13/01/2016 06:32 GMT+7 Email Print Like 0

ໄຂສັບປະດາວາງສະແດງຮູບພາບ “ຫວຽດນາມ-ຄວາມງາມມະຫັດສະຈັນ”

ທ່ານ​ເອກ​ອັກຄະ​ລັດຖະທູດ ຫວຽດນາມ ປະຈຳ ຈີນ ດັ້ງ​ມິງຄອຍ
 ແລະ ບັນດາແຂກເຂົ້າຮ່ວມ
(ພາບ: vov.vn)
          ຕອນ​ບ່າຍ​ວັນ​ທີ​ທ 11/1, ຢູ່​ປັກ​ກິ​ງ, ປະ​ເທດ ຈີນ, ​ໄດ້​ໄຂ​ງານ​ວາງສະ​ແດງ​ຮູບ​ພາບ “ຫວຽດນາມ - ຄວາມ​ງາມ​ມະຫັດສະຈັນ”. ນີ້​ແມ່ນ​ການ​ເຄື່ອນ​ໄຫວ​ໂດຍ​ສະຖານທູ​ດ ຫວຽດນາມ ປະຈຳ ຈີນ ສົມທົບ​ກັບ​ກະຊວງ​ວັດທະນະທຳ​ ກິລາ ​ແລະ ທ່ອງ​ທ່ຽວ ຫວຽດນາມ ​ແລະ ກະຊວງ​ວັດທະນະທຳ ຈີນ ຈັດ​ຕັ້ງ. ງານ​ວາງສະ​ແດງ​ໄດ້​ນຳ​ມາ​ໃຫ້​ຜູ້​ຊົມ​ບັນດາ​ພາບ ​ແລະ ພາບ​ແຕ້​ມ​ຂອງ​ນັກຖ່າຍພາບ​ທີ່​ມີ​ຊື່​ສຽງ​ຂອງ ຫວຽດນາມ 3 ຄົນ.
        ກ່າວ​ຄຳ​ເຫັນ​ທ່ີ​ພິທີ​ໄຂ​, ທ່ານ​ເອກ​ອັກຄະ​ລັດຖະທູດ ຫວຽດນາມ ປະຈຳ ຈີນ ດັ້ງ​ມິງຄອຍ ​ເນັ້ນ​ໜັກ​ວ່າ: ​ໃນ​ໄລຍະ​ຜ່ານ​ມາ, 2 ປະ​ເທດ ຫວຽດນາມ ​ແລະ ຈີນ ​ໄດ້​ສົມທົບ​ກັນ​ຈັດ​ຕັ້ງ​ການ​ເຄື່ອນ​ໄຫວ​ພົບ​ປະ​ແລກປ່ຽນ​ດ້ານວັດທະນະທຳ, ສິລະ​ປະ, ການ​ສຶກສາ, ກິລາ, ການ​ທ່ອງ​ທ່ຽວ… ການຮ່ວມ​ມື​ວັດທະນະທຳ ​ແລະ ການ​ພົບ​ປະ​ແລກປ່ຽນ​ປະຊາຊົນ​ນັບ​ມື້​ນັບ​ໄດ້​ຮັບ​ການ​ເພີ່ມ​ທະວີ, ປະກອບສ່ວນ​ເພີ່ມ​ທະວີ​ນຳ້​ໃຈ​ມິດຕະພາບ ​ແລະ ຄວາມ​ເຂົ້າ​ອົກ​ເຂົ້າ​ໃຈ​ລະຫວ່າງ​ປະຊາຊົນ 2 ປະ​ເທດ, ສ້າງ​ພື້ນຖານ​ດ້ານ​ສັງຄົມ​ຢ່າງ​ໜັກ​ແໜ້ນ​ໃຫ້​ແກ່​ການ​ພົວພັນ 2 ຝ່າຍ. ທ່ານ​ເອກ​ອັກຄະ​ລັດຖະທູດ​ຫວັງ​ວ່າ: ຜ່ານ​ບັນດາ​ຮູບ​ພາບ​ໄດ້​ນຳ​ມາວາງສະ​​ແດງ​ຄັ້ງນີ້, ມະຫາ​ຊົນ ຈີນ ​ແລະ ບັນດາ​ປະ​ເທດ​ໃນ​ໂລກ​ມີ​ຄວາມເຂົ້າ​ໃຈ​ຕື່ມ​ອີກ​ກ່ຽວ​ກັບປະ​ເທດ​ຊາດ ​ແລະ ປະຊາຊົນ ຫວຽດນາມ, ​ເຊິ່ງ​ແມ່ນ​ປະ​ເທດ​ສວຍ​ງາມ, ຮັກ​ແພງ​ແຂກ​ຄົນ ​ແລະ ຮັກຫອມ​ສັນຕິພາບ.
(​ແຫຼ່ງຄັດ​ຈາກ VOV)