20/12/2015 00:01 GMT+7 Email Print Like 0

ໄຂ່ມຸກ ຮວ່າງຢາ

ອາຊີບລ້ຽງຫອຍກາບກວ້າງເພື່ອເກັບໄຂ່ມຸກປະກົດຂຶ້ນໃນໂລກໄດ້ເປັນຮ້ອຍກວ່າປີແລ້ວ, ມາເຖິງປະຈຸບັນ, ຫຼາຍປະເທດໃນໂລກໄດ້ ມີການພັດທະນາອາຊີບລ້ຽງຫອຍກາບກວ້າງເກັບໄຂ່ມຸກ ຍ້ອນວ່າ ມັນມີປະສິດທິຜົນສູງທາງດ້ານເສດຖະກິດ. ຢູ່ ຫວຽດນາມ, ບໍລິສັດ ໄຂ່ມຸກ ຮວ່າງຢາ (Hoang Gia Pearl) ບໍ່ພຽງແຕ່ພັດທະນາອາຊີບ ລ້ຽງຫອຍກາບກວ້າງເກັບໄຂ່ມຸກໄດ້ເປັນຢ່າງດີເທົ່ານັ້ນ, ຫາກຍັງມີ ວິທີ ການອອກແບບຄວັດລວດລາຍປັກຝັງເຂົ້າທາງໃນຂອງເມັດ ໄຂ່ມຸກອີກດ້ວຍ, ສິ່ງດັ່ງກ່າວໄດ້ຮັບການຕີລາຄາວ່າເປັນການບຸກທະລຸໃນຂະແໜງຜະລິດເຄື່ອງປະດັບຂອງໂລກ.
ເຂດທະເລຂອງ ຫວຽດນາມ ເປັນບ່ອນມີກະແສນ້ຳໝັ້ນຄົງ, ມີທາດບຳລຸງຫຼາຍ​ຢ່າງ​ທີ່ເໝາະສົມກັບການລ້ຽງຫອຍກາບກວ້າງເກັບໄຂ່ ມຸກ. ພິເສດ, ຢູ່ຫວຽດນາມ ສາມາດລ້ຽງຫອຍກາບກວ້າງ​ໄດ້ຫຼາຍ ຊະນິດ, ບໍ່ຄືກັນ​ກັບບັນດາປະເທດອື່ນໆ ລ້ຽງໄດ້ພຽງຊະນິດດຽວ ເທົ່ານັ້ນ. ນີ້ຖືເປັນທ່າແຮງອັນຍິ່ງໃຫຍ່ທີສຸດເພື່ອຊ່ວຍໃຫ້ ບໍລິສັດໄຂ່ມຸກ ຮວ່າງຢາ ພັດທະນາ ແລະ ເຕີບໃຫຍ່ເຂັ້ມແຂງ.

ເຖິງວ່າ ຫາກໍ່ໄດ້ຮັບການສ້າງຕັ້ງຂຶ້ນເມື່ອປີ 2001, ແຕ່ມາເຖິງປະ ຈຸບັນນີ້, ບໍ​ລິ​ສັດຮວ່າງຢາ ກາຍເປັນໜຶ່ງໃນຈຳນວນບໍລິສັດ ລ້ຽງ ແລະ ປູກເຊື້ອໄຂ່ມຸກໃຫຍ່ທີ່ສຸດ​ຂອງຫວຽດນາມ, ບໍ​ລິ​ມາດ​ການສະ ໜອງໄຂ່ມຸກໃຫ້ແກ່ຕະຫຼາດພາຍໃນ ແລະ ຕ່າງປະເທດ​ໄດ້ຫຼາຍ ລ້ານເມັດຕໍ່ປີ.

ປະຈຸບັນ, ບໍ​ລິ​ສັດຮວ່າງຢາ ມີຟາ​ມລ້ຽງຫອຍກາບກວ້າງ 3 ແຫ່ງ,​ ລວມ​ມີເນື້ອທີ່ປະມານ 40.000 ເຮັກຕາ ຢູ່ເຂດເກາະ ຮ່ອນຕ່ຳ, ບຶງຍາຝູ, ບຶງມົນ, ຂຶ້ນກັບແຂວງແຄ້ງຮວ່າ. ສະເພາະຢູ່ ເກາະຮ່ອນຕ່ຳ, ບໍລິສັດກຳລັງລ້ຽງຫອຍກາບກວ້າງທຸກຊະນິດເປັນ ຈຳນວນລ້ານໂຕ, ໃນ​ນັ້ນ, ມີຫອຍ Akoya, South Sea ແລະ Tahiti ໃນເນື້ອທີ່ປະ​ມານ 10 ເຮັກຕາ. 

ເຂດລ້ຽງຫອຍກາບກວ້າງເພື່ອເກັບໄຂ່ມຸກຂອງບໍລິສັດ ໄຂ່ມຸກ ຮວ່າງຢາ
ທີ່ ຮ່ອນ​ຕ່ຳ, ແຂວງ ແຄງຮວ່າ. ພາບ: ເຕິດເຊີນ/VNP



ແຕ່​ລະມື້, ​ນາຍຊ່າງລ້ຽງຫອຍກາບກວ້າງໄຂ່ມຸກ ຮວ່າງຢາ ຕ້ອງໄດ້ດຳລົງພື້ນທະເລ
ເພື່ອກວດກາສະພາບການເປັນ ຢູ່ຂອງຫອຍກວ້າງ. ພາບ: ເຕິດເຊີນ/VNP



ນາຍຊ່າງລ້ຽງຫອຍກາບກວ້າງ​ເອົາຈຸລັງຂອງຫອຍກວ້າງ
ທີ່ແຂງແຮງເພື່ອ​ປັກ​ຝັງກັບ​ໜໍ່ແໜງໄຂ່ມຸກ. ພາບ: ເຕິດເຊີນ/VNP



ໜໍ່ແໜງໄຂ່ມຸກໄດ້​ປັກຝັງເຂົ້າໃນຫອຍກາບກວ້າງ. ພາບ: ເຕິດເຊີນ/VNP


ໜໍ່ແໜງໄຂ່ມຸກໄດ້​ປັກຝັງເຂົ້າໃນຫອຍກາບກວ້າງ. ພາບ: ເຕິດເຊີນ/VNP


ຫອຍກາບກວ້າງຫຼາຍໂຕທີ່ໄດ້​ປັກຝັງ​ໜໍ່ແໜງໄຂ່ມຸກ. ພາບ: ເຕິດເຊີນ/VNP


ຫອຍກາບກວ້າງຫຼັງຈາກ​ທີ່ໄດ້​ປັກຝັງແລ້ວໆຈະໄດ້ເອົາໄປປ່ອຍລົງ ສູ່ທະເລ. ພາບ: ເຕິດເຊີນ/VNP


ຂະ​ບວນ​ການລ້ຽງຫອຍກາບກວ້າງເກັບ​ໄຂ່​ມຸກ, ຜູ້ລ້ຽງຕ້ອງ​ດຸ​ຫມັ່ນ​ຄັດ, ລ້າງສັດກາຝາກທີ່ຕິດ
ຢູ່ເປືອກນອກ
ຫອຍກາບກວ້າງເພື່ອ​ກັນພະຍາດໃຫ້​ແກ່ຫອຍ​ຢູ່​ສະ​ເຫມີ. ພາບ: ເຕິດເຊີນ/VNP



ປະຈຸບັນ, ບໍລິສັດໄຂ່ມຸກ ຮວ່າງຢາ ເປັນບໍລິສັດຜະລິດເຄື່ອງປະ​ດັບຈາກໄຂ່ມຸກໃຫຍ່ທີ່ສຸດ ຫວຽດນາມ.
ພາບ: ເຕິດເຊີນ/VNP



ໂຮງງານຜະລິດເຄື່ອງ​ປະ​ດັບ​ຈາກ​ໄຂ່​ມຸກ​ຂອງບໍລິສັດໄຂ່ມຸກ ຮວ່າງຢາ ທີ່ນະຄອນ ໂຮ່ຈີມິນ.
ພາບ: ເອກະສານ/VNP



ບໍລິສັດໄຂ່ມຸກ ຮວ່າງຢາ ມີຊື່ສຽງກ້ອງ​ໂລກດ້ວຍ​ການ​ນຳ​ໃຊ້ເຕັກນິກ​ຄວັດລວດລາຍ​ຝັງເຂົ້າທາງໃນໄຂ່ມຸກ.
ພາບ: ເອກະສານ



ທ່ານ ໂຮ່ແທງຕວນ, ຜູ້ອຳນວຍການໃຫຍ່ ບໍລິສັດໄຂ່ມຸກ ຮວ່າງຢາ
ຮັບໃບຢັ້ງຢືນສະຖິຕິ ຫວຽດນາມໃນມົງກຸດທີ່ຕິດເມັດໄຂ່ມຸກ ຮູບ ກອງທອງໃຫຍ່ທີ່ສຸດ
ແລະ ໄດ້ຕິດໄຂ່ມຸກທຳມະຊາດຫຼາຍເມັດ ທີ່ສຸດ. ພາບ: ເອກະສານ



ລູກຄ້າຊື້ຜະລິດຕະພັນເຄື່ອງ​ປະ​ດັບທີ່ເຮັດດ້ວຍໄຂ່ມຸກຂອງ ຮວ່າງ ຢາ ທີ່ ແຄງຮວ່າ. ພາບ: ເຕິດເຊີນ/VNP

ໄຂ່ມຸກຂອງບໍ​ລິ​ສັດ ຮວ່າງຢາ ກ່ອນຈະນຳ​ໄປໃຊ້ໄດ້ຮັບການກວດ ກາດ້ານຄຸນນະພາບດ້ວຍ​ເຄື່ອງຈັກ X-ray ເພື່ອວັດແທກຄວາມ ໜາຂອງມຸກ, ສົມທົບກັບການ​ຄັດເລືອກໄຂ່ມຸກແຕ່ລະເມັດໆແບບ ປະ​ຖົມ​ປະ​ຖານເພື່ອເລືອກເອົາໄຂ່ມຸກ​ທີ່​ມີ​ລະ​ດັບ​ຄວາມເຫຼື້ອມໃສ, ມົນ​ສະ​ເຫມີ ແລະ ສົມ​ບຸນ​ແບບ.ເພື່ອສ້າງຈຸດໂດດ​ເດັ່ນ ແລະ ແປກໃໝ່ທຽບກັບໄຂ່ມຸກຂອງປະ ເທດອື່ນໆ, ບໍ​ລິ​ສັດຮວ່າງຢາ​ໄດ້ມີການຄົ້ນຄວ້າ ແລະ ນຳໃຊ້ຢ່າງ ​ມີ​ປະ​ສິດ​ທິ​ຜົນວິທີການຄວັດລວດລາຍປັກ​ຝັງເຂົ້າໃນໄຂ່ມຸກ.​ ຊຶ່ງ​ເຫັນ​ວ່າ​ເປັນວິທີທີ່​ໂດດ​ເດັ່ນທີ່ຍັງບໍ່ທັນມີປະເທດໃດຢູ່ໃນໂລກເຮັດ ໄດ້ເທື່ອ.
 
ບໍລິວັດໄຂ່ມຸກ ຮວ່າງຢາ (Hoang Gia Pearl)
ເລັກທີ:​ 54 ຫງວຽນທິເທີບ, ເຂດ ຫີມລາມ, ບ້ານ ເຕິນຮືງ, ເມືອງ 7, ນະຄອນ ໂຮ່ຈີມິນ.
ໂທລະສັບ: (08) 22 53 22 77
ແຟັກ: (08) 22 53 22 66
ອີເມວ: info@HoangGiaPearl.com
ເວັບໄຊ: www.HoangGiaPearl.com
 

ການສ້າງລວດລາຍ​ຝັງເຂົ້າທາງໃນ​ເມັດໄຂ່ມຸກແມ່ນຂຶ້ນກັບຂັ້ນ ຕອນ​ການ​ປັກ​ປະ​ສົມເບື້ອງຕົ້ນ. ອັດຕາ​ສ່ວນ​ຂອງ​ຄວາມ​ເປັນ​ໄປ​ໄດ້ຂອງໄຂ່ມຸກທີ່ຄວັດລວດລາຍຝັງ​ດັ່ງ​ກ່າວບັນລຸໄດ້ພຽງແຕ່ເຄິ່ງ ໜຶ່ງທຽບໃສ່ການຜະລິດໄຂ່ມຸກທຳມະດາ. ກ່ອນ​ຈະຜະລິດໄດ້ໄຂ່ມຸກ ປະເພດໂດດ​ເດັ່ນ​ນີ້​, ເຂົາເຈົ້າຈະເລືອກເອົາເມັດໄຂ່ມຸກ​ຫຍາບ ທີ່ເກັບມາໄດ້ ແລະ ປະຕິບັດການຄວັດລວດລາຍ​ຕ່າງໆ​ຕາມ​ໃຈ​ມັກ​ຝັງເຂົ້າທາງໃນ​ເມັດ​ໄຂ່​ມຸກ, ຫຼັງຈາກນັ້ນ ຈຶ່ງ​ນຳໄປ​ປັກ​ຝັງຄືນໃສ່ ຫອຍກາບກວ້າງ. ຫຼັງຈາກປັກຝັງໄດ້ໄລຍະໜຶ່ງ, ນ້ຳມຸກໃນຫອຍ ກາບກວ້າງຈະ​ລະ​ລາຍອອກ​ມາ ແລະ ປົກຫຸ້ມເມັດໄຂ່ມຸກທີ່ໄດ້​ຄວັດ ລວດລາຍ. ຊັ້ນມຸກໃໝ່ທີ່ປົກຫຸ້ມເມັດໄຂ່ມຸກເກົ່າຈະ​ມີຄວາມໜາ​ໃນ​ລະ​ດັບ​ໃດ​ຫນຶ່ງເຮັດໃຫ້ລວດລາຍ​ທີ່​ຄວັດ​ນັ້ນບໍ່ຖືກປົກຄຸມດ້ວຍ​ນ້ຳ​ມຸກ​ໝົດຈຶ່ງ​ເຮັດ​ໃຫ້​ມີລາຍເສັ້ນຄວັດ​ໂດດ​ເດັ່ນ​ ແລະ ເປັນ ຮູບຊົງທິ່ ແປກປະຫຼາດນຳອີກ. ແຕ່​ເຖິງ​ຢ່າງ​ໃດ​ກໍ່​ດີກວ່າ​ຈະສ້າງລວດລາຍ ໄດ້ດັ່ງຄວາມມຸ່ງຫວັງ, ຜູ້ລ້ຽງຫອຍກວ້າງຕ້ອງມີການຕິດຕາມ ຢູ່ເລື້ອຍໆ, ຍ້ອນ​ວ່າຖ້າ​ຈະປະໃຫ້ຊັ້ນມຸກປົກໜາ​ເກີນ​ໄປ​ຈະເຮັດ ໃຫ້ບໍ່​ເຫັນລວດລາຍທີ່​ຄວັດ​ລົງ ແລະ ຖ້າຊັ້ນ​ມຸກ​ປົກບາງ​ເກີນ​ໄປ​ກໍ່​ຈະ​ເຮັດ​ໃຫ້ເມັດໄຂ່ມຸກບໍ່ມີຄວາມທົນທານ. ສຳລັບເຂດທະເລຫວຽດ ນາມລ້ຽງ​ໄດ້​ປະ​ມານໜຶ່ງປີກໍ່ສາມາດເກັບກູ້ໄດ້ເມັດໄຂ່ມຸກທີ່ຄວັດຮູບ ລວດລາຍປັກຝັງໄດ້ແລ້ວ.

ຍ້ອນວ່າລາ​ຄາ​ຂາຍໄຂ່ມຸກຫຍາບໃນ​ທ້ອງຕະຫຼາດມີລາຄາຕ່​ຳ, ທາງ ບໍລິສັດ ໄຂ່ມຸກ ຮວ່າງຢາ ຈຶ່ງໄດ້ຕັດສິນໃຈລົງທຶນເພື່ອ​ເພີ່ມ​ມູນ​ຄ່າຂອງໄຂ່ມຸກສູງ​ຂຶ້ນ ດ້ວຍວິທີການສຸມໃສ່ຜະລິດເປັນປະ​ເພດ ເຄື່ອງ​ປະ​ດັບທີ່ມີ​ຄຸນ​ນະ​ພາບ​ສູງ ຕາມຕົວແບບທີ່ທັນສະໄໝ​ໄດ້​ມາດ​ຕະ​ຖານຂອງໂລກ. ແຕ່ລະປີ, ດ້ວຍຄວາມພະຍາຍາມປະດິດສ້າງ ຢ່າງບໍ່ຢຸດຢັ້ງ, ບໍລິສັດໄຂ່ມຸກ ຮວ່າງຢາ ໄດ້​ປະ​ດິດ​ຄິດ​ແຕ່ງ​ຫຼາຍ​ຮ້ອຍ​ແບບເຄື່ອງປະ​ດັບໄຂ່​ມຸກ​ຊັ້ນ​ສູງມີຫຼາກຫຼາຍຮູບແບບທີ່ ໂດດ​ເດັ່ນ.
 
ດ້ວຍອິດທິຜົນຊື່​ສຽງຂອງຕົນ, ໄຂ່ມຸກ ຮວ່າງຢາ ໄດ້​ຮັບ​ກຽດກາຍ ເປັນຜູ້ອອກແບບ ແລະ ຜະລິດມົງກຸດນາງງາມ ຫວຽດນາມປີ 2014. ຊຶ່ງເປັນມົງກຸດໜ່ວຍທຳອິດ ທີ່​ໄດ້ສ້າງສະຖິຕິແຫ່ງຊາດ ດ້ວຍນາມມະຍົດທີ່ເປັນມົງກຸດ ຕິດເມັດໄຂ່ມຸກຮູບກອງທອງໃຫຍ່ ທີ່ສຸດ ແລະ ໄດ້ຕິດໄຂ່ມຸກທຳມະຊາດຫຼາຍເມັດທີ່ສຸດ. ຈຸດເດັ່ນ ຂອງມົງກຸດໜ່ວຍນີ້ ແມ່ນເມັດໄຂ່ມຸກເປັນຮູບກອງທອງໃຫຍ່​ຂະ​ໜາດ 15 ມມ ໄດ້ຕິດຢູ່ໃຈກາງຂອງມົງກຸດ, ອ້ອມຮອບນອກ ແມ່ນໄຂ່ມຸກທຳມະຊາດ 18 ເມັດ ພ້ອມກັບໄຂ່ມຸກທະເລ Akoya ສີຂາວ 36 ເມັດ ແລະ ເພັດທຳມະຊາດປະ​ມານ 1.000 ເມັດຕິດຕາມຮູບຂອງໃບດອກບົວ. 

ມົງກຸດຂອງນາງງາມ ຫວຽດນາມ ໂດຍບໍລິສັດໄຂ່ມຸກ ຮວ່າງຢາ ຜະລິດ ແລະ ອອກແບບ. ພາບ: ເອກະສານ


ເມັດໄຂ່ມຸກທີ່ມີລວດລາຍກອງທອງຄວັດລວດລາຍປັກຝັງໃຫຍ່ທີ່ສຸດຂອງ
ບໍລິສັດ ໄຂ່ມຸກ ຮວ່າງຢາ ທີ່​
ໄດ້ຕິດຢູ່ເທິງມົງກຸດນາງງາມ ຫວຽດນາມ ປີ 2014. ພາບ: ເອກະສານ



ເມັດໄຂ່ມຸກຫຍາບຫາກໍ່ໄດ້ຂຸດຄົ້ນຂອງບໍລິສັດ ໄຂ່ມຸກ ຮວ່າງຢາ. ພາບ: ເຕິດເຊີນ/VNP


ສາຍແຂນທີ່​ຮ້ອຍດ້ວຍເມັດໄຂ່ມຸກດຳຂອງ ຮວ່າງຢາ. ພາບ: ເຕິດເຊີນ/VNP


ຜະລິດຕະພັນສາຍແຂນຕິດໄຂ່ມຸກທຳມະຊາດ. ພາບ: ເຕິດເຊີນ/VNP


ສາຍສ້ອຍຄໍຄຳຕິດໄຂ່ມຸກຂອງ ຮວ່າງຢາ.​ ພາບ: ເຕິດເຊີນ/VNP


ຜະລິດຕະພັນເຄື່ອງ​ປະ​ດັບໄຂ່ມຸກຂອງບໍລິສັດ ໄຂ່ມຸກ ຮວ່າງຢາ. ພາບ: ເຕິດເຊີນ/VNP


ຜະລິດຕະພັນເຄື່ອງ​ປະ​ດັບໄຂ່ມຸກຂອງບໍລິສັດ ໄຂ່ມຸກ ຮວ່າງຢາ. ພາບ: ເຕິດເຊີນ/VNP
ຈາກຜົນງານທີ່ບັນລຸໄດ້, ໄຂ່ມຸກ ຮວ່າງຢາ ສົມແລ້ວທີ່ກາຍເປັນ ເຄື່ອງໝາຍການຄ້າໃຫຍ່ໃນຂະແໜງການຜະລິດເຄື່ອງປະ​ດັບຂອງ​ ເພດ​ຍິງພາຍໃນ ແລະ ​ຂອງໂລກອີກດ້ວຍ.
ບົດ ແລະ ພາບ: ເຕິດເຊີນ

ບັນດາບົດທີ່ຖືກນຳສະເໜີ