຂະພາບຕໍ່ຜູ້ບໍລິໂພກ.

ຖ້າຫາກວ່າເປັນຖ້ຽວສິນຄ້າສົ່ງອອກໄປອາເມລິກາ, ພາຍຫຼັງຖືກ ສ່ອງລັງສີແລ້ວ ປົກກະຕິຈະມີລັດຖະກອນອາເມລິກາ ກວດກາ ຄືນໃໝ່ ແກັດໝາກລິ່ນຈີ່ຈຳນວນໜຶ່ງກ່ອນການສົ່ງອອກ. ຖ້າຫາກເປັນຖ້ຽວສິນຄ້າສົ່ງອອກໄປ ອົສຕາລີ ຈະໄດ້ຮັບການ ກວດກາ ຈາກນັກຊ່ຽວຊານຂອງຄູ່ຮ່ວມມື ໃນຄະນະທີ່ ຜະລິດ ຕະພັນຖືກສົ່ງຮອດຕະຫຼາດ.

ມາຮອດປັດຈຸບັນນີ້, ພ້ອມກັບໝາກລິ່ນຈີ່, ກໍມີໝາກໄມ້ ຫຼາຍປະເພດອື່ນໆຂອງຫວຽດນາມໄດ້ປະກົດຕົວຢູ່ 100 ກວ່າ ປະເທດ ແລະ ເຂດແຄ້ວນໃນໂລກ. ໃນນັ້ນ EU (ສະຫະພາບ ເອີຣົບ) ໄດ້ມີ 28 ປະເທດແລ້ວ. ນີ້ແມ່ນຄວາມມານະພະຍາຍາມ ຢ່າງໃຫຍ່ຫຼວງ ຂອງຫວຽດນາມ ໃນການມຸ່ງສູ່ຕະຫຼາດສົ່ງອອກ ບັນດາປະເພດສິນຄ້າກະສິກຳ ມີທ່າແຮງ ສູ່ຕະຫຼາດຂອງບັນດາ ປະເທດ ແລະ ເຂດແຄວ້ນທີ່ມີຄວາມສາມາດບົ່ມຊ້ອນ. ໃນແຜນ ຍຸດທະສາດດັ່ງກ່າວ, ນະໂຍບາຍຂອງຫວຽດນາມແມ່ນຍຍູ້ແຮງ ບັນດາ ປະເພດສິນຄ້າໝາກໄມ້ເປັນຫຼັກ ແລະ  ມີຄຸນນະພາບ ແກ່ງແຍ້ງສູງ ຫຼືມີຄວາມແຕກຕ່າງ ຫາກບັນດາຕະຫຼາດທີ່ ຫວຽດນາມມຸ່ງຫວັງບໍ່ມີ. ພິເສດ, ບັນຫາດັ່ງກ່າວຈະນຳເອົາ ປະສິດທິຜົນສຸດທີ່ໃຫຍ່ຫຼວງ ຕໍ່ຂະແໜງການ ກະສິກຳຫວຽດນາມ ໃນຂະນະທີ່ຫວຽດນາມສິ້ນສຸດ ການເຈລະຈາ ບັນດາສັນຍາ ການຄ້າເສລີ(FTA) ສອງຝ່າຍ ແລະ ຫຼາຍຝ່າຍກັບບັນດາຄູ່ ຮ່ວມມື. ແລະ ກ່ຽວກັບສິນຄ້າໝາກລິ່ນຈີ່ນັ້ນ ເປັນຕົວຢ່າງໜຶ່ງ ທ່ີພົ້ນເດັ່ນ.


ຂະບວນລົດຂົນສົ່ງໝາກລິ່ນຈີ່ປະຕິບັດຂັ້ນຕອນຜ່ານດ່ານ ຢູ່ດ່ານຊາຍແດນລາວກາຍ ເພື່ອສົ່ງອອກໄປຕະຫລາດຈີນ. ພາບ: ທົງຈີ໋


ໝາກລິ່ນຈີ່ຂອງເມືອງລູກງ້ານແຂວງບັກຢາງ ມີປະມານ 1,2 ໂຕນ,  ສົ່ງອອກໄປປະເທດຝຣັ່ງ ໄດ້ຮັບການຈຳໜ່າຍອອກຢ່າງໄວວາ
ທີ່ ສັບພະສິນຄ້າ 4 ແຫ່ງຢູ່ນະຄອນຫຼວງ Paris ແລະ ສັບພະສິນຄ້າ 1 ແຫ່ງ
ທີ່ນະຄອນ Toulouse (ພາກໃຕ້ຝຣັ່ງ). ພາບ: ບິກຮ່າ



ໝາກລິ່ນຈີ່ໄດ້ຮັບການຈັດວາງຂາຍຢູ່ຕາມບັນດາຮ້ານສັບພະສິນຄ້າແຫ່ງໃຫຍ່ໆ ຢູ່ນະຄອນ Melbourne(ອົສຕາລີ). ພາບ: ຫງວຽນຮົ່ງຖຸ໋ຍ


ໝາກລິ່ນຈີ່ເມືອງລູກງ້ານຈະມີສີແດງສົດໃສ, ຫນ່ວຍໃຫຍ່, ນວນໜາ, ແກ່ນນ້ອຍ ແລະ ມີລົດຊາດຫອມທີ່ເປັນເອກະລັກ. ພາບ: ຈິ້ງໂບ້


ນາງ Karolin(ຜູ້ຢູ່ກາງ)  ແລະ ບັນດາເພື່ອນໆຂອງນາງ ທີ່ມາ ຈາກປະເທດ ເຢຍລະມັນ
ມັກລົດຊາດຂອງໝາກລິ່ນຈີ່ ຂອງຫວຽດນາມ. ພາບ: ທົງຫາຍ



ທ່ານເອກອັກຄະລັດຖະທູດ ອົສຕາລີ Hugh Borrowman(ນຸ່ງຊຸດ ກອມປແລ) ພ້ອມກັບລັດຖະກອນສະຖານທູດ ອົສຕາລີ
ປະຈຳຫວຽດນາມ ຊິມລົດຊາດຂອງໝາກລິ່ນຈີ່ຕົ້ນລະດູ 2015. ພາບ: ສະຖານທູດອົສຕາລີປະຈຳຫວຽດນາມ

 
ບົດ: ທົງທ້ຽນ, ເຊີນເຫງຍ
ພາບ: ຈິ້ງໂບ້, ທົງທ້ຽນ, ທົງຫາຍ, ທົງຈີ໋, ແທງຫວູ, ເລກວນ, ບິກຮ່າ, ແມ້ງມິງ, ຟ້າມຊວນຮຸຍ ແລະ ສະຖານທູດ ອົສຕາລີປະຈຳຫວຽດນາມ

ບັນດາບົດທີ່ຖືກນຳສະເໜີ