08/08/2018 10:33 GMT+7 Email Print Like 0

ໄທ ມານະພະຍາຍາມ ປ້ອງກັນ, ຕ້ານໄພນ້ຳຖ້ວມຢູ່ເຂດຕາເວັນຕົກສ່ຽງໃຕ້

      ວັນທີ 7 ສິງຫາ, ບັນດາຫ້າງຮ້ານຢູ່ແຂວງ ເພັດຊະບູລີ, ພາກຕາເວັນຕົກສ່ຽງໃຕ້ຂອງໄທ, ຕ້ອງໄດ້ນຳໃຊ້ບັນດາກະສອບຊາຍ ແລະ ດິນຈີ່ ເພື່ອມາຕັນປະຕູແນໃສ່ຮັບມືກັບສະພາບໄພນ້ຳຖ້ວມ ຍ້ອນກັງວົນວ່ານ້ຳຈະລົ້ນຜ່ານເຂື່ອນໄຟຟ້າແຫ່ງໜຶ່ງໃນຂົງເຂດ. 
ເຈົ້າໜ້າທີ່ໄທຫວັງວ່າຈະສາມາດຄວບຄຸມລະດັບນ້ຳໃນເຂື່ອນ ແກ່ງກະຈານ ໄດ້. ທ່ານ ອະນຸພົງ ເຜົ່າຈິນດາ ລັດຖະມົນຕີກະຊວງພາຍໃນຂອງໄທ ໄດ້ຄາດຄະເນວ່າ ອາດຈະມີ 4 ເມືອງຖືກຜົນກະທົບ. ອຳນາກການປົກຄອງທ້ອງຖີ່ນກຳລັງກະກຽມກະສອບຊາຍ ແລະ ເຄື່ອງສູດນ້ຳຈຳນວນຫຼາຍເພື່ອຮັບມືກັບສະພາບການດັ່ງກ່າວ. ຄາດວ່າທ່ານ ປຣາຢຸດ ຈັນໂອຊາ ນາຍົກລັດຖະມົນຕີໄທ ຈະເດີນທາງໄປຢ້ຽມຢາມແຂວງ ເພັດຊະບູລີ ໃນວັນທີ 8 ສິງຫານີ້. ເຈົ້າໜ້າທີ່ຮັບຜິດຊອບກໍ່ຈະສົ່ງແຈ້ງເຕືອນໄປເຖິງບັນດາແຂກທ່ອງທ່ຽວທີ່ມາຢາມແຂວງເພັດຊະບູລີ, ບ່ອນທີ່ມີສະຖານທີ່ພັກຜ່ອນບໍາລຸງສຸຂະພາບຫຼາຍແຫ່ງຢູ່ແຄມທະເລໃກ້ກັບອ່າວໄທ.
ເມື່ອປີ 2011, ໄທໄດ້ຖືກປະສົບໄພນ້ຳຖ້ວມທີ່ຮ້າຍແຮງທີ່ສຸດໃນເຄິ່ງສັດຕະວັດທີ່ຜ່ານມາ. ໄພນ້ຳຖ້ວມຄັ້ງນັ້ນ, ໄດ້ເຮັດໃຫ້ມີຜູ້ເສຍຊີວິດຫຼາຍກວ່າ 900 ຄົນ ແລະ ສ້າງຜົນເສຍຫາຍໃຫ້ແກ່ການຜະລິດ, ກໍ່ຄືສົ່ງຜົນກະທົບຕໍ່ການເຕີບໂຕເສດຖະກິດຂອງໄທ.
 (ແຫຼ່ງຄັດຈາກ VOV)